གཉིད་ཀྱིས་བསླུས་པའི་མི་ཚེ།

ཅུང་ཙམ་སྔ་མོ་ནས་ཉལ་བསམ་ཡང་ཅི་ཡིན་འདི་མེད་ཀྱི་ངང་ནས་མཚན་གུང་གི་དུས་ཚོད་བཅུ་གཉིས་བར་དུ་ནམ་རྒྱུན་ལྷག་འགྲོ། དེ་ནས་གཉིད་ཀྱི་ཞིང་ཁམས་སུ་སོང་ཚར་ན་ཞོགས་པའི་ཆུ་ཚོད་དགུ་ནས་བཅུའི་བར་དུ་གཡོ་ཉལ་བྱས་འགྲོ་བ་ཡང་རྒྱུན་ལྡན་གྱི་གནས་སྟངས་ཤིག་ཆགས་ཡོད།  དེའི་རྐྱེན་གྱིས་ཆེས་བཟང་བའི་བློ་འཛིན་གྱི་དུས་སྐབས་དང་ཆེས་རིག་པ་གསལ་དུས་ཀྱི་གོ་སྐབས་ཀྱང་དོན་མེད་དུ་ཤོར་ཏེ། ཉིན་གཅིག་གི་སློབ་སྦྱོང་ཡོད་ཚད་མགོ་མེད་མཇུག་རྡུམ་དུ་བཏང་ཡོང་། གནད་དོན་འདི་དག་གི་རྩ་བ་དེ་ཅི་བྱ་གཏོལ་བྲལ་གྱི་ངང་ནས་དགོང་འཕྱི་ཉལ་བྱེད་པར་ངབ་གོམས་སུ་སོང་ཚར་བ་དེའི་ཉེས་བྱས་སོ།། ནངས་སྔ་ལངས་བྱ་ཐུབ་ན་དགོང་འཕྱི་ཉལ་བྱེད་པ་དེར་དགེ་མཚན་ཆེ་ལ་དོན་སྙིང་དམིགས་བསལ་བ་ཡོད་ཀྱང་ནངས་སྔ་ལངས་མི་ཡོང་བར་དགོང་འཕྱི་ཉལ་ལ་དགའ་བ་དེ་ནི། མི་ཚེ་གཏོང་ཟད་དུ་གཏོང་བའི་ཉེར་བསྡོགས་དང་བྱ་བ་ཀུན་འཆོར་བར་བྱེད་པའི་སྣ་འདྲེན་ཉག་གཅིག་ཡིན་པས། རང་ཉིད་དང་རང་ཉིད་ལ་ཤ་ཚ་སྙིང་ཉེ་ཡོད་པའི་དྲིན་ཆེན་ཚོའི་རེ་བ་སྟོང་ཟད་དུ་མི་གཏོང་བའི་ཆེད་དུ་རྗེས་མ་ནས་གོམས་གཤིས་ཐ་ཆད་དེ་བཅོས་བསྒྱུར་བྱེད་པར་ཅིས་ཀྱང་འབད་དགོས་ངེས་ཡིན་ནོ།།