ངལ་གསོའི་ལེའུ།

ལོ་སར་ཡིན་པས་གློག་བརྙན་གྱི་ནང་དུ་མགོ་འཁོར་ཡོད། ཉིན་ཐོ་ཙམ་འབྲི་བའི་གླེགས་ཀྱང་མི་རྙེད་པའི་ཚོད་ན་འདུག དེ་རིང་གཅིག་པུར་གློག་བརྙན་བཞི་ལྔ་ཞིག་ལ་བལྟས་བཞག ཡིན་ཡང་སྔོན་མ་དག་དེ་འདྲའི་ཡག་པོར་མ་མཐོང་། ད་ལྟ་ལྟ་བཞིན་པ་འདི་ནི། ཅུང་ཡིད་སེམས་དབང་མེད་དུ་འགུག་ཐུབ་པ་ཞིག་ཏུ་འདུག བརྗོད་བྱ་ནི་ཁྱིམ་ཚང་ཕལ་བ་ཞིག་གི་དཀའ་སྡུག་གི་འཚོ་བའི་གོ་རིམ་ཡིན་པས་ཕྱི་ཤོམ་རྫིག་པའི་ཚོང་ལས་གློག་བརྙན་དེ་དང་མི་འདྲ་བར་གོ་བདེ་ལ། རང་གི་ཉེ་འཁོར་གྱི་འཚོ་བ་དངོས་གནས་པ་ཤིག་འཁྲབ་བཞིན་པ་འདྲ་བའི་སྣང་བ་སྟེར། ཡིན་པ་རྒྱ་གར་གྱི་གློག་བརྙན་ཞིག་རེད། རྒྱ་གར་བའི་ཡུལ་སྲོལ་གོམས་གཤིས་དང་བསམ་བློའི་འཁྱེར་ཕྱོགས། རྗེས་ལུས་ཀྱི་རྣམ་པ། འཚོ་བའི་དཀའ་སྡུག དབུལ་ཕོངས་ཀྱི་སྡུག་བསྔལ་སོགས་ཟུང་མང་བོ་ནས་ནས་བོད་པའི་སྤྱི་ཚོགས་དང་ཁ་ཐག་ཤིན་ཏུ་ཉེ་བས་བོད་ཀྱི་ཞིང་འབྲོག་མང་ཚོགས་ཀྱི་གྲིབ་གཟུགས་སྣ་ཚོགས་མཐུང་ཐུབ། སྐབས་དེ་དག་ཏུ་གློ་བུར་གྱི་སེམས་ཁུར་རེ་བསྩལ་ཡོང་། ད་ནི་མུ་ནས་གློག་བརྙན་གྱི་ངོ་མཚར་ལྟད་མོར་ཞུགས་འགྲོ། ད་དེ་ཙམ་བྱ།