སྐྱ
འོད་ལམ་ལམ་གྱི་ལམ་ཕྲེང་དུ
འཛུམ་མུལ་མུལ་གྱི་མི་བུ་དེར
རྣམ་ཤེས་ཐ་ཐོར་ཞིག་གི་འདུས་ཁྲོད
གསར་བར་བསྒྲོན་པའི་དུ་བ་ཞིག
སྨྱུ་གུར་གོམས་པའི་མཛུབ་མོའི་གསེང
གཏམ་རྒྱུད་ཞིག་གི་ལེའུའི་མགོ་བོ་བསླང་།
གཏམ་རྒྱུད་དེ་སྐྱ་མདོག་གི་ཉིན་ཐོ་ཞིག
སྐྱ་མདོག་གི་ལོ་མ་ཞིག
སྐྱ་མདོག་གི་མི་བུ་ཞིག
སྐྱ་མདོག་གི་འཇའ་ཚོན་ཞིག
སྐྱ་མདོག་གི་ལེའུ་ཞིག
མིག་ལ་མི་འཚེར་བའི་སྐྱ་མདོག
སེམས་ལ་མི་ཆགས་པའི་སྐྱ་མདོག
ལུས་ལ་མི་གོམས་པའི་སྐྱ་མདོག
ཡིན་ཡང་
གཏམ་རྒྱུད་དེ་སྐྱ་མདོག་གིས་སྤྲས
སྐྱ་མདོག་གིས་འཚེེར
སྐྱ་མདོག་གིས་བྱུགས
འབྱུང་འགྱུར་དང་འདྲེས།
མཇུག་ལ་མི་འཇུས་པའི་སྐྱ་མདོག
ལན་རེར་
མི་སེམས་སྨྲེང་བར་བྱེད
མཆི་མས་སྦངས
ལན་རེར་
མི་སེམས་བཟི་རུ་སྐྱེལ
ན་ཟུག་སེལ
网友评论