དྲིན་ལན་མ་བརྗེད་རོགས།
ཁ་སང་ཁ་བའི་ཁྲོད་ན་ནོར་རྗེས་སྙེག་མཁན་ཕ་མ་རེད།།
དེ་རིང་ཆང་ཁང་ནང་ན་གཏོང་ཕོད་བྱེད་མཁན་བུ་ཕྲུག་རེད།།
སེན་མོར་སེར་གས་བར་ན་སྒོར་མོ་འཚོལ་མཁན་ཕ་མ་རེད།།
ཆང་ཁང་མགྲོན་ཁང་ནང་ན་མགྲོན་བསུ་བྱེད་མཁན་བུ་ཕྲུག་རེད།།
ཁ་སང་ཆར་ཆུའི་ཁྲོད་ན་མར་ཆར་གསོག་མཁན་ཕ་མ་རེད།།
དེ་རིང་གྲོང་ཁྱེར་ནང་ན་ཤོ་རྒྱག་འཕེན་མཁན་བུ་ཕྲུག་རེད།།
དཀའ་སྡུག་བྲག་ལ་ཐུག་ཀྱང་བཟོད་བསྲན་བྱེད་མཁན་ཕ་མ་རེད།།
བསླུ་བྲིད་བུ་མོའི་སེམས་པ་སྒོར་གྱིས་བསུ་མཁན་བུ་ཕྲུག་རེད།།
རྩྭ་ཟིལ།
网友评论