ལྕང་ལོ་དེ་ས་ལ་མི་ལྷུང་བར་དུ་ང་ཡི་འབད།
ནམ་ཟླ་དེ་སྔར་རྒྱུན་བཞིན་སྤྱི་ཟླ་ལྔ་པར་སླེབས་སོང་། ང་རང་ནི་དཔྱིད་དུས་ཀྱིས་བྱས་རྗེས་ལས་ས་དྲོད་འཕེལ་ཏེ་ཅུང་ཕྱི་ཙམ་ལས་ལོ་མ་དག་རིམ་བཞིན་ལྗང་བུར་གྱུར་ལ་རང་གིས་འཇིག་རྟེན་འདིར་ཀུན་དང་འདྲ་བའི་ལེགས་སྐྱེས་ཕྲན་བུ་ཞིག་སྒྲུབ་རྒྱུའི་དམ་འཅའ་དང་དེ་ཕྱིར་རང་ནུས་ཅི་ཡོད་ཀྱི་འབད་བཞིན་འདའ། ད་ལོ་ནི་རྒྱུན་ཏན་དང་ཅུང་མི་འདྲ་ དེ་ཡང་ ནམ་དུས་དབྱར་ལ་སླེབས་ཉེ་ཡང་གངས་ལྷགས་ཀྱི་གྲངས་ངར་ ཚ་དྲོད་མི་སྙོམས་པའི་ཉིན་ཞག འཁོ་ཐག་རིང་བའི་དཔྱིད་དུས་དེར་ང་རང་འདྲ་བའི་རྩི་ཤིང་རིགས་ལས་དབང་གིས་གསུམ་པའི་མཇུག་མ་སྒྲིལ་གོང་དབྱར་གྱི་མདུན་གསུའི་གྲབས་ལ་གཞུགས་ཏེ་བཞི་པའི་དུས་མགོར་འགྲོ་མི་ཀུན་གྱིས་མཚར་སྡུག་ལྡན་པའི་མེ་ཏོག་བཞིན་མི་གཅེས་ལ་སྤྱད་ཟིན་པའི་གཙང་ཤོག་བཞིན་མི་སྐྱུར་བའི་རང་ལོ་ལྗང་བུའི་རང་གཤིས་ཅང་ཅང་འདི་འདྲ་ཞིག་གིས་ཡུལ་གྲུ་འདི་ལ་མཛེས་རྒྱན་ཕྲན་བུ་ཞིག་སྤྲད་མགོ་ཙམ། འོན་ཀྱང་ འགྲོ་བ་མིའི་རིགས་ནི་དགུན་དེ་གནང་དག་རང་མ་བྱུང་བས་ གསད་རྒྱུ་དཔྱིད་དེས་གསད་པའ་ཞེས་པའི་ནམ་རྒྱུན་དང་མི་འདྲ་བའི་རྒྱུན་རིང་བའི་དཔྱིད་དུས་ཀྱི་གྲང་ངར་དང་ཚ་གྲང་མི་སྙོམས་པའི་ཉིན་མཚན་ལ་སྡུག་སྐད་ཅིག་ཤོར་བ་ཡིན་བཟོ་འདུག། དེ་ཡང་ངོ་མ་རེད་ ད་ལོོའི་དཔྱིད་དུས་ནི་རྣམ་འགྱུར་ཧ་ཅང་ངན་ལ་ར་གཟི་བའི་ཁ་ལོ་བ་ཞིག་དང་འདྲ་། ང་རང་ནི་གངས་མ་ཆར་གྱི་གྲང་ངར་ལ་མི་སྐྲག རྒྱུན་མི་འཆད་པའི་དཔྱིད་ལྷགས་འདིར་མི་སྲུན་ ཚ་དྲོད་མི་སྙོམས་པའི་ཉིན་མཚན་འདི་ལ་ཆུང་ནས་འཇགས་པའི་ངང་རྒྱུད་དར་མ་ཆུ་འདྲས་སྟུན་ཐབས་བྱས་ཏེ་ཆེས་ལྟ་ན་སྡུག་པའི་དབྱར་དུས་དེར་འགྲོ་བ་ཀུན་གྱིས་རྒྱུན་རིང་རེ་སྒུག་གིས་རེ་བས་ཁེངས་པའི་དབྱར་དུས་ཀྱི་སྤྲོ་སྣང་དང་མཛེས་སྡུག་ལ་ལོངས་སྤྱོད་ཀྱི་ཁོར་ཡུག་དང་ཆེས་གཙང་མའི་ཁ་རླུང་ཞིག་འཁོ་སྤྲོད་བྱེད་རྒྱུའི་འགྱུར་བ་མེད་པའི་དམ་བཅའ་དེ་ཁ་བཤད་དང་ལེན་ཆེད་དབྱར་གྱི་ཚ་བའི་མེ་ངན་དེར་གཟོད་ཟན་དང་སྟོན་གྱི་མདོག་འགྱུར་དམྱལ་བར་ཐིམ་ཀྱང་བློས་བཏང་གིས་རང་གི་ལྕང་ལོ་ས་ལ་མི་ལྷུང་བར་དུ་འབད་རྒྱུ་ཡིན།།
བོད་ས་ཁྱི་ལོ་སྤྱི་ལོ་༢༠༡༨ཟླ་༥པའི་ཚེས་༡༠ཉིན།
བདེ་སྐྱིད་པ་བཀྲ་ཤིས་ནས།
网友评论