ཕེབས་ཨང།།
༄༅།། མུན་བསེལ་སྒྲེན་མེ་ཆུ་ལྷར་འཕོས།།
ཀུ་མུད་གཉེན་ལ་ཟླ་འཛིན་འཆང་།།
གཤིན་རྗེའི་མགྲོན་ལ་འབོད་པའི་ཚེ།།
ང་གསོན་དགོས་པའི་སྨྲེ་ངག་ཡང་།
ཡིད་དེ་ལུས་ངག་གཉིས་དང་འཕྲལ།།
ཕེབས་ཤིག་ཕེབས་ཤིག་དམ་པ་ལགས།།
མ་འཇིག་ཁྱེད་དང་ལྷན་དུ་ནི།།
སྐྱེལ་མ་དྲིལ་བུའི་དབྱངས་དང་གཅིག།
ལམ་སྟོན་ཆོས་མེའི་འོད་དང་གཉིས།།
འགྲོ་གྲོགས་རྔ་ཡི་སྒྲ་དང་གསུམ།།
ཕྱི་འདྲེན་བླ་མའི་གསུངས་དང་བཞི།།
བསུ་བ་སྤུན་གྱི་སྨོན་དང་ལྔ།།
མ་ལུས་ཁྱེད་དང་མཉམ་དུ་ཡོད།།
སྐྱོ་བའི་མཆི་མ་མ་ལྷུང་བར།།
ཕེབས་ཤིག་ཕེབས་ཤིག་དམ་པ་ལགས།།
ཕྱི་མར་མཇལ་བའི་སྨོན་ལམ་ཡོད།།
སམ་ཡུལ་ཐུབསྟན་ཚེ་རིང་ནས།།
༢༠༡༨་༢་༨
ཕེབས་ཨང་། ། - 草稿
网友评论