2017-12-14

2017-12-14

    ང་དང་ཨ་ཅེ་ཚེ་རིང་ཆོས་ཉིད།

ལས་དབང་ཞིག་གི་གླུ་མ་ཚེ་རིང་ཆོས་ཉིད་རྒྱུ་རྐྱེན་མི་ལེགས་པ་ཞིག་ལ་འཕྲད་ནས་འཇིག་རྟེན་དང་གཏན་ཏུ་ཁ་གྱེས་སོང་ཟེར།

དེ་ཡང་ལོ་ངོ་ཁ་ཤས་ཀྱི་སྔོན་ཞིག་ལ་ཁོ་མོ་ང་དང་ཤ་ཁྲག་གི་འབྲེལ་བ་ཡོད་དོ་ཞེས་བདག་གི་གཉེན་ཉེ་དག་གི་ཁ་ནས་གོ་ཐོས་བྱུང་།

འོན་ཏེ་ཁོ་མོ་ནི་ཤེས་ཡོན་ཏན་དང་རྒྱུ་འབྱོར་བ་ལྷག་པར་བཅོས་མིན་ཀྱི་དབྱངས་རྟ་རེ་རེའི་གདོང་དམར་བའི་སེམས་ལ་དགའ་སྤྲོ་སྟེར་བཞིན་པའི་མཛང་མ་ཞིག་ཡིན་པས།

རེ་ཞིག་ས་མཐར་འཁྱམས་བཞིན་པའི་ཡུལ་གྱར་ཁོ་བོའི་མཐོན་པོ་ལ་ངོ་དགའ་དང་རྒྱུ་ཅན་གཉེན་སྨོས་ཞེས་གཏམ་འཆལ་ལབ་ཡོང་བར་དྭོགས་པ་དང་།

བདེ་སྐྱིད་དགོད་སྒྲའི་ངང་དུ་འཚོ་བ་ལེགས་ཤིང་སྐྱིད་པའི་ཨ་ཅེ་ཚི་རིང་ཆོས་ཉིད་ལ་རེ་ཞིག་འབྲེལ་འདྲིས་ཀྱི་གོམ་ཁ་ཕྱོགས་དགོས་ཡང་མི་འདུག་སྟེ།

རང་གི་གཉེན་དང་གྲོགས་པོ་སོགས་དཀའ་ངལ་དང་དོན་ངན་ལ་ཐུག་ཚེ་ཕན་ཐོག་དང་རྒྱབ་སྐྱོར་ཡོད་དགོས་ཀྱང་དགའ་ཞིང་སྐྱིད་པའི་སྐབས་དག་དུ་ཕན་ཚུན་འབྲེལ་འདྲིས་དང་ཕན་ཐོག་མེད་ཀྱང་གལ་དེ་ཙམ་མི་ཆེ་སྙམ་པ་ནི་ཁོ་བོ་སྒེར་གྱི་ལྟ་ཚུལ་ཁོ་ནའོ།

འོན་ཀྱང་ལྟ་ཚུལ་དེས་ང་ལ་འགྱོད་གདུང་ཞིག་བྱིན་ཡོད་དེ།

དེ་ནི་སྤྱི་ལོ་2017ལོའི་ཟླ་12པའི་ཚེས་14ཉིན་སྟེ་དེ་རིང་གླུ་མ་ཚེ་རིང་ཆོས་ཉིད་འཇིག་རྟེན་དང་གཏན་ཏུ་ཁ་བྲལ་སོང་བ་ཐོས་པའི་བདག་སེམས་ལ་གྲང་ཤུར་ཤུར་དང་སྟོང་སོང་སོང་གི་ཚོར་བ་རྩུབ་པོ་ཞིག་གིས་ཡང་ཡང་མནར་བས་ཡ་ཁོང་དུ་མཆི་མའང་ཐེང་མང་འཁྱིལ་དགོས་བྱུང་།

འོན་ཀྱང་ད་ནི་ཡོད་ཚད་འཕྱི་ཟིན་དེ་མགོ་རུམ་དུ་བཅུག་ནས་ངུ་ཤུམ་བྱེད་པ་ལས་ཐབས་ཅི་ཞིག་ཡོད།

ལས་དབང་ནི་ངོ་མ་བཤད་དཀའ་བ་ཞིག་སྟེ།

འདི་ལྟར་ང་དང་ངའི་ཁོར་ཡུག་ན་སྙིང་རྗེ་བའི་དངོས་པོ་གང་ཞིག་དང་དོན་དག་ཅི་ཞིག་ཡོད་ཚེ་ཚང་མ་བརླག་འགྲོ་བཞིན་པ་འདྲ།

ཐ་ན་ང་ལ་ངོ་མ་ཐུག་པའི་ཨ་ཅེ་ཞིག་ཡོད་སྙམ་པའི་སེམས་ཚོར་དེ་ཡང་ད་ནི་གཏན་ནས་ང་དང་བྲལ་སོང་།

ཨ་ཅེ་ལགས།    ཁྱོད་ལ་སྨོན་ལམ་ཞིག་དང་དགེ་བསྔོ་རེ་བྱེད་པ་ནི་འུ་གཉིས་ཆ་མི་སྙོམ་པའི་འཇིག་རྟེན་ན་སོ་སོའི་ལས་ཀྱི་འབྲེལ་བའི་བག་ཆགས་ཞིག་གི་ཡིན་ཆོག་ལ།

ངས་ཨ་ཅེ་ལ་ཕན་ཐོག་པའི་བྱ་བ་ཐོག་མ་དེ་ཡང་ལོས་ཡིན།

ད་ནི་རྒྱུན་ལྡན་ལྟར་སློབ་གྲོགས་ཚོ་ལ་བདག་གི་སྲིང་ཆུང་མ་ཞེས་གླུ་མ་ཁྱེད་ཀྱི་གླུ་དབྱངས་རེ་གཉིས་ཉན་ནས་བདག་གི་མི་ཚེ་ཡང་དེ་དང་དེ་ལྟར་གཅོད་དགོས་པ་ཡིན་ལ།

ཚེ་རིང་ཆོས་ཉིད་ཟེར་བའི་ཨ་ཅེ་ཞིག་ཀྱང་དུས་གཏན་ནས་གཏན་ཏུ་སེམས་ཁོང་དུ་དལ་ཀྱི་གཟིམས་དུ་འཇུག་དགོས་པ་ཡང་ཁོ་བོའི་མཐའ་མཇུག་ཨ་ཅེ་ཞེས་ལན་གཅིག་བོས་པའི་དོད་དུ་ཁྱེད་ཀྱི་གུ་ཡང་གནོང་རོགས།

ཨ་ཅེ་ལགས།

གསལ་བཤད།

འདི་ནི་རྫུན་མ་མིན་ལ་བདེན་པ་ཡིན།        འདི་ནི་བྱིས་སྒྲུང་མིན་ལ་དངོས་ཡོད་ཡིན།      འདི་ནི་སྙན་རྩོམ་མིན་ལ་སྐྱོ་གདུང་ཡིན།      འདི་ནི་ངོས་དགའ་མིན་ལ་དྲང་བདེན་ཡིན།

ས་མཐའ་བས།    18297061065