དུས་ཚོད་ཉོས་པའི་གཏམ་རྒྱུད།

ཉིན་ཁས་སྔོན་ལ་དྲ་ཐོག་ནས་གྲོགས་པོ་ཞིག་ལ་(劳力士)“ལོ་ལིས་སུ་”ཡི་)དུས་ཚོད་ཅིག་ཉོ་རོགས་བྱས། “ལོ་ལས་སི་”ནི་འཛམ་གླིང་ན་ཆེས་མིང་དུ་གྲགས་པའི་དུས་ཚོད་འགྲན་ཟླ་བྲལ་བ་ཞིག་ཡིན་པ་ཚང་མས་ཤེས་གསལ་ལྟར་རེད། དེ་འདྲའི་དུས་ཚོད་དག་མ་ཅིག་ལ་གོང་ཚོད་ཁྲི་བཞི་ལྔ་ལྷག་དགོས་པས། དེ་འདྲ་ཞིག་གང་ནས་ཁུགས་ཏེ། གཏན་ནས་ཁུག་ཚོད་མེད་། དེ་བས་ཅུང་ཚད་གཞི་མཐོ་བའི་བསྒྲིགས་མ་ཞིག་ཉོ་ཁུལ་བྱས། དེ་རིང་ལག་ཏུ་འབྱོར།  གསལ་བྱེད་ཀྱི་ཡི་གེ་སྣ་ཚོགས་དང་ཤོག་སྒམ་གྱི་ཇུས་འགོད་སོགས་ནི་ཧ་ལས་པ་རེད། དངོས་མ་ཞིག་ལ་ཡང་ཕྱི་ཤུན་རྫིག་པོ་འདི་ལས་ལྷག་ཅིག་ཡོད་ཚོད་མི་འདུག་སྙམ་པ་དྲན་ཡོང་། དང་ཐོག་གྲོགས་པོའི་བློ་ཡིད་རབ་ཏུ་ཚིམས་ཏེ་དགའ་ཐག་ཆོད་ཡོད་ནའང་། ཞིབ་ཀྱིས་བལྟས་པ་ན་ང་ཚོའི་ནམ་རྒྱུན་གྱི་ཁ་སྐད་བཤད་ན་མིག་སྡེབ་ཟེར་བ་དེ་ཡིན་པ་ཤེས། མིག་སྡེབ་ཅེས་པ་མདའ་རིང་ལྡིང་འགྲོས་ཀྱི་འགྲོ་བ་དེ་ལ་ཟེར། མིག་སྡེབ་ཡིན་པ་ཙམ་མ་གཏོགས་ཞན་ཆ་གཞན་ནི་ཅི་ཡང་བཙལ་རྒྱུ་མི་འདུག ཞིབ་ཚགས་པ་ཡིན་པ་དང་བལྟས་ཚོད་ཀྱིས་རྒྱུ་སྤུས་བཟང་བ། གདོང་ངོས་དང་ལུང་ཐག་ངོས་སུ་“ལོ་ལས་སུའི་”མཚོན་རྟགས་འབུར་གཟུགས་སུ་བཏོད་ཡོད་པ་སོགས་ཀྱིས་ཡིད་རབ་འཕྲོད་པར་བྱེད། རེད་དེ་མིག་སྡེབ་ལ་གྲོགས་པོ་དེ་ཙམ་ཐུགས་དགྱེས་ཀྱིན་མི་འདུག་པས། སང་ཉིན་ཕྱིར་བསྐུར་ཏེ། རྒྱུའི་སྐད་དུ་བཤད་ན། ཙི་ཏུང་(自动)ཟེར་བ་དེ་འདྲ་ཞིག་ལ་བརྗེ་དགོས་ཡོད། བར་མ་བར་ནས་རང་ཉིད་ཀྱིས་དཀའ་ལས་ཅུང་ཙམ་མྱོང་གིན་ཡོད་ནའང་། གྲོགས་པོའི་ཆེད་དུ་ནུས་ཤུགས་ཅི་ཡོད་འདོན་ཀྱིན་ཡོད།