收集并整理自己小时候的歌谣、童谣、儿歌。
《氹氹转》
氹氹转啊,菊花园。
炒米饼,糯米糯米团。
五月初五系龙舟节呀。
阿妈佢叫我去睇龙船。
我唔去睇,我要睇鸡仔。
鸡仔大,我拎去卖。
卖得几多钱,卖咗几多只呀?
《落雨大》
哗啦啦啦落雨大,哗啦啦啦水浸街。
哗啦啦啦担柴上街卖,哗啦啦啦阿嫂着花鞋。
落雨大,水浸街,阿哥担柴上街卖,阿嫂出街着花鞋。
花鞋、花袜、花腰带,珍珠蝴蝶两边排。
《月光光照地堂》
月光光照地堂,
虾仔你乖乖训落床。
听朝阿妈要赶插秧啰,
阿爷睇牛佢上山岗喔。
虾仔你快高长大啰,
帮手阿爷去睇牛羊喔。
《嗳姑乖,嗳姑大》
嗳姑乖,嗳姑大,嗳大个姑仔嫁后街。
后街有鲜鱼鲜肉卖,又有红皮屐仔绣花鞋。
又有鲜花戴,戴又戴唔晒。
丢落床头界老鼠拉,一拉拉到大新街。
大人执到笑眯眯,细路执到当银牌。
《点虫虫》
点虫虫,虫虫飞,飞到荔枝基。
荔枝熟,摘满屋。
屋满红,伴住个细蚊公。
《打开蚊帐》
打开蚊帐,打开蚊帐,有只蚊,有只蚊。
快啲摞把扇嚟,快啲摞把扇嚟,泼走佢,泼走佢。
打开蚊帐,打开蚊帐,只有猫,只有猫。
快啲摞支竹嚟,快啲摞支竹嚟,吓走佢,吓走佢。
《大笨象,揸支枪》
大笨象,揸支枪,去打仗,打完仗。
返嚟食碗辣椒酱,隔篱屋企烧炮仗。
问你响唔响,唔响升你两巴掌。
《鸡公仔,尾弯弯》
鸡公仔尾弯弯,做人呢点可以怕艰难。
清早起床返学去,执齐啲书本啊上学堂,一分耕耘自有一分收获。
懒惰去做人呀,又点会有所成啊。
鸡公仔尾弯弯,做人呢当然要有精神。
清早起床有好习惯,经常都温书啊要学勤,一分耕耘自有一分收获。
懒惰去做人呀,又点会有所成啊。
《大笨象会跳舞》
大笨象会跳舞,
马骝仔会上树,
狐狸会打翻斗,
山猪山豹山羊,
山中有只老羊,
望见老虎发牛哣(发呆)。
《排排坐,吃果果》
排排坐,食果果。
猪拉柴,狗烧火。
猫儿担凳姑婆坐,
坐烂个屎窟唔好赖我,
赖翻隔篱个二叔婆。
《姑丈担凳》
姑丈担凳个仔坐,个仔坐落就劏鸡。
鸡系门前喔喔啼, 不如劏只鸭; 鸭又嫌佢毛多多,不如劏只鹅。
鹅又嫌佢鹅颈长, 不如劏只羊; 羊又嫌佢羊脚叉, 不如劏只马。
马会送我出渡头, 不如劏只牛; 牛会耕田养人口, 不如劏只狗。
狗会见人就摇头, 不如劏只大花猫;猫儿又会捉老鼠,不如劏只大肥猪。
肥猪食你三斗禄, 你就食佢三旧肥猪肉。
网友评论