གྲྭ་ཆུང་ཐུབ་བསྟན་ལུང་རིགས།
༼གྲྭ་ཆུང་དང་བྱ་འཇོལ་མོ།༽
མནའ་སྔ་མོ་བྷོ་ཊའི་ཡུལ་འདི་ལ་སྟོད་མངའ་རིས་སྐོར་གསུམ་དང་། བར་དབུས་གཙང་རུ་བཞི། སྨད་མདོ་ཁམས་སྒང་དྲུག་བཅས་ཡོད་པ་ལས་རུ་བཞིའི་ཡ་གྱལ་གཙང་མྱང་གཞུང་ཞེས་བྱ་བ་ཡུལ་ཞིག་ཡོད་པ་རེད། མྱང་གཞུང་དེ་ལ་ཡང་མྱང་སྟོད་དང་མྱང་སྨད་ཞེས་གཉིས་ཡོད་པ་རེད། དེ་གཉིས་ཀྱི་དབུས་སུ་གནས་པའི་ཅུང་ཕུ་ཞིག་ན་མཁར་ཁའི་མདུན་ལྗོངས་ཞེས་བྱ་བའི་ལུང་པ་ཞིག་ཡོད་པ་རེད། ལུང་པ་དེའི་གཡས་ཕྱོགས་ན་ནགས་ཚལ་དང་སྐྱེས་ཚལ་མཚར་དུ་ལྡན་པའི་གནས་ཡིད་དུ་འོང་བ་ཞིག་ཡོད་པ་ལས་དེར་གཙང་མྱང་སྨད་ཞྭ་ལུ་དགོན་ཞེས་པའི་དགོན་པ་དེའི་བླ་མ་གུ་རུ་དཔལ་ལྡན་ལེགས་ཞེས་པ་ཁོང་གིས་དབེན་གནས་སུ་བཞེས་ནས་རིམ་བཞིན་དགོན་པར་ཆགས་པ་ཞིག་ཡོད་པ་རེད།།
དགོན་དེའི་མཚན་ལ་དབེན་རྩ་དགོནའམ་ཡང་ན་མཚན་གཞན་ལ་དུས་འཁོར་བྱང་ཆེན་གྲྭ་ཚང་དགོན་ཞེས་མཚན་སྙན་ཡོངས་སུ་གྲགས་པ་ཞིག་ཡོད་པ་རེད།དགོན་དེ་ནི་མཐའ་བསྐོར་ནགས་སྣེ་མང་ཀྱིས་བཏུམས་ནས་ཡོད་པ་རེད།།
དགོན་དེ་ནི་ཁམས་གསུམ་གྱི་བླ་མ་འགྲོ་བའི་མགོན་པོ་ཐམས་ཅད་མཁྱེན་པ་བུ་སྟོན་རིན་ཆེན་གྲུབ་ཀྱི་ཆོས་བརྒྱུད་ཡོངས་སུ་འཛིན་པའི་གྲུབ་མཐའ་བུ་ལུགས་ཡིན་པ་རེད། བཅུ་ཕྲག་གཉིས་ལྡན་གྱི་ཀ་བ་ལ་གོས་ཆེན་འབྲུག་རིས་ཅན་གྱི་རྒྱན་པའི་བྱིན་ཅན་འདུ་ཁང་ཞིག་ཡོད་པ་ལས་དེའི་ནང་དུ་རྟེན་གཙོ་སྐུ་རྒྱུ་གསེར་བཟང་ལས་གྲུབ་པའི་ཇོ་བོ་ཤཀྱཱ་མུ་ཎེ་དང་ཚོགས་དབུས་སུ་མངོན་དགའི་ཞིང་གི་མགོན་པོའི་སྤྲུལ་པ་མཁས་པའི་དབང་པོ་ཡོངས་རྫོགས་གནས་ལྔའི་བདག་པོ་བུ་སྟོན་ཐམས་ཅད་མཁྱེན་པའི་འདྲ་སྐུ་འོད་དུ་འཚེར་བ་སོགས་དེ་བཞིན་སྐུ་འདྲ་མང་པོ་ཡོད་པ་རེད།།
དགོན་དེར་དགེ་འདུན་བརྒྱ་ཕྲག་རྣམས་ཀྱིས་རྒྱུན་དུ་རྒྱལ་བའི་གསུང་རབ་སྙན་པའི་དབྱངས་རྟ་ལ་དྲངས་ནས་ཁ་བཏོན་བསྒྲོགས་གི་ཡོད་པ་ལས་སྐབས་ཞིག་ནམ་ཟླ་ཧ་ཅང་གྲང་ངར་ཆེ་བའི་དགུན་ཟླའི་ཉིན་ཞིག་གི་ཞོགས་པར་དགེ་འདུན་པ་རྣམས་ཚོགས་ལ་སྐྱབས་འགྲོ་ལ་སོགས་ཆོས་སྤྱོད་རྣམས་གསུང་དབྱངས་གསལ་བའི་གདངས་དང་བཅས་པའི་བསྐྱོར་བའི་སྐབས་ཞིག་ལ་མཐའ་བསྐོར་ནགས་ཀློང་ན་གནས་པའི་བྱ་རིགས་སྣ་ཚོགས་ཡོད་པ་དེ་ཚོའི་ཁྲོད་ན་སྐད་སྙན་པོ་སྒྲོག་པའི་འཇོལ་མོ་བྱ་བྱིའུ་ཁ་ཤས་རྡོ་གཅལ་དཀྱིལ་དུ་ཤིང་སྡོང་ཞིག་ཡོད་པ་དེའི་སྟེང་དུ་སྐད་སྣ་ཚོགས་རྒྱག་པ་ལ་སྐུ་གཉེར་གྲྭ་ཆུང་ཐུབ་བསྟན་ལུང་རིགས་ཞེས་པའི་གྲྭ་ཆུང་བཀྱུས་མ་ཞིག་ཡོད་པའི་གྲྭ་ཆུང་དེ་དགོན་པའི་རྒྱལ་སྒོའི་གཡས་གཡོན་གྱི་བསང་ཁུང་དུ་བསང་མེ་གཏོང་བར་འགྲོ་བ་དང་སྟབས་འཁེལ་བ་རེད།།
གྲྭ་ཆུང་གི་བསམ་པར་དགེ་འདུན་རྣམས་ཀྱི་སྐད་བསང་མཐོ་པོའི་གསུང་དབྱངས་སྙན་པོ་དེ་བྱ་རིགས་འདི་ཚོས་ཐོས་ནས་ནང་དོན་མ་ཧོ་བར་སྐད་སྙན་པོ་ང་ཚོས་ཀྱང་བརྒྱབ་ཤེས་གི་ཡོད་སྙམ་ནས་ང་རྒྱལ་ལངས་པ་རེད་སྙམ་ནས་བྱ་བྱིའུ་རྣམས་ལ་སྨྲས་པ།།
ཀ་རའི་རོ་ལས་ལྷག་པའི་གསུང་རབ་ལ།།
ཁ་བཏོན་ལ་བརྩོན་འདུས་ཚོཌ་གསུང་དབྱངས་ལ།།
ག་དུས་ཡིན་ཡང་འགྲན་ཟླར་མི་ནུས་པས།།
ང་རྒྱལ་དོན་མེད་མ་བྱེད་ཕར་ཙམ་སོང་།།
ཞེས་སྨྲས་པ་ལ་དེའི་ནང་ནས་འཇོལ་མོ་གཞོན་ནུ་སྤུ་མདོག་ལེགས་ཞིང་སྐད་ཀྱང་ཧ་ཅང་སྙན་པ་ཞིག་གི་གྲྭ་ཆུང་གི་མདུན་དུ་གཤོག་པ་ལན་གསུམ་དབྱུགས་ནས་གྲྭ་ཆུང་ལ་སྨྲས་པ།
ཅ་ཅོ་མ་སྤངས་སྤངས་མདོག་གྲྭ་ཆུང་ཁྱེད།།
ཆ་འཇོག་ང་ཚོའི་སྐད་ལ་མ་བྱེད་ན།།
ཇ་ཡུན་ཙམ་ཡང་མི་སྡོད་སྐད་ནི་རྒྱག།།
ཉ་གེ་ཉོག་གེ་མ་ཤོད་གྲྭ་ཆུང་སོང་།།
ཞེས་སྨྲས་པ་རེད། གྲྭ་ཆུང་གི་བསམ་པར་ལུས་ངན་དུད་འགྲོའི་རིགས་སུ་གནས་པ་འདི་ཚོ་ང་ཚོའི་གླིང་འདིར་གང་འདོད་ལྟར་བྱེད་རྒྱུ་ཡོད་ཀྱང་གནས་འདིའི་བདག་པོ་དགེ་འདུན་རྣམས་ལ་ང་རྒྱལ་བྱས་པ་མ་ཚད་ང་ལ་ཡང་མི་ཉན་ལབ་པ་དེ་ཁྲེལ་མེད་རང་རེད།བྱ་དེ་ཚོ་ལ་ངོ་མ་ལན་ཡག་པོ་གཅིག་མ་བརྒྱབ་ན་སྤྱོད་ངན་ལང་ལ་ཤོར་ནས་ཕྱིས་ནས་ཀྱང་མཚམས་འཇོག་བྱེད་གི་མ་རེད་སྙམ་ནས།
བྱའི་ཚོགས་ལ་སྨྲས་པ་་་་་་་
ཏ་འབུ་ར་ལྟར་སྙན་པར་སྒྲོག་ཤེས་ཀྱང་།།
ཐ་མལ་ལུས་ངན་དུད་འགྲོའི་བྱ་ཚོགས་ཉོན།།
ད་ཆ་གནས་འདིའི་བདག་པོ་ང་ཚོ་རེད།།
ན་ཡམ་གང་འདོད་མ་བྱེད་འདུག་ཚོད་བཟུང་།།
ཞེས་སྨྲས་པ་ལ་བྱ་འཇོལ་མོ་དེའི་བསམ་པར་གྲྭ་ཆུང་འདི་སྐྲ་ཞར་ཆོས་གོས་གྱོན་ནས་མ་ཐར་ཡང་ལོ་བརྒྱད་དགུ་ལ་ཕྱིན་ཀྱང་ད་དུང་སྟོན་པ་ཐུགས་རྗེ་ཅན་གྱིས་གསུངས་པར་ལྟར་འཇིག་རྟེན་འདི་དང་འཇིག་རྟེན་འདིའི་ནང་གི་རི་དང་ནགས་ཚལ་རྒྱ་མཚོ་ལ་སོགས་ཚང་མ་སེམས་ཅན་སྤྱི་མཐུན་གྱིས་ལས་ལས་བྱུང་བ་གསུངས་པའི་དོན་ཅུང་ཙམ་ཡང་མ་གོ་བ་དང་། ལས་ལས་འཇིག་རྟེན་ན་སྣ་ཚོགས་རྒྱས་༽ལ་སོགས་པའི་གསུང་རབ་གལ་ཆེན་རྣམས་ཀྱི་དོན་ཏིལ་འབྲུ་ཙམ་ཡང་ཧ་མ་གོ་བའི་ཆོས་གཟུགས་འདི་ལྟ་བུ་གཅིག་འདུག་སྙམ་ནས་གྲྭ་ཆུང་ལ་ལན་དེ་ལྟར་སྨྲས་པ།
པ་ལོ་ཆུང་ནས་བཅད་པའི་ཆོས་གཟུཌ་ཉོན།།
ཕ་རྗེ་བླ་མའི་གསུང་བཟང་ཉམས་ལེན་མེད།།
བ་གླང་རྭ་བཞིན་གྱོང་སེམས་ད་དུང་མཁྲེཌ།།
མ་རབས་གར་མཁན་ཁྱོད་ལ་སྙིང་རེ་རྗེ།།
ཞེས་གྲྭ་ཆུང་ལ་སྨྲས་པ་རེད། གྲྭ་ཆུང་གིས་བསང་ཁུང་ནང་དུ་བསང་མེ་འབུལ་ཀྱིན་འབུལ་ཀྱིན་ཁོའི་བསམ་པར་བྱ་འདི་བཤད་པ་དེ་ཚོ་ང་རང་གི་ཐོག་ཏུ་མ་ཁེལ་བ་གཅིག་ཀྱང་མིན་འདུག།བྱ་འདི་གཞན་དང་མི་འདྲ་བ་གཅིག་འདུག་བསམ་ནས་གཅིག་བྱས་ན་བྱ་འདི་བྱང་ཆུབ་སེམས་པའི་སྤྲུལ་པ་ཡང་ཡིན་སྲིད་སྙམ།བྱང་ཆུབ་སེམས་པ་རྣམས་ནི་སེམས་ཅན་གྱི་འགྲོ་དོན་ཆེད་བསམ་བཞིན་མི་དང་ལྷ་དང་བྱ་རིགས་ལ་སོགས་གང་གི་ཀྱང་གཟུགས་སུ་སྤྲུལ་ནས་སེམས་ཅན་ཀྱི་དོན་མཛད་ན་བྱིའུ་འདི་ཡང་བྱང་ཆུབ་སེམས་པའི་སྤྲུལ་པ་ཡང་ཡིན་སྲིད་སྙམ་པ་དང་འབྲེལ་་་་་བྱ་བྱིའུ་ལ་སྨྲས་པ་་་་་
རྩ་ལུས་འདབ་ཆགས་ཡིན་ཀྱང་གསུང་དོན་ཟབ།།
ཚ་ནན་མེད་པའི་བདག་སྤྱོད་ཇི་བཞིན་མཁྱེན།།
ཛ་ཡའི་གསུང་ལ་མཁས་ཤིང་མཁས་པར་ངེས།།
ཝ་ལེར་གསུངས་དང་སྤྲུལ་པའི་སྐུ་འམ་ཅི།།
ཞེས་སྨྲས་པ་ལ་་་་་་བྱ་དེ་ཡིས་གྲྭ་ཆུང་ལ་སྨྲས་པ་་་་་
ཞ་བ་ལ་སོགས་སྐྱོན་མེད་གྲྭ་ཆུང་གསོན།།
ཟ་མ་རྩ་དང་འབུ་སྲིན་ལོངས་སྤྱོད་པའི།།
འ་ཅག་དུད་འགྲོའི་ཚོགས་དང་ལྷག་ཏུ་བདག།
ཡ་མཚན་སྤྲུལ་པའི་སྐུ་གཅིག་ག་ལ་ཡིན།།
ཞེས་གྲྭ་ཆུང་ལ་སྨྲས། གྲྭ་ཆུང་གིས་བསམ་པར་བྱ་འདི་ཡིས་ད་གི་བཤད་པ་ལྟར་ཁོ་རང་གྲྭ་བ་བྱས་ནས་ལོ་མང་པོ་དང་བླ་མའི་མདམས་ངག་མང་དག་གཅིག་ཉན་མྱོང་ཡོད་ཀྱང་ཉམས་སུ་མ་བླངས་པའི་དབང་གིས་རང་སེམས་གྱོང་པོ་དེ་མ་དུལ་བ་ད་དུང་ཡང་སྔར་ལྟར་ཡོད་པ་དེ་ཚོ་ངོ་མ་རེད།།བྱ་དེ་ཡིས་ང་ལ་བླ་མས་གསུངས་པའི་ཆོས་དེ་ཉན་པའི་མི་ཆོག་པར་ཉམས་སུ་ལེན་དགོས་ཉམས་སུ་བླངས་ནས་རང་སེམས་གྱོང་པོ་འདུལ་དགོས་ཞེས་དང་་་བླ་མའི་གསུངས་པའི་དོན་རྣམས་རང་རྒྱུད་ལ་མ་སྦྱར་ན་ཉིན་ལྟར་ཆོས་ཉན་པ་དང་ཁ་བཏོན་བཟླས་བརྗོད་དང་དྲི་ཀྲོལ་ལ་སོགས་ཇི་ཙམ་བྱས་ཀྱང་མི་སྐྱ་བོ་ཞིག་གིས་ངུར་སྨྲིག་གོས་སུ་གྱོན་ནས་སྟེགས་བུར་གར་འཁྲབ་པ་དང་གཅིག་མཚུངས་ཡིན་པས་དེ་ན་གྲྭ་ཆུང་ཁྱོད་རང་གིས་བླ་མའི་མདུན་ནས་ཆོས་གང་ཉན་པ་རྣམས་ཉམས་སུ་བླངས་ནས་རང་རྒྱུད་ལ་སྦྱར་ནས་སེམས་མཆོག་རིན་པོ་ཆེ་རྒྱུད་ལ་སྐྱེ་པར་བྱས་ནས་རྣམ་མཁྱེན་རྒྱལ་བའི་ལམ་ལ་འགྲོ་དགོས་ཞེས་གོ་བ་ཞིག་ནན་གྱིས་སྐུལ་བར་གོ་ནས་་་་་་བྱ་འདི་བྱང་ཆུབ་སེམས་པའི་སྤྲུལ་པ་གཅིག་ཐེ་ཚོམ་མེད་པར་ངོས་སུ་འཛིན་བཞིན་བྱ་ལ་སྨྲས་པ་་་་
网友评论