མི་ཉག་གི་སྟོན་མོ
བསོད་ནམས་རྡོ་རྗེ6361060390མགོ་ཡི་སྐྲ་ལོ་ཁ་བའི་མདོག་ལ་འགྱུར། །
མཛེས་པའི་ཞལ་ལ་ལོ་ཟླས་རི་མོ་བཞག །
ཡིད་ཀྱི་ཤེས་རབ་མུན་པས་རིམ་བཞིན་ཐིམ། །
དྲིན་ཆེན་ཨ་མས་མི་རྟག་འགྲོ་ལུགས་བསྟན། །
གནས་སྐབས་འདི་འདྲ་གྱུར་བའི་ཨ་མ་ལ། །
ས་མཐར་ཁེར་རྐྱང་ལུས་པའི་ཁྱེད་ཀྱི་བུས། །
ཨ་མའི་དུས་ཆེན་ཞེས་པའི་སྐབས་དང་བསྟུན། །
ཐུགས་རྗེ་ལེགས་སོའི་ཚུལ་དུ་སྐད་གཅིག་བསྐུར། །
ཐོག་མར་བཙས་ནས་སྐྱོང་བའི་རྒྱུན་རིམ་ནི། །
ཆུང་དུས་སོར་མོ་བཅུ་ཡི་ཁ་ལ་གཡེངས། །
གཙང་ཙོག་མེད་པར་སྣབས་ལུད་ཁ་ཡིས་ཕྱིས། །
ལྟོགས་དུས་ཟས་རྣམས་ཁ་ཡིས་བསྙོད་བར་བྱས། །
ཕན་བདེ་ཐམས་ཅད་འབད་མེད་ལྷུན་གྱིས་བསྒྲུབས། །
གཞན་གྱིས་གནོད་པ་ཐམས་ཅད་ལས་ནི་བསྐྱབས། །
དེ་ལྟར་བཀའ་དྲིན་ཆེ་བའི་ཨ་མ་ལ། །
ཐུགས་རྗེ་ཆེ་ཞེས་སྨོན་ཚིག་ཡང་ཡང་ཞུ། །
网友评论