剧本：Ivan 主演：Ivan/Shirley （Ivan饰演彼特，Shirley饰演祖莉）
祖莉（以下简称“祖”）：系呢度，我好沉重咁宣布，我同毕生玩完了。
彼特（以下简称“彼”）:系呢度，我好开心咁宣布，我同安小姐玩厌了。
祖：（一本正经）唔好意思，ladys & gentleman，我先砌掂（搞掂）条衰鬼先。
（即刻炸晒型——发脾气，七情上面）你个死佬，背住我同D阿四（保姆，佣人）搞嚟搞去，如果再咁落去，分分钟再搞出个大头佛（大件事，喻搞出小孩），我顶你个肺啊！
彼：我冇吖，条女勾引我啧嚒，我系完全清白嘅，就好似我个look（外形）咁，青靓白净（斯斯文文，白面小生），你唔好屈得就屈喔。我都忍咗你好耐了。
祖：乜吖，你乜嘢咁大冤屈，发晒浪嚟（乱发脾气，不讲理）咁。你成日high粉（抽大麻），饮酒饮到D仔女都唔理，你正一贱精（坏蛋）嚟嘎。
彼：嗱嗱嗱。唔好噏得就噏，当晒秘笈（能乱说就乱说，毫无顾忌）吓。你成日挂住去英国做乜嘢上议院嘅议员，又要卖晒美国的别墅，有冇理过我感受嘎。你系唔系烧坏嘅脑（脑筋有问题）啊？
祖：我要从政，呢个系我嘅理想，你唔支持我就罢就（罢了）了。仲系度阿挤阿咗（唠唠叨叨，发牢骚），就咁话了（就这么说定了），散band（散伙）。
彼：散band就散band，使鬼同你惊。我咁鬼上镜，仲有大把人请。虽则系我乜都唔使忧，之不过（但是），路还路，数还数（夫妻一场，帐要算分明），你提请法庭离婚，掟煲费（离婚给予的经济补偿）一定要畀足（给足），一毫子都咪使旨意（想要）悭返（省）。
祖：你条茂利（衰人）。十二年来，我终于睇清楚你嘅真面目。你仲搞埋嗰个法国女人玛丽安.歌迪娜。真系一世仔都系咁花弗（花心），死性不改。仲好意思搵我攞着数（占便宜）。
彼：哼，仲好讲，如果当年唔系你插只脚埋嚟（横插一棍，半路杀出），我宜家都唔使畀人话我系负心郎，辜负咗珍妮花（珍妮弗.安妮斯顿）。哎，都系自己衰，顶不住你嘅迷魂阵，当年被你迷倒晕晕炖炖（晕晕乎乎）。
祖：牛唔饮水揿唔得牛头低（自己不情愿，人家勉强也没用）。哎，好好丑丑（好歹）夫妻一场，做人唔好攞咗便宜又卖口乖（占口头上的便宜）。
彼：边个着边个唔着（谁对谁错）都罢了，反正好聚好散，我地两个醒醒定定（醒目，不要做错事），好好睇睇（好睇，体面地），做场好骚（做个好秀）畀D观众同fans（粉丝）睇，搭埋同一条船，一家便宜两家着（双赢）。
祖：系啦系啦，收爹（收声）了。
彼：（一本正经地）ladys & gentlemen，the game is over.哦，唔系，the time is over，但系new game is coming.我仲有大把世界嘎。bye-bye。
hah~hah~hah~
网友评论