2017-12-01
རང་སེམས་རང་གིས་བསྣད་པ།
ང་འདི་སྨྱོ་ཐང་གཅིག་གི།
མཐའ་མེད་གཡང་ལ་འཕུར་བས།།
གཡང་གི་སྤྲིན་པ་ཐར་ཐོར།།
གཏོར་ལ་སྟ་གོན་བསྐྲུན་བཞག།
གང་ལ་བློ་གཏད་བཅོལ་བ།།
ནམ་མཁའི་འཇའ་ཟིག་ཡིན་པ།།
ཉི་མ་ནོག་ནོག་འཆར་དུས།།
ཕེབས་འདི་བདེན་པར་གྲུབ་འདྲ།།
ང་འདི་བླུན་ན་ཆོག་པ།།
ང་ཡང་དེ་ལས་བླུན་གི།
གཟུགས་འདི་གཞི་མཐུན་མེད་ན།།
དེ་ལ་དུང་དགོས་དབེན་ནོ།།
སེམས་འདི་ཁྱོད་ལ་ཐིམ་པ།།
ཉིད་ལ་རྣམ་རྟོག་མོད་པས།།
དེ་འདྲའི་སྙིང་ལ་གཟན་པ།།
བགྲང་ན་ཁ་ཡང་ན་འདྲ།།
ནོར་ནི་ནོར་བ་རྟོགས་ཀྱང་།།
ལན་ཆགས་ཁྱོད་ལ་མཁོ་བས།།
ང་འདིས་ཨུ་ཚུག་བརྒྱབ་ནས།།
ཡང་ཡང་ཁྱོད་ལ་བསྟིམ་བཞག།
ད་ནི་དེ་འོ་སྙམ་ཡོད།།
ཁྱོད་ཀྱི་ཐག་ནག་ཞགས་པས།།
དྲིད་འདི་ཟློས་གར་ཡིན་པས།།
ངལ་ཡང་འཁྲབ་དགོས་ཡོད་འགྲོ།
ཚིག་དེས་འབག་ཞིག་གྱོན་ནས།།
ང་ཡི་སྙིང་ལ་བརྙབ་འདུག།
བྲག་འདི་ལན་གཅིག་མ་གཏོག།
བསྒོམ་ཡང་དགོས་པ་ཅི་ཡོད།།
འདི་འདྲའི་འཇིག་རྟེན་ཉོབ་པོ།།
དེ་འདྲའི་ཁ་ཡག་ཁོག་ནག།
ང་ལ་བསྐྲུན་པ་མིན་ན།།
ཆོས་རྒྱལ་ཆང་གི་བཟི་འདུག།
མདོར་ན་ཞེན་ཆགས་ལྷག་མས།།
ང་འདི་ཁྱོད་ལ་བསྟིམ་པས།།
ཁྱོད་ཀྱིས་འོས་མེད་བྱ་བས།།
རང་སེམས་རང་གིས་བསྣད་འདྲ།།
2017-10-29-ཞོག་པར་ས་མཐའ་བས།
网友评论