མི་ཚོགས་བཟི་རོ་མ་ཞིག་གི་ཁོར་ཡུག་ཀློང་ནས།
ང་ནི་ཆུ་ཁོལ་ཕོར་བ་གང་ཡིན།
ཧ་ཅང་ཁེར་བགྲོད་ཡིན།
ཧ་ཅང་གླེན་མ་ཡིན།
སྐབས་ལར་ལར། མི་ཚོགས་ཀྱི་དབུས་ནས།
ངའི་སྐྲ་ལོ་ཤུགས་སེར་མངགས།
དཀྱིལ་དཀྲུང་སྐོར་ཀོར་མོ་ཞིག་བྱས།
ཐ་མག་རྐང་གཅིག་དང་ཨ་རགས་ཕོར་བ་གང་།
་དུང་ཚོང་ལས་དང་སྙན་ངག་གླེང་།
སྨྱུ་གུ་དང་འབྲི་དེབ་ཟད།
དེ་དག་གི་དེ་དག
སུས་ཀྱང་ང་རང་སྣང་མེད་དུ་བཞག་ཡོད་ན།
ག་ལ་འཇོག ག་ལ་འཇོག
ཁ་རྩང་ཡང་འཕྲིན་ཕྲན་གྱི་རྒྱབ་ལོག་ན་བོད་མོ་ཞིག་གི་འགྲོ་ལུགས་མ་རེད་ཟེར་ནས་སྨོད་ཚིག་འཕེན་བཞིན་འདུག
གྲོང་ཁྱེར་གྱིས་དུ་བ་རྔུབ་ཏེ་རང་སྲོག་ལེན་བཞིན་འདུག
ངས་ཕྱག་བཅུ་སོར་མོ་སྙིང་ཁར་སྦྱར་ནས།
ང་རང་ཁྱོ་བོ་དུད་འཐེན་ཞིག་ལ་མི་འཕྲད་པར་སྨོན་ལམ་ཞུ་བཞིན་ཡོད།དུད་སྨིག་གི་ཀློང་ནས་ཨ་རགས་ཀྱི་བཟི་ཁ་འགྲན་པ་ནི་ཅི་འདྲའི་ཡི་ཐང་ཆད་པའི་འཕྲོ་ལྷག་མང་པོ་ཞིག་རེད་ཨང་།དེ་བས་ ང་ལ་སྙན་ངག་གི་གཞུང་མེད་ན་ཆོག་ལ།ཨ་རགས་ཀྱི་སྒོར་མོ་ཡང་མི་དགོས།
网友评论