ཆང་གི་ལེའུ།
ཆང་གི་ལེའུ།རྔ་ཚང࿐བྱུར་དཀར་གྱིས།
སྔ་དྲོར།
ང་ཆང་ཁང་ན་ཡོད།
ཨ་རག་དམ་བེ་ལག་འཇུ་བྱེད་བཞིན་
ཝུ་བ་དཀར་པོ་ཧུབ་ཀྱིས་འཐུང་བཞིན་
དམར་པོ་གླིང་གི་ཆང་ཁང་ན་ཡོད།
ཉིན་གུང་།
ང་སྔར་བཞིན་དམར་པོ་གླིང་གི་ཆང་ཁང་ན་ཡོད།
རང་སེམས་དམར་ལོ་འཛུམ་གྱིས་བསུས་ནས་
ཡིད་སེམས་དྲང་མོ་གླུ་རུ་གྱེར་ནས་
དམར་པོ་གླིང་གི་ཆང་ཁང་ན་
མིག་ཟུང་རབ་རིབ་ཀྱི་རྒྱང་ཐག་མ་ཟིན་པར་
ལག་པས་ཡར་ཡོར་གྱི་དམ་བེ་མ་ཟིན་པར་
ཆང་ཁང་གི་སྡིངས་བར་ན་བཟི་ལ་ཁད།
ཕྱི་དྲོར།
དམར་པོ་གླིང་གི་ཆང་ཁང་གི་གྲུ་ཟུར་ཞིག་ན་
མགོ་བོ་ནང་ལ་བཀུག་ནས་
ཅི་ཞིག་ལ་འདང་མ་ཕོག་པ་བཞིན་
ཁུ་སིམ་མེར།
མིག་ལ་ནས་ཆང་གི་མདངས་ཤིག་རྒྱས་ནས་
སེམས་ལ་དྲན་ཞིང་གི་ཚོར་བའི་འཚོས་ནས་
སེམས་པ་དགུ་སྒྲིགས་ཀྱི་ལབ་གླེང་འཐེན་ནས་
དམར་པོ་གླིང་གི་ཆང་ཁང་ན་ཕ་ཡུལ་ལ་རེ་སྙེག་མཆིས
དམར་པོ་གླིང་གི་ཆང་ཁང་ན་ཆུང་མ་ལ་འཕྲད་འདོད་ཆེ་
དེ་ནི་ཁོ་བོའི་དྲན་ཞིང་དེ་
སེམས་ཀྱི་མོས་ས་ཡིན།
网友评论