རླུང་རྟ་ཡར་འགྲོ།
སློབ་ལོག་ལ་ན་མོ།
༢༠༡༩ 、༣ 、༣ གྲིབ་གཟུཊ་ནས།
གནམ་ལ་ཡར་གཅིག་བལྟ་སྐབས།།
ཐང་དཀར་རྒོད་པོ་འཕུར་བྱུང་།།
ཕར་གྱི་རི་ལ་བལྟ་སྐབས།།
འཁྱགས་རིམ་ཞུ་དང་ཞུ་བཞིན།།
ཨ་མའི་རྩམ་པ་བཀླུགས་བྱུང་།།
ཨ་ཕའི་སྒོར་མི་བརྩི་འདུག།
གཅེས་མོའི་གྱོན་གོས་བཀྲུས་སོང་།།
སློབ་གྲྭ་འགྲོ་ལ་རན་འདུག།
སྤྱི་ཟླ་གཉིས་པའི་ཟླ་མཇུག།།
མདོ་སྟོད་བསིལ་རླུང་གཏོང་འདུག།།
མདོ་སྨད་ཁ་བ་བབ་སོང་།།
ང་རང་འགྲོ་ལ་ཉེ་སོང་།།
ཉིན་གཅིག་ཞོགས་པའི་རྗེས་ལ།།
ཁྱིམ་གྱི་སྒོ་ར་ནང་ལ།།
རླངས་འཁོར་རྟ་ཡི་རྟགས་ཅན།།
འགྲོ་འབྲེལ་བྱེད་དང་བྱེད་བཞིན།།
ཨ་མའི་ཨ་མའི་ཟེར་ནས།།
བསླབ་བྱ་མང་པོ་གནང་སོང་།།
ཨ་ཕའི་བུ་ཕྲུག་ཟེར་ནས།།
འཁྱམ་ལ་མ་འདུག་གསུངས་བྱུང་།།
ཉིན་ཕྱེད་དུས་ལ་སླེབས་དུས།།
ཕ་ཡུལ་ཡར་ལ་ལུས་སོང་།།
གཞན་གྱི་ས་ཆ་ཞིག་ནས།།
བསྐྱོད་དང་བསྐྱོད་བཞིན་གང་རེད།།
ཉིན་གཉིས་དགུང་མོ་དེའི་ནང་།།
ཁྲི་འདི་གྲོང་ཁྱེར་འབྱོར་སོང་།།
ཨ་ཇོ་ང་ང་ཁོ་ཁོ།།
རང་རང་ལྡོད་གནས་ཚུལ་སོང་།།
དེ་ཉིན་ཞོགས་པའི་སྐབས་སུ།།
སྨན་ཁང་ནང་ལ་ཕྱིན་ཡིན།།
ནད་པ་གྲོག་མ་ཇི་བཞིན།།
ཚང་མ་ན་འདུག་བསམ་བྱུང་།།
སེམས་པ་སྐྱོ་བཞིན་སྐྱོ་བཞིན།།
ཉིན་ཕྱེད་བང་ལ་སྒྲིས་ལས།།
ཨ་ཁ་ཨ་ཁ་བསམ་ནས།།
སྨན་ཁང་ནང་ནས་འབྲེལ་ཡིན།།
གྲོང་ཁྱེར་དཀྱིལ་ལ་སླེབས་དུས།།
བོད་རིགས་མང་པོ་མཐོང་བྱུང་།།
ང་རང་སེམས་པ་དགའ་བྱུང་།།
ཨ་ལ་བསམ་ནས་འགྲོ་ཡིན།།
གྲོང་ཁྱེར་སྨད་ལ་འབྱོར་སྐབས།།
དམར་དམར་དམར་གྱིས་ཁེབས་སོང་།།
ཁྲི་འདི་གྲོང་ཁྱེར་ནང་ལ།།
བོད་རིགས་གྲྭ་པ་མང་འདུག།།
ཉིན་གཉིས་དགོང་མོའི་དུས་སུ།།
འགྲོ་སྒྲིག་ཡང་ཡང་བྱེད་ནས།།
མེ་འཁོར་སྤ་སེ་བླངས་ནས།།
ང་རང་སློབ་ལ་ལོག་ཡིན།།
ཕྱི་ཉིན་མེ་འཁོར་ནང་ནས།།
རྒྱ་རྒན་ཞིག་དང་ངོ་འབྲེལ་སྒྲིག།།
ཁྱོད་ཁྱོད་ང་ང་ཟེར་ནས།།
ཁ་བརྡ་ཡང་ནས་ཡང་དུ་བྱེད།།
ཕྱི་རྗེས་སླེབས་ལ་ཉེ་སྐབས།།
ཁོ་ཡི་སྙིང་གཏམ་བཤད་སོང་།།
མི་ཚེའི་ལོ་རྒྱུས་གསུངས་སོང་།།
ང་རང་སེམས་པ་སྐྱོར་སོང་།།
མི་རྟགས་མི་རྟགས་དྲན་ནས།།
ཡ་མོ་ཡ་མོ་ཟེར་བཞིན།།
མེ་འཁོར་ནང་ནས་བབ་ཡིན།།
སློབ་གྲྭ་ནང་དུ་འབྱོར་སོང་།།
2019-03-03
网友评论