རྨི་ལམ་ཁྲོད་ཀྱི་སྟོང་འདང
གྲིབ་གཟུགས་ནས།
ནམ་སྟེ་དུས་ལ་ངེས་པ་མེད་པར
འུ་ཚོ་རང་ཉིད་ལ་གང་ཞིག་འཐོབ་ཡོད་པའི་ཆ་ལའང
ཚོར་བ་མག་མོག་ཅིག་ལས་མི་འདུག
སྐབས་སྐབས་སུ
འུ་ཚོས་རྨི་ལམ་གྱི་ཞིང་དུ་འཆར་གཞི་འགོད་ཀྱིན་མཆིས་ལ
མཚམས་མཚམས་སུ
འུ་ཚོས་སྟོང་འདང་གི་ཁྲོད་དུ་རེ་བ་འཚོལ་བཞིན་གདའ
མཐར་གཏུགས་ན
འུ་ཚོ་རྨི་ལམ་དུ་འཚོ་ཞིང
རྨི་ལམ་དུ་སྟོང་འདང་བྱས་ཏེ
སྟོང་འདང་དེ་དངོས་ཡོད་ཀྱི་ཚོར་བ་དང་འཁྲུལ་འདུག
སྙིང་རེ་རྗེ
འུ་ཚོས་འཚོ་བར་ངོས་འཛིན་ཆུང་ངུ་ཙམ་ཡང་བྱེད་དཀའ་བས
འཚོ་བའི་ཁ་ཕྱོགས་ཅི་ལྟར་འཚོལ
འཚོལ་བསྙེག་གི་འདུན་པ་སུ་ལ་བཅོལ
ཡིད་རེ་སྐྱོ
ཡོད་ཚད་ལ་ཕྱིར་འདང་ཞིག་བརྒྱབ་ན
དབུགས་རྒྱུན་རིང་བའི་དངན་པ་འདི་ཁོ་ན
མཚམས་ཆད་མེད་པའི་མིག་ཆུ་འདི་རྐྱང་རྐྱང
དོན་དམ་པར
ཁྱེད་ལ་མཁོ་བ་ནི་གང་ཞིག
ཁྱེད་ལ་དབང་བ་ནི་གང་ཞིག
འུ་ཚོས་དངོས་ནས་ལས་དབང་ལ་རྒོལ་ལན་སློག་མི་ཐུབ་བམ
འུ་ཚོ་ཐོག་མ་ཉིད་ནས་ཕམ་འདུག
网友评论