ངའི་ཕ་ཡུལ་ལ་འགྱུར་ལྡོག་བྱུང་འདུག
--------རེ་འབོད།
དཔལ་འབྱོར་ངང་ནས་བཤད་ན་འཕེལ་རྒྱས་ཆེན་པོ་ཐོན་འདུག
འཚོ་བ་སྐྱིད་འདུག
དངུལ་ཁུག་མཐུག་འདུག
རླངས་འཁོར་མང་འདུག
འཕྲུལ་རྟ་མང་འདུག
མི་གྲངས་མང་འདུག
…………
ཡིན་ནའང་།
རིག་གནས་ངང་ནས་ད་ཚར་འདུག
ར་མ་ལུག་སྐད་ཁྱབ་འདུག
མི་རིགས་ཀྱི་འདུ་ཤེས་ཉམས་འདུག
ཀ་ཁ་ག་ང་བརྗེད་འདུག
གཅིག་གཉིས་གསུམ་བཞི་ལ་བཤད་ཀྱིན་འདུག
ད་ཚར་འདུག
ཚར་འདུག
གལ་ཏེ།
དཔལ་འབྱོར་འཕེལ་བ་དང་མཉམ་དུ་རིག་གནས་ཚར་དགོས་ན།
འདི་འདྲའི་འཕེལ་རྒྱས་ང་ལ་མི་དགོས།
མི་དགོས།
ཀྱེ་མ།
ད་འདི་ལྟར་སོང་ན།
ལོ་20དང་30བའི་ཡས་མས་ལ་ངའི་ཕ་ཡུལ་འདི་བོད་རང་སྐྱོང་ཁུལ་བའི་མིང་ཡོད་ནའང་།
བོད་སྐད་བཤད་ཤེས་མཁན་དང་བོད་ཡིག་སྤྱོད་མཁན་མེད་པ་འགྱུར་བ་ཡིན།
ཀྱེ་མ།
ང་རང་འཕོ་ལྟུང་གི་སྡུག་བསྔལ་མྱོང་གི་འདུག
ང་ལ་བློ་མཐུན་ཡང་ཧ་ཅང་དཀོན་འདུག
ད་ང་ཡིད་སྐྱོ་འདུག
སེམས་སྡུག་འདུག
ངའི་ཕ་ཡུལ་ལ་འགྱུར་ལྡོག་བྱུང་འདུག
ངའི་ཕ་ཡུལ་ལ་འགྱུར་ལྡོག་བྱུང་འདུག
网友评论