{དྲན་པའི་སེམས་ཀྱི་ན་ཟུག}
མཁས་དབང་གསེར་རིའི་ཕྲེང་བའི་གྲལ་འགོ་ན།།
མི་འཇིགས་གདོང་ལྔས་བཏེགས་པའི་ཁྲི་སྟེང་ན།།
རྣམ་གསུམ་གོས་ཀྱིས་མཛེས་པའི་དམ་པ་ཁྱེད།།
སྤྱི་མཐུན་འགྲོ་བ་ཡོངས་ཀྱི་སྐྱབས་མགོན་ལགས།།
དགུང་སྔོན་གུར་ཁང་འདི་ཡི་མར་འོག་ན།།
ཟླུམ་གཟུགས་གོ་ལ་འདི་ཡི་ཡང་སྟེང་ནས།།
ལུགས་གཉིས་གསུང་གི་བདུད་རྩི་མཁར་འཕྱོ་བས།།
མཛད་པའི་གྲགས་སྙན་ཕྱོགས་བཞིའི་གླིང་ན་ལྡིར།།
མདོ་ཁམས་རྟ་འུ་གཡང་སྡེ་ཕྱུག་མོ་རུ།།
སྐལ་ལྡན་གདུལ་བྱ་འབུམ་གྱི་བློ་ངོ་ན།།
སྟོན་པ་སངས་རྒྱས་འདྲ་བའི་སྐྱེས་བུ་ཁྱེད།།
སྒོ་གསུམ་གུས་པའི་ལྷ་ཕྱག་ཕུལ་ས་ཡིན།།
网友评论