དེ་རིང་ལོ་གཅིག་གི་ནང་དུ་དྲ་ཐོག་ཚོང་རྫས་ཀྱི་རིན་གོང་ཆེས་སླ་བའི་ཉིན་མོ་སྟེ་( 双11 )ཟེར་བ་དེ་ཡིན་པས། སྔ་དྲོ་མིག་ཁ་ཕྱེས་མ་ཐག་ནས་ཉིན་གང་བོར་དྲ་ལམ་ཚོང་ཁང་ཁག་ལ་འཁྱམ་ཉུལ་བྱས་པ་ཡིན། ཉོ་བར་སྐབས་སུ་བབས་པ་ན་ཅི་ཞིག་ཉོ་དགོས་པ་མི་ཤེས་ཤིང་རང་ལ་གང་ཞིག་མཁོ་ཉག་ཆེ་བ་ཡང་རྦད་དེ་མི་ཤེས་པ་ཞིག་ཆགས་སོང་བས། ལན་རེར་རང་ཉིད་ཀྱིས་ཅིའི་ཕྱིར་ཚོང་རྫས་སྣ་ཚོགས་ཀྱི་ཕྱི་ནང་སློག་དགོས་པའི་རྒྱུ་མཚན་ཡང་ཧ་མི་གོ་བའི་ཚད་དུ་ལྷུང་འགྲོ། ཡིན་ཡང་ཚོང་ཉུལ་བྱས་བྱས་པའི་མཐའ་མར་ཅུང་མཁོ་གལ་ཆེ་བའི་ཅ་ལག་ཁ་ཤས་ཉོ་ཐུབ་པར་གྱུར་ལ། གོ་ཡང་བདེ་མོ་ཞིག་གི་ལམ་ནས་རག་སོང་། དེ་ལས་ཀྱང་ཚོང་རྫས་སྣ་ཚོགས་ཀྱི་རིན་གོང་ཕབ་གཅོག་བྱེད་བཞིན་པའི་ཉིན་འདིར་ཅུང་གླེང་རིན་ཡོད་པའི་དོན་ཞིག་བསྒྲུབས་པ་དེ། གྲོགས་པོ་ཞིག་ལ་རྒྱུན་དུ་གོང་ཚོད་ཉིང་སྟོང་བརྒྱད་བརྒྱ་ནས་དགུ་བརྒྱ་ལྷག་འཆོར་བའི་ཅ་ལག་སྤུས་དག་ཅིག་དེ་རིང་་ཉིས་སྟོང་ཏག་ཏག་བྱིན་ནས་ཉོ་རོགས་བྱ་ཐུབ་སོང་བས་དེ་ནི། རང་ལ་མཚོན་ན་ཅུང་དོན་སྙིང་ཡོད་པའི་བྱ་བ་ཞིག་གོ། གྲོགས་པོས་ཀྱང་གོང་ཚོད་ཧ་ལས་སླ་མོ་རེད་ཟེར་ནས་དགའ་ཐག་ཆོད་འདུག་པས་དེའི་ཆ་ནས་སེམས་སྐྱིད་པོ་རང་བྱུང་། མ་གཏོགས་རང་ཉིད་ཀྱི་ཆེད་དུ་གང་ཞིག་ཉོ་འདོད་ཀྱི་ཧམ་སེམས་ཀྱིས་ཁྱེར་ཏེ། ཉིན་གང་གི་དུས་ཚོད་ཅི་ཡིན་འདི་མེད་པར་དྲ་ལམ་ཚོང་རའི་འཇིག་རྟེན་ལ་གཏོར་བཞག་པ་དེ་ནི། བརྗོད་རིན་མེད་པ་ཞིག་རེད།
网友评论