過去一個月，我入職DHL做嘅第一件事就係聽培訓老師講課。由於DHL係全球五百強，提供嘅服務同薪酬都處於卓越水準，因此加入敦豪大家庭實在係我嘅榮幸。由第一日開始，我就深深認同公司對客嘅宗旨：Knowledge, Polite, Helpful(知識淵博、以禮待人、竭誠服務)，以後嘅工作中，我諗我時刻都要記住呢句話，認真做好我眼前要完成嘅任務。
講到知識淵博，近一個月學到嘅專業知識已經超出我想象。付款方式同客戶類型、發票同運單、對客工作SOP、物流terminology…次次上堂，我同同期都會分析老師列出嘅案例，學習貨物運輸需要知道嘅常識。學關稅就要記住DTP、DTU、DTI; 落booking，開case就要接觸好多內部系統，瞭解FOB、CIF、CFR嘅術語構成，學習對貨物嘅處理方式。每一日老師講完知識，我哋就要跟住做case，做完case仲要聽老師講評。可以話，做新仔新女，時時刻刻都會因為接觸行業前沿知識而興奮，快樂。
講到以禮待人，雖然有啲同事嘅處事方式會令人唔舒服，但大部分同事都好講專業精神。當你有問題嘅時候，只要你畀心機去諗問題，佢哋就會解答你，並指引你提高工作效率。作為Advisor，我嘅任務就係維護好DHL高層次嘅大客，並協助口岸、作業、Global Hub處理快件嘅調查同索賠工作，因此我可以請教好多前輩，學習更多處理貨物嘅技巧。大家都公私分明嘅話，配合落就順攤好多。
講到竭誠服務，我由開始到final exam都會學習同客戶溝通嘅技巧。我哋公司盛傳一句名言：" Everyone is a sales person."如果同客戶溝通出咗問題，我嘅大客就會jer住我唔放，而大客唔滿意，我嘅KPI就會有影響。DHL嘅老師會扮演各種性格嘅大客，以層出不窮嘅理由鍛煉我哋電話溝通嘅能力，而且我哋仲會有電郵寫作嘅培訓同睇工作影片。到咗今日，我嘅老師話我電話溝通技巧已經有好大進步，學習態度認真，而Manager亦好欣賞我，希望我之後會更優秀。果然，持之以恆嘅付出，始終會得到甘甜的收穫。
宜家已經考完final，我嘅成績都唔差，过咗合格线。正如我老師話齋：「決定一個人能否成為人才嘅因素在於佢嘅思想層次。層次愈高，你開拓嘅天地就愈闊。」我要認真細緻調查每一個快件嘅狀態，以做偵探一樣嚴謹嘅態度去搞掂每一單case，盡最大努力不令我嘅大客失望！希望大家都會與我共鳴，至起碼得到啲希望嘅星光。
网友评论