གཞུང་རྒྱུད་སྨྱུག་མའི་མདའ་ལྟར་དྲང་བ་དང་།།
གསོང་བོར་སྨྲ་ཞིང་བྱམས་བརྩེའི་བློ་ཡིས་ཁེངས།།
མྱི་ཆུང་བུ་ལྟར་སྐྱོང་བའི་རང་གཤིས་དག།།
གྲོགས་མཆོག་དམ་པའི་ངོ་སོ་ཡར་ལ་བསྟོད།།
རང་དོན་རྒྱབ་ཏུ་བསྐྱུར་ནས་གཞན་དོན་གཉེར།།
མི་རིགས་སློབ་གསོའི་ལས་ལ་དུས་རྒྱུན་འབད།།
རང་གི་རིགས་ལ་དུངས་ཞེན་ཧ་ཅང་ཟབ།།
ཕྱི་རབས་པ་ཡི་མགོན་དུ་ནམ་ཡང་ཆས།།
བྱམས་བརྩེ་ཉི་མའི་འོད་ལ་འགྲན་པ་ཡི།།
འཇིག་རྟེན་མུན་པ་ཀུན་ལས་མཐར་སྐྲོད་པའི།།
གྲོགས་མཆོག་དམ་པའི་ལྷག་བསམ་བཀའ་དྲིན་ནི།།
བློ་དམན་མི་ཡིས་གཞི་ནས་རྟོགས་པ་དཀའ།།
འཁྱིལ་འཁྱིལ་རིག་གཞུང་འོ་མའི་རྒྱ་མཚོ་འཁྱིལ།།
མཐུན་མཐུན་གྲོགས་པོ་ཕན་ཚུན་མཛའ་ཞིང་མཐུན།།
བརྩོན་བརྩོན་ཤེས་བྱ་ཀུན་ལ་ཕྱོགས་མེད་བརྩོན།།
དུངས་དུངས་གྲོགས་མཆོག་མི་བུ་ཁོང་ལ་དུངས།།
འཛོམས་འཛོམས་སློབ་གླིང་ཆེན་པོ་གཅིག་ལ་འཛོམས།།
གཅེས་གཅེས་ཕ་སྐད་གཙང་མ་སྙིང་ནས་གཅེས།།
རྒྱས་རྒྱས་མདོ་དབུས་ཁམས་གསུམ་སྙན་གྲགས་རྒྱས།།
བསྟོད་བསྟོད་སྙན་ཚིག་འབུམ་གྱིས་ཁྱོད་ལ་བསྟོད།།
སེམས་བྱུང་ཞིག
网友评论