བུ་མོ་དེ་འདྲ་རིག་ན་སྐད་ཅིག་ཤོག
—མྱིང་མེད།
བུ་མོ་ཁ་ལས་རླུང་རྟ་དར་ནི་ཞིག །
བུ་མོ་སྤྱི་ཚོགས་འཚོ་བར་བསྟུན་ནི་ཞིག །
བུ་མོ་ཕ་མའི་དྲིན་ལན་བསམ་ནི་ཞིག །
བུ་མོ་དེ་འདྲ་རིག་ན་སྐད་ཅིག་ཤོག །
རང་རིགས་མེས་པོ་དག་ལ་དགའ་ནི་ཞིག །
རང་རིགས་སྐད་དང་ཡི་གེར་ཤེས་ནི་ཞིག །
རང་རིགས་བུ་རབས་ཚ་རྒྱུད་སྐྱོང་ནི་ཞིག །
བུ་མོ་དེ་འདྲ་རིག་ན་སྐད་ཅིག་ཤོག །
ནང་གི་བཟའ་མི་ཀུན་ལ་དུངས་ནི་ཞིག །
ནང་གི་བྱ་བ་གང་ཡིན་རྒྱུས་ནི་ཞིག །
ནང་གི་མིང་སྲིང་ཀུན་ལ་སེམས་ནི་ཞིག །
བུ་མོ་དེ་འདྲ་རིག་ན་སྐད་ཅིག་ཤོག །
ནང་བ་སངས་རྒྱས་ཆོས་ལ་དད་ནི་ཞིག །
བོད་པ་བོད་པའི་ཆ་ལུགས་ཡོད་ནི་ཞིག །
སྲོལ་རྒྱུན་བཟང་བོ་ལུས་ན་ཡོད་ནི་ཞིག །
བུ་མོ་དེ་འདྲ་རིག་ན་སྐད་ཅིག་ཤོག །
འཚོལ་བཞིན་པའི་ཁྱེད།
网友评论