རྒྱལ་བ་ལྷ་ལས་བབས་པའི་དུས།
འགྲོ་བའི་དོན་ལ་རྩེ་གཅིག་བརྩོན་ནས་འཛམ་བུ་གླིང་འདིར་བྱོན་པ་དང་།།
འགྲོ་བ་རྣམས་ཀྱི་ཁམས་དང་མཐུན་པའི་དམ་པའི་ཆོས་ཀྱི་དབྱར་རྔ་བསྒྲགས།།
འགྲོ་བ་རིགས་དྲུག་སེམས་ཅན་ཐམས་ཅད་བར་དོའི་ལམ་ནས་འདྲེན་པ་པོ།།
འགྲོ་བའི་སྐྱབས་གཅིག་ལྷ་ཡི་ལྷ་ལ་བདག་གི་སྒོ་གསུམ་གུས་པས་འདུད།།
སྒྱུ་མ་ལྷ་མཛེས་ཚེ་ལས་འདས་ཏེ་འདོད་ལྷའི་གནས་སུ་སྐྱེས་པའི་དུས།།
ཡུམ་གྱི་དྲིན་ལན་འཇལ་དང་ལྷ་རྣམས་འདུལ་ཕྱིར་སུམ་བཅུ་རྩ་གསུམ་དུ།།
དགྲ་བཅོམ་བརྒྱད་སྟོང་འཁོར་དང་བཅས་ནས་ཡུམ་གྱི་སྐུ་སྐྱེ་གཙོ་བྱས་པའི།།
འདོད་ལྷའི་རིགས་རྣམས་ཐར་བར་འདྲེན་པོ་ཟས་གཙང་སྲས་ལ་འདུད།།
དགུ་པའི་ཉེར་གཉིས་འདི་ལ་སླར་ཡང་འཛམ་བུ་གླིང་དུ་བྱོན་པའི་དུས།།
མཆོག་གི་མཛད་པ་བཅུ་གཉིས་ནང་ཚན་དུས་ཆེན་ཁྱད་པར་ཅན་འདི་ལ།།
ལུས་ཀྱིས་ཕྱག་དང་སྐོར་བ་ཅི་ཐོབ་སྒྲུབ་བཞིན་ངག་ནས་བསྙེན་པ་འདོན།།
ཡིད་ཀྱིས་མོས་གུས་དྲག་པོའི་ངང་ནས་ཡང་ཡང་གསོལ་བ་འདེབས་པར་བྱེད།།
网友评论