ꉢꉠꐥꐨꄯꒉꋐꌠꀘꀊꌐꌦꑳꆏꉘꁮꂷꆶꁧꐛꅺ
ꃅꏂꄑꆏꊋꇤꄉꇬꈹꁧꂿ！
ꀂꑍꆏꁧꀑ
ꎿꒉꀉꒉꀊꋩꂿꉜꄉꁧ
ꈝꃀꈜꎭꀊꋩꏢꉜꄉꁧ
ꃆꏂꄑꐥꌒꀊꋩꄮꉜꄉꁧ
ꀂꑍꉢꁧꀑ
ꄻꀱꀋꉆꑠꉌꂵꈐꊐꄉꁧ
ꎭꇁꅐꌠꈍꑗꐥꀋꐚ
ꀂꑍꉢꁧꀑ
ꈜꎴꅉꁬꃨꇖꃨꀕꌐꅉꉾꄉꁧ
ꋌꆹꉠꀊꂿꉘꇉꄉꌠ
ꑠꐛꅺ
ꉢꆹꁧꀑ
ꌩꐛꅑꐛꅺꈫꈈ
ꊿꉌꂵꑌꐛꅺꐰꄔꉎꀋꎪ
ꉢꁧꇬ
ꃅꆳꁏꄮꊜꅈꂾ
ꂷꉐꐛꄮꊜꅈꂾ
ꈊꃀꆈꏸꀕꄮꊜꅉꂾ
ꉠꈜꉢꍬ;
ꈩꌒꀜꌒꌠꊜꅈꂾ
ꃴꆉꊏꅰꌠꊜꅟꂾ
ꉠꉌꂵꉢꑌ。
ꅐꅑꀋꐚꌠꆹꀆꃬ
ꑭꅑꈜꀋꎼꌠꆹꊾꇰ
ꆏꂿꀋꊝꌠꋧꃅꑠꒉꀕ
ꏬꆉꐛꉆꀊꆏꀅꃬꀋꄻ
ꊾꇨꄻꄏꀊꆏꊿꁘꌞꒊꀕ
ꑠꐛꅺ
ꁧꑲꆏꁦꇨꃅꁧ
ꊭꄏꐥꃅꄉꁧ
ꑟꅉꑟꄏꃅꁧ
ꉌꆐꅑꌠꀋꐥꃅꁧ
ꀊ！
ꉢꉠꐥꐨꄯꒉꋐꌠꀘꀊꌐꌦꑳꆏꉘꁮꂷꆶꁧꐛꅺ
ꃅꏂꄑꆏꊋꇤꄉꇬꈹꁧꂿ！
网友评论