ཁྱིམ་ལ་ལོག་འགྲོ།
ཁྱིམ་ནི་ཤ་རུས་གཅིག་གི་ཕ་གཞིས་ཟླུམ་པོ་ཡིན།
ཁྱིམ་ནི་རྣམ་ཤེས་དྲོ་བའི་སེམས་ཀྱི་མེ་ཐབ་ཡིན།
ཁྱིམ་ལ་ལོག་འགྲོ། ཁྱིམ་ལ་ལོག་ཐེངས་རེར།
ངས་ཨ་ཕའི་སྐྲ་ལོར་ཁ་བ་འབབ་གྱིན་པ་ཚོར།
ཁྱིམ་ལ་ལོག་འགྲོ། ཁྱིམ་ལ་ལོག་ཐེངས་རེར།
ངས་ཨ་མའི་སྐུ་གཟུགས་རྔ་གཡབ་ལྟར་གུག་གྱིན་པ་ཤེས།
ཁྱིམ་ལ་ལོག་འགྲོ། ཁྱིམ་ལ་ལོག་ཐེངས་རེར།
ངའི་མིག་ལ་ཕ་མ་རྒས་གྱིན་པའི་སྐྱོ་གདུང་གི་མིག་ཆུ་འཁོར།
ཁྱིམ་ལ་ལོག་འགྲོ། ཁྱིམ་ལ་ལོག་ཐེངས་རེར།
ངའི་སེམས་ལ་ནང་མི་མཉམ་འཛོམས་ཀྱི་དགའ་སྤྲོའི་མེ་ཏོག་བཞད།
ཁྱིམ་ལ་ལོག་འགྲོ། ཁྱིམ་ལ་ལོག་ཐེངས་རེར།
ཕར་ལ་ཀུ་ཤུ་རྒྱ་མ་འགའ་ཡི་གཞན་ཡུལ་གྱི་དྲན་གདུང་འཁྱེར་ཆོག
ཁྱིམ་ལ་ལོག་འགྲོ། ཁྱིམ་ལ་ལོག་ཐེངས་རེར།
ཚུར་ལ་མར་རྩམ་དོ་པོ་འགའ་ཡི་ཕ་ཡུལ་གྱི་བརྩེ་བ་བསྣམ་ཆོག
网友评论