julgei irgebun ilan meyen

[1992年版锡伯语小学语文课本第二册第19课]

julgei irgebun ilan meyen

---

orho

bigan tala i orho luku fisin seci,

emu aniya emu mudan gukume yendembi.

bigan tuwa deijihe seme wajirakū,

niyengniyeri edun fulgiyeme geli weijumbi.

suhen

weijumbi: yaya jaka bucefi dahūme aiture be weijumbi seme gisurembi.

urebusu

1.nirugan be narhūšame tuwafi, kicen be hūlame, ere emu irgebun i gūnin be gisureme tuwibuki.

2.irgebun be šejileki.

3.fejile bihe hergen be baitalame gisun banjibume gisureki. (gukumbi, yendembi, weijumbi.)

nenden ilha

hecen hošo de udu gargan nenden ilha bihebi,

cak sere šahūrun be okdome emhun beye fethehebi.

gorokici uthai nimanggi waka sere be takambi,

nitan wangga wa sur seme oforo de dosinjimbi.

urebusu

1. nirugan be tuwame kicen be hūlafi, irgebun i gūnin be gisureme tuwaki.

2. fejile bihe hergen be baitalame gisun banjibuki. (cak sere šahūrun, okdombi, gargan.)

cib dobori i kidun

besergen julergi i genggiyen biyai elden,

maka na de sektehe šahūrun gecen.

uju tukiyefi gehun biya be garame,

uju gidafi kidurengge mafari gašan.

urebusu

1. nirugan be šejilefi terei gūnin be gisure.

2. kidumbi, sektehe juwe hergen i gisun banjibuki.