སྐད་ཆ་རང་རེད།
དང་ཐོག་ཨག་གསར་ཆེ་བའི་ཕ་ཡུལ་ལགས།།
བར་དུ་རང་ཚུགས་ཤོར་བའི་ཕ་ཡུལ་ལགས།།
མཐའ་མར་རྗེས་སུ་ལུས་པའི་ཕ་ཡུལ་ལགས།།
ད་ལྟ་ཡོད་ཚད་དབེན་པའི་ཕ་ཡུལ་ལགས།།
ཕ་ཡུལ་གླེང་དགོས་ཟེར་བའི་གྲྭ་བ་མང་།།
ཕ་ཡུལ་བསྐྲུན་དགོས་ཟེར་བའི་སློབ་མ་མང་།།
ཕ་ཡུལ་ནུས་མེད་ཟེར་བའི་ན་གཞོན་མང་།།
ཕ་ཡུལ་ཕ་ཡུལ་ཟེར་ནས་གྲགས་རྒྱུ་མེད།།
ནོམ་པ་རིག་ན་ངོ་ཚ་མི་དགོས་ལ།།
ནོམ་པ་རིག་ན་དམ་ཚུགས་མི་སྲུང་ལ།།
ནོམ་པའི་ཆེད་དུ་གནས་ལུགས་མི་དགོས་བར།།
ནོམ་པའི་ཆེད་དུ་ལ་རྒྱ་དོར་ཡང་ཐུབ།།
བུ་ཕྲུག་སློབ་གྲྭར་མི་གཏོང་ཕྱུགས་རྫི་བྱེད།།
བུ་ཕྲུག་ཡོན་ཏན་བསླབ་ན་དོན་མེད་རབས།།
བུ་ཕྲུག་མིག་མེད་ལོང་བར་ཕུད་པའི་དུས།།
བུ་ཕྲུག་ལམ་སྣེ་མི་ཟིན་དེང་དུས་འདིར།།
གསར་བུ་འཁོར་བའི་ཁྲོད་ནས་འཁྲེལ་མེད་ཡིན་།།
གསར་བུའི་ནང་གི་རྒྱུ་ནོར་རིག་ཏུ་མེད།།
གསལ་བའི་རིག་གནས་མི་སློབ་ལས་རྒྱུ་མང་།།
གསར་བུའི་ཕྱི་ནས་མཐའ་མར་གླེན་རྟགས་སྟོན།།
སློབ་མ་ཤིས་རིག་གླིང་དུ་འགྲིམ་པའི་དུས།།
སློབ་མའི་ལག་ལ་ཕ་མའི་ངུལ་ཆུ་བཞག།
སློབ་མས་རིག་གནས་མ་སྦྱང་རང་འདུག་བྱས།།
སློབ་མ་ཕྱིར་ལ་ཐོན་དུས་མགོ་རྔ་མེད།།
• ཆོས༽མྱིང་མེད།
网友评论