འཁྱམ་པོའི་དོན་གཏམ།
གྲིབ་གཟུགས།
རྟག་མེད་བརྩེ་བ་ཡི་དབུ་འཁྱུད་བྲིས་པ།།
ན་གཞོན་སྣང་མཐོ་ངའི་རྩེ་དགའི་ཉེས་སྐྱོན།།
ལུས་སེམས་འཐོབ་ཤོར་གྱིས་གཙེས་པའི་ཕྱོགས་ལ།།
དགོངས་དག་ཚིག་གཅིག་གི་ཁ་གསབ་ལོས་བྱེད།།
སྟོང་བའི་འཁྲུལ་སྣང་གི་ཚོར་བ་ཞིམ་པོ།།
འདོད་ཁམས་ལོངས་སྤྱོད་ཀྱི་སྦྱིན་པ་ཙམ་མོད།།
ཁུངས་མེད་ཚིག་ཡག་གིས་བསླུས་པའི་དོན་ལ།།
སྤྲོ་སྐྱིད་སྨོན་ལམ་གྱི་ར་མདའ་ལོས་ཡོད།།
ཁྲ་རིག་རྒྱ་གྲོང་གི་བཞིན་བཟང་བུ་མོ།།
ཁྲམ་པའི་སྟོང་གཏམ་ལ་ཉན་གྲངས་མ་མང་།།
བསམ་པའི་ཕྱི་ནང་ལ་དཔྱོད་མཁས་མིན་ན།།
མཐའ་མའི་སྐྱོ་གདུང་དེ་རང་གི་སྡུག་ཡིན།།
འགྲོགས་མཐར་འགལ་བ་ལ་འཁང་ཚིག་མ་གཏོང་།།
སོ་སོའི་ལམ་ཁ་ནས་བདེ་བར་རོལ་དང་།།
དབང་མེད་མངའ་ཆུང་གི་ཕོ་གསར་འཁྱམ་པོ།།
མི་སྡོད་རྨི་ལམ་གྱི་ཞིང་དུ་ཆས་འགྲོ།།
网友评论