ཚ་བཞད་བུ་ཕྲུག་གི་འབྲི་ཤོག་ནས།།
མ་འོངས་གངས་རིའི་རྒྱན་གཅིག་དགེ་འདུན་ཆོས་འཕེལ། །
བོད་འདིར་སླར་ཡང་བྱོན་ཅིག་དགེ་འདུན་ཆོས་འཕེལ། །
རྒྱལ་ཁམས་རིག་པས་བསྐོར་བའི་དགེ་འདུན་ཆོས་འཕེལ། །
ལེགས་བཤད་མཛོད་དུ་སྤུངས་མཁས་དགེ་འདུན་ཆོས་འཕེལ། །
རྣམ་དཔྱོད་འགྲན་ཟླ་བྲལ་བའི་དགེ་འདུན་ཆོས་འཕེལ། །
ཚན་རྩལ་རིག་པའི་དཔའ་བོ་དགེ་འདུན་ཆོས་འཕེལ། །
གྲྭ་ས་དགོན་སྡེར་འགྲིམས་པའི་དགེ་འདུན་ཆོས་འཕེལ། །
གྲྭ་མང་མཁས་པའི་ཡང་རྩེ་དགེ་འདུན་ཆོས་འཕེལ། །
རྒྱུས་མེད་ཡུལ་གྲུ་འགྲིམས་པའི་དགེ་འདུན་ཆོས་འཕེལ། །
ཁེར་རྐྱང་རིག་པའི་དཔའ་བོ་དགེ་འདུན་ཆོས་འཕེལ། །
གངས་རིའི་དབུ་འཕང་བསྟོད་མཁས་དགེ་འདུན་ཆོས་འཕེལ། །
ལ་རྒྱའི་དར་ཆ་བསྒྲེང་མཁས་དགེ་འདུན་ཆོས་འཕེལ། །
ཉེས་མེད་བཙོན་དུ་བཙུད་པའི་དགེ་འདུན་ཆོས་འཕེལ། །
དགའ་སྐྱོ་གླུ་རུ་གྱེར་པའི་དགེ་འདུན་ཆོས་འཕེལ། །
གདོད་མའི་ཨ་དྲད་བོར་བའི་དགེ་འདུན་ཆོས་འཕེལ། །
སྔོན་ཐོན་རི་རྩེར་འཛེགས་པའི་དགེ་འདུན་ཆོས་འཕེལ། །
ཕྱི་རབས་བློ་ལ་བཅིངས་པའི་དགེ་འདུན་ཆོས་འཕེལ། །
ཤ་ཚས་འབོད་བསྐུལ་བསྒྲགས་པའི་དགེ་འདུན་ཆོས་འཕེལ། །
阅
网友评论