དོ་དགོང་སྐྱིད་པོ་བྱུང་།

དོ་དགོང་མཚོ་སྔོན་རྡུང་ལེན་འགྲན་བསྡུར་སྐབས་བདུན་པའི་བྱ་དགའ་སྟེར་བའི་དགོང་ཚོགས་ལ་བལྟས་ནས་ད་བར་དུ་འགོར། རང་གི་ཚོད་དཔག་ལས་བརྒལ་བའི་སྤྲོ་ཚོགས་ལྟ་བའི་ཡིད་གར་འོང་བ་ཞིག་བསྡུས་སོང་། བོད་ཁམས་ཡོངས་ཀྱི་གླུ་གར་རྒྱ་མཚོའི་རླབས་ཕྲེང་མཁའ་རུ་གཏོར་སོང་བས་ཡིད་སེམས་ལ་ཚོང་སྣང་སྣ་ཚོགས་ཀྱི་ལྦུ་བ་ཅི་དགར་འཐོར་བ་ཡང་སྨོས་ཅི། ད་བར་དུ་འདི་འདྲའི་གཟབ་རྒྱས་རང་བཞིན་ལྡན་ལ། གར་སྟེགས་ཀྱིས་ཚད་གཞིས་ལོངས་པ། མདོ་དབུས་ཁམས་གསུམ་ཡོངས་ཀྱི་གླུ་གར་གྱི་སྙིང་བཅུད་ཡོད་ཚད་གཅིག་ཏུ་བསྡུས་པ་ལྟ་བུའི་དགོང་ཚོགས་ཆེན་མོ་ཞིག་འཚོགས་མྱོང་མེད་ཅེས་ལབ་ཀྱང་ཤོབ་ཏུ་མི་འགྲོ་བས་ཐེངས་འདིའི་འགྲན་ཚོགས་འདིའི་མགོ་མཇུག་བར་གསུམ་ཀུན་ལ་དཀའ་སྡུག་གི་རྔུལ་ཆུ་གཏོར་མྱོང་བའི་ལས་སྣེ་བ་ཡོངས་ལ་སེམས་བསམ་པའི་གཏིང་ནས་བཀའ་དྲིན་ཞུའོ།། ཁྱེད་ཚོའི་སྐུ་ཚེ་་རིང་། ཁ་དྲོ། ཚོང་སྣང་གཞན་དག་སང་ཉིན་བརྗོད་ཡོང་ངོ་།།