2022.11.30，阴
疼痛的来源
今日大幅度降温，宝妈群里面已经有人话感觉超冻，简直就系一夜入冬；而我啱啱帮你接完觉，匿埋系被斗里面码字，仲未感觉到气温变化。
讲起接觉，真系算系凑你到目前为止最大既痛（之一，另一就系食奶）。唔知点解，自从出佐月子中心之后，你既睡眠就变得特别差——好似摇身一变成为佐一个小大人一样，你每日只训10、11个钟（同月龄宝宝每日都训17-18个钟）。为佐解决呢个问题，我查佐好多资料，花佐成个月既时间帮你调整。所幸你都好努力、好配合，其实你真系一个乖宝宝。
记得你第一晚唔需要抱训，我特登发既朋友圈
可惜，随住你慢慢长大，情况就开始变得复杂了——你想人陪住你训。开始既时候，我一直坚持将你放bb床氹训。bb床好矮，长时间弯腰氹训令到原本腰板硬朗既我开始每日承受剧烈腰痛。后来疫情爆发，有两晚因为我需要出去核酸而叫你爸爸氹你训。结果经历佐果两晚之后，你就彻底唔愿意系bb床上训——只要系你清醒既时候将你放上去，你就会暴哭。从此之后，我地就开始佐“先大床氹训再小床过夜”既奋斗史，而将你搬来搬去既重任亦由此交托比造成呢一切既罪魁祸首——你的父亲。于是你就拥有佐会腰痛的父母。
除佐身体疼痛其实仲有心理阵痛，呢个留翻系月度总结写（希望我呢两日有时间可以搞掂）。
文集的变更是为了督促自己不要放弃剩余的一点自我
之前我开佐个《孕产育儿》既文集，为佐唔荒废，我已经将距变成《阿甜妈妈的随记》，白话成文，就当系阿甜妈妈写比阿甜既信，等距大个既时候可以知道距细个既时候都经历过咩事、距妈妈又经历过咩事（当然，以往既文章并无删除或者移除，同样点题）。
激发我咁做有两个原因。一来系因为我唔想系产假呢种完全断绝社交既情况下，再失去埋同简友既一点沟通。二来又系因为你既好父亲。我只能够话，或者距真系一个好爸爸，好爱你。当距发现屋企蚊仔好多，好几次咬到你既时候，距提议将我种佐四五年既植物通通丢晒距，以减少蚊虫滋生。
四五年黎我每日淋水、每周整理、每季施肥同驱虫既种植心血，原来可以话丢就丢，可能我既心血付出系距眼中远不及你既皮肤无蚊子包黎得重要——对你黎讲系好事，被爱总是好的；只系对我黎讲系坏事，你爸爸既眼睛开始睇唔见我了。
说多了都是泪，你就快醒了，我要起床整理屋企了，其他月度总结再见。
网友评论