吾是一个土生土长个上海人，当吾走过45年个生命旅途以后，由于吾对于沪语方言俚语方面个热爱，还由于吾邪气爱好写作个缘故，亦欢喜撰写一些搭沪语方言俚语有关系个一类文章，勒学习、探讨、研究、查询搭写作个全过程当中，还发现有迭能个一桩事体，对于绝大多数个沪语方言俚语词眼唻讲，基本浪向侪是带有贬义色彩。
勒众多个沪语方言词眼当中，今早仔吾就专门唻讲讲“白相”迭个词眼，吾查询到有关于迭个词眼个各种历史资料，侪显示出像“白相”迭个词眼，原本个含义搭意思就是带有贬义色彩搭含义个。
像“白相”迭个词眼，伊到底又是啥个意思呢？！要是翻译成为普通话，伊有两层含义，伊个意思就包含“游逛”或“玩耍”。
除忒吾勒上段文字当中所讲个意思以外，伊还拥有第三层意思个，勒老底子个辰光，至少吾伲国家还身处勒民国时期个辰光，但凡是去妓院嫖妓；或者讲玩弄女人，也同样是使用“白相”迭个词眼。
覅仅是如此哩，吾还发现有迭能个一种情况哩，有覅少“所谓个沪语方言俚语词眼”当中，有很大一部分个沪语方言俚语词眼，并覅是土生土长个本地方言俚语词眼，而是由其他外省市个方言俚语词眼嫁接移植转变过唻个，“白相”迭个词眼也同样是迭能个，迭个词眼覅仅仅是属于沪语方言，也是吴语地区个方言词眼，有覅少使用吴语方言地区个人，也同样是使用迭个词眼个，比方讲：江苏苏州。
吾查阅相关个各种历史资料以后侪晓得，“薄相”迭个词眼顶早是出现勒吾伲国家历史浪个宋朝时期。宋朝时期个大文豪苏东坡苏轼撰写有《次韵黄鲁直赤目》一诗，勒第尼句闲话中是迭能唻写到个，曰：“天公戏人亦薄相，略遣幻翳生明珠。”同样是宋朝时期个葛谦问葛郯撰写有《水调歌头·舟回平望久之过乌戍值雨少憩向晚复晴》词二首，勒其中写有迭能一句闲话，曰：“应是阳侯薄相，催我胸中锦绣，清唱和鸣鸥。”清朝个文人蒲松龄勒《聊斋志异·柳生》中写有迭能一句闲话，曰：“子功名无分；万钟之赀，尚可以人谋。然尊阃薄相，恐不能佐君成业。”……凡事种种可以讲是举不胜举！
如若讲，侬搭吾是属于一个邪气有心个人，还只要是欢喜各个地方个方言俚语文化个辰光，是覅需要多去言语一些啥么事，自然就会去看看学习一下个，还会去发现有迭能个一桩事体哩，去拜读《苏州府志》时，尤其是阅读到“方言卷”个辰光，就会发现有“薄相”迭个词条，伊是迭能唻解释说明个，曰：“儿童戏耍曰‘薄相’”。还因为“薄相”又拨叫作“勃（孛）相”，勒民国时期时著有《民国法华乡志》一书，所谓个“法华乡”就是今早仔上海市长宁区，去阅读迭本书时，勒方言卷里向，记录迭能一句闲话，曰：“嬉游曰孛相”。很有可能是迭能一种原因，就是因为勒上海迭座城市个里向，勒沪语方言读音当中个段迭个或“勃”字或“孛”字，搭“白”字个读音可以讲是属于一色似样个原因，因此就拨上海人以讹传讹个读作“白相”迭个词眼，一直流传到今早仔，从而影响一代又一代个上海人。
吾还是依据查阅到个历史资料显示，“薄相”一词是“薄命相”个简称，所谓个“薄命相”就是指：某个人时乖命蹇命运覅好，一直勒走背字，干啥个侪覅成功，总是身处勒霉运之中。而且“薄命相”迭个词眼并覅是今早侪有、侪发明出唻个，可以讲是古已有之。勒吾伲国家个古代，顶主要还是以科举制度为主导个，勒迭个制度下男性唯一个出路就是考取功名金榜题名，还认为唯有读书高，其他啥个侪是覅好算数个。要是讲，男小囡从小到大侪是个调皮捣蛋鬼，还覅愿意好好较去读书，正所谓“三岁看七岁，七岁看到老”，就会认定像迭种类型个男小囡等长大成人以后，既覅会有好个出息，还覅能过上好日脚。还要是讲，十年寒窗苦读以后，多次考试侪是名落孙山呒没考取功名，像迭能个两类人，就会拨大人们称之为“薄相人”。
《清稗类钞》是民国时期徐珂创作个清代掌故遗闻个汇编，从清人、近人个文集、笔记、札记、报章、说部中，广搜博采，仿清人潘永因《宋稗类钞》体例，编辑而成。勒迭本书里向，也同样是记录有“白相”迭个词眼个，曰：“白相，游戏也，娱乐也。搂白相，对於人行游戏之行為，以自取乐之谓也，犹京语之开顽笑、闹著顽儿也。写意，适也，愉快也，盖取乐之名词也，即快活舒服之义也。”
当吾勒查阅相关个历史资料以后，也阅读过《古今图书集成》一书，勒《古今图书集成·方言部汇考·崇明县》也讲过“白相”迭个词眼，讲道：“白相，白，不花钱也；相，看也。”看相不花钱叫“白看”，“看白戏”也是“白相”，着重在没有付出。白白地看看逛逛，是最典型的“白相”，花钱的“白相”是以后衍生出来的说法。
要是勒“白相”迭个词眼个前头去添加一个“好”字，伊就演变成为“好白相”，迭个词眼同样也是一句沪语方言俚语，伊是拥有两层含义个，分别就是勒讲“十分好玩”搭“极其可爱”个意思。
只为能更好个说明迭种情况，让吾唻列举迭个方面个例子。比方讲：对于老一辈个上海人唻讲伐，每年只要是拥有或空闲或休闲个辰光以后，或多或少眼扳数要去老城隍庙（豫园）逛逛白相相个，还会去逛逛白相好几趟个，老一辈个上海人就会唻讲道：“每趟仔只要是去老城隍庙（豫园），就是属于‘邪气’好白相个一桩事体哦，还可以蹲勒里向喫喫白相一整天唻！”【备注：“邪气”是沪语方言，伊个意思就是讲非常。】迭段沪语方言个意思是讲，去老城隍庙（豫园）游玩，就是属于邪气好白相个一桩事体，还可以喫喝玩乐一整天。
对于上海人唻讲，覅管是勒讲啥么事，还是去书写成为文字，但凡事要用迭个“说”字时，侪是习惯用迭个“讲”字唻替代之，还要是勒“白相”个前头去添加一个“讲”字，就演变成为“讲白相”，伊也是一个沪语方言俚语词眼，伊个意思就是讲：说着玩而已。
只为便于理解迭个词眼，让吾唻举例说明。比方讲：有两个人勒一道“嘎讪胡”“谈山海经”，【备注：“嘎讪胡”搭“谈山海经”是沪语方言，意思是讲聊天。】其中一人听到对方讲个某些闲话，令自家感到覅大愉快勒，还要拨覅愉快挂勒面孔浪，讲错话个人就用沪语方言唻讲道：“覅好意思嘞，就因为吾伲是几十年交情个老朋友啊，所以吾是随便讲白相个，忒侬打‘打朋’，侬千万覅要生气哦！”
上段文字中个“打朋”是沪语方言，意思是开玩笑。上段文字个意思是讲：吾搭侬是有几十年交情个老友，所以侪会搭侬开玩笑、闹着玩，侬千万覅要因为吾搭侬勒开玩笑、闹着玩，而去生气哦！
北京人欢喜拨从小白相到大个朋友叫“发小”，而吾所在城市上海则叫做“出窠兄弟”。吾至今依旧还能清爽个去记得，某年出窠兄弟朱天翔叫吾到伊个屋里向去“白相”，伊掰时个未婚妻也在场，伊向伊个未婚妻用沪语方言唻介绍道：“迭个人就是吾从小‘白相’到大个出窠兄弟，伊个名字叫做陆伟，吾本人只畀过是初中肄业罢了，算起唻顶顶多只有初中文化水平，伊本人是大学本科毕业，伊勒拉休闲个辰光里向，邪气欢喜‘白相文化’，写写各类文章！”……
上段沪语方言个意思是讲：吾有一位从小白相到大个老友朱天翔，伊向未婚妻介绍唻讲道，吾业余生活，就是一个爱好写作个人。
勒“白相”个后头添加迭个“倌”字就是“白相倌”，伊个意思是讲“各种适合儿童玩个玩具”。老上海人欢喜拨各式各样个“玩具”，一律侪称之为“白相倌”迭个词眼。勒20世纪90年代以前个上海小囡，既因为物资匮乏，还因为家庭收入有限个缘故，各式各样个白相倌并覅是邪气多，比方讲有：竹蜻蜓、铁皮发条青蛙……
勒吾伲国家个国粹文化当中，有一种国粹文化叫做“麻将文化”，普通闲话或国语叫做“打麻将”，然而，到沪语方言俚语词眼当中，则表示为“搓麻将”，上海人勒搓麻将个辰光，输赢一场个金额侪覅是交关大，迭能个搓麻将方式，上海人又叫做：“（搓）卫生麻将”或“小唻唻”。对于绝大多数个上海普通老百姓，之所以要搓迭种类型个麻将，顶主要个因素就是在于－－因为勒上海人看唻，数额覅是邪气大，彼此之间是覅伤和气搭情感个，还可以长久个去白相。
搓迭种类型个麻将，通常都是勒交关要好个亲朋好友搭熟人之间，而且还会有如下三个原因哩，其一是：锻炼脑子；其二是：联络彼此间个情感；其三是：交流各个方面个信息，因为勒搓麻将个辰光，可以一边搓麻将，一边嘎嘎讪胡谈谈山海经，上海人拨聊天叫做“嘎讪胡”搭“谈山海经”。其中一个人就会开口唻讲道：“今朝仔吾伲侪是勒拉搓卫生麻将，吾伲只畀过是小唻唻，弄弄白相相！”……
上段沪语方言闲话个意思就是勒讲，吾伲四个人也只拨过是勒随随便便个白相而已，而且彼此之间输赢个铜钿并覅是邪气大个！
勒新中国个历史浪，曾经有发生并经历过“十年动乱”个，等到“十年动乱”结束以后，一直要到上海全面深化改革搞改革开放前头，就拥有三处闻名全国个建筑搭（旅游）景点哦，伊拉分别就是“原南市区老城隍庙豫园”“黄浦区大世界”搭“黄浦区南京东路步行街”。因此勒迭个辰光段内，对于从外省市唻到上海个人，覅管是出于啥个原因唻到上海迭座城市，还派生出迭能一句方言闲话，讲道：“唻到勒上海滩，呒没去老城隍庙豫园、大世界搭南京东路步行街白相过个人，就覅算到过大上海。”意思是讲：但凡是唻过上海滩个外省市人，就连上述三个地方侪呒没去白相过个人，就覅能讲唻过大上海！
上段文字当中个“黄浦区大世界”，伊个地理位置位于西藏南路搭延安东路个交叉口处，迭个地方到底是做啥个呢？！让吾唻简短个介绍一下所查阅到个历史，迭个地方是以游艺杂耍、南北戏曲搭曲艺为主要特色个娱乐活动场所，12面哈哈镜成为大世界里向独有个吸引物。建国以后曾一度改名字为“人民游乐场”，1958年恢复原名，直到1974年又改名为“上海市青年宫”，1981年1月25日大世界复业，名字叫做“大世界游乐中心”，同时保留青年宫建制搭职能。勒那些娱乐活动并覅是邪气丰富年代里，覅管是从外省市唻到上海滩浪个人，还是上海人，侪是“交关”欢喜去大世界白相相，要是上海人个闲话，一年到头，顶起码也要去白相一趟，还深受各个年龄阶层个老百姓个喜爱哦！【备注：“交关”是上海方言俚语词汇，意思是非常。】
老上海人拨“收音机”叫做“无线电”，拨“听收音机”叫“开无线电”。吾虽讲从小一直到今早仔，从未去“大世界”白相过一趟，顶多也只是勒偶然个辰光，有经过并走过迭个地方，但是从小到大侪是听着“无线电”里个各种戏曲曲艺长大个，尤其欢喜听上海个地方曲艺“滑稽戏”搭“独角戏”，勒上海个曲艺独角戏段子里向就有《白相大世界》，而且还有诸多个版本，吾听过滑稽名家郭明敏搭方艳华版本个《白相大世界》、田丽丽搭沈少亭版本个《白相大世界》……讲大世界里向有各种好白相个地方，有照七彩哈哈镜、各种地方戏曲，如：沪剧、越剧、淮剧、猜灯谜……就好似自家也去白相过个一样。
还依据吾查阅到个历史资料显示，“大世界”始建于1917年，创始人是黄楚九，伊最初个名称则是叫做“大世界游艺中心”。黄楚九生于1872年，卒于1931年 ，伊又拨叫做黄承乾，号磋玖，伊是浙江余姚人，勒20世纪初是上海滩浪实业界个著名人物，既是中国西药业个先驱，与此同时也是中国娱乐业个先驱。最初是依靠中西药起家发家致富个，等到发家致富以后，又去创办“大世界游艺中心”。
当“黄记大世界”迈入欣欣向荣之际，勒中国爆发“九・一八”事变，上海滩浪向各类工商业骤然之间变得交关萧条，黄楚九个事业也同样是难以避免，受到邪气严厉个冲击搭打击，工厂面临倒闭，又遭遇到银行提款过大浪潮。黄楚九一时之间防备覅及变得债台高筑，勒手足无措之际竟忧急病死。等伊病死以后，掰时上海滩浪个大亨黄金荣垂涎欲滴，以交关低个价钿拨“大世界”收入囊中。据说，黄楚九之死，也是搭黄金荣有关系个，讲黄金荣早就看中由黄楚九创办个“大世界游艺中心”，就是因为迭个地方是属于黄金地段，还因为迭个游乐场所可谓是日进斗金，就无所覅用其极、想方设法个去搞黄楚九，因为黄楚九白相覅过黄金荣，故而就是拨黄金荣弄死忒个。
据家母倪榴珍对吾讲，勒伊个小辰光，外公倪根生外婆张榴妹曾经带伊去白相过一趟个，掰时门票个售价是人民币“两角洋钿”，【备注：“两角洋钿”是沪语方言俚语词汇，就是“两角钱”个意思。】伊还告诉吾可以勒里向游玩一整天，是伊顶顶幸福个事情之一……
勒上海有迭能个一种讲法，要想成为一名普通个戏曲曲艺演员，或者讲有朝一日想成为名家搭角儿，只有勒“大世界”演出过以后，而且还能获得绝大多数上海市民个认可时，侪有可能长久个去做一名戏曲曲艺演员，要覅然是做覅成戏曲曲艺演员、覅能成名成家个，只因为“大世界”是锻炼各种戏曲曲艺演员个地方，唯有经过“大世界”锻炼以后方可成才成为一名演员。有诸多个戏曲曲艺演员侪勒“大世界”演出过并站稳脚跟。吾对滑稽戏演员邪气熟悉，就拿伊拉唻举例，第一代滑稽泰斗大师杨华生就是勒“大世界”学戏个，中生代个女滑稽名家方艳华、小辈滑稽演员毛孟达侪勒“大世界”演出过……
讲起唻么也是交关惭愧个一桩事体哦，当大世界游乐城重新开张以后，某趟仔搭大学本科好友嘎讪胡，讲自家走过40多年春秋以后，竟然是一趟也未曾去“大世界”白相过，当吾个大学本科好友们晓得此事以后，侪讲以后要是有机会，相约去“大世界”白相一趟。
勒吾所在个城市上海市，“白相”只是一个顶顶基础个方言俚语词眼，后面还可以添加词眼个，就会变成另外个方言俚语词眼。
比方讲：勒“白相”个后头添加一个“人”字，就转变成为“白相人”，“白相人”迭个词眼顶早则是出现勒旧时（民国时期）个上海滩浪。沪上已故个连环画大师贺友直先生画过有关于旧时上海滩浪个各种行当，老先生曾经勒《贺友直画三百六十行－－说说画画上海老行当》里，还邪气形象个讲到过“白相人”迭个词眼，伊讲但凡是那些“无业游民”“无所事事啥个也覅肯做个人”、或者讲“专门去从事坑蒙拐骗个一类人”搭“流氓”就可以称之为“白相人”。
当代作家茅盾撰写有长篇小说《子夜》，勒第七章中写有一段搭“白相人”有关个闲话，曰：“你同他商量好了，专等那班白相人把何秀妹轧到冷静的地方，你就去救她。”当代作家叶圣陶撰写有长篇小说《倪焕之》，勒第二十七章当中也写有一段搭“白相人”有关个闲话，曰：“再看这伙人，穿长衣服，学生模样的，穿短衣服，工人或‘白相人’模样的，有的指得出他们的名字，有的好生面熟。”当代作家夏衍创作过一部话剧叫《上海屋檐下》，勒第一幕当中也同样是写有搭“白相人”有关个闲话，曰：“小天津－－一个‘白相人’风的年青人，推门进来，对大家望了一眼，一直往楼上去了。”……
上海人是拥有迭能个一种习俗，但凡是拨“谩骂”或“吵架”迭一类事情，侪是拨叫作“骂山门”，覅管是身处勒何种社会阶层里向个人群或个人，相互之间只要是闹点矛盾吵过架个闲话，吾认为迭也是属于在所难免个一桩事体。就勒上海个方言俚语词眼当中，还有一句有关于“白相人”个俏皮闲话，迭句话就是叫作“三等白相人，独喫自家人。”迭句闲话个意思是讲：做人一点侪覅懂得讲义气，覅是专门干损害自家人个各类人事物情，就是只会做窝里斗个事体。
吾曾经听到过一对上海夫妻因为感情搭各种家庭琐事等一系列问题，妻子呒没屏牢，一下子就对自家个老公骂山门大吵大闹起唻，用沪语方言俚语词眼大声个对对方讲道：“吾嫁畀勒侬迭个赤佬码子，就算吾眼睛侪是畀戳瞎忒嘞，霉头可以讲是戳到嘞菲律宾，侬迭个男人就覅是一个真男人，就是‘一个标标准准个三等白相人，只会得独喫自家人’，勒拉外头只会得白相讨饭叫花子，到勒屋里向只会得白相娘子、‘尼子’搭‘囡鱼’！”迭段文字当中个“白相”搭“白相人”就有欺负人个意思，段落中个“尼子”搭“囡鱼”是上海方言俚语词眼，“尼子”是指儿子个意思，“囡鱼”是指女儿个意思。
今早仔个上海人，对于“白相人”是有迭能个一种解释个，讲但凡某一类个人或人群是属于“搪瓷七厂”一类个人，就可以称迭能个一类个人或人群为“白相人”。只因为勒上海个方言读音当中，“荡、住、吃、唱”个读音搭“搪瓷七厂”几乎是一色似样个，侪会有迭能个称呼。而且像迭能个一类个人或人群，一天到夜侪覅愿意去好好较工作，整日无所事事，无外乎就是只愿意去做如下个三桩事体。其一就是：到处去“荡马路”，【备注：上海人又拨“逛马路”叫做“荡马路”。】其二就是：只愿意住勒屋里覅肯跨出家门口一步；其三就是：其本人只知到处去吃喝玩乐唱唱流行歌曲，其他啥个侪覅想做。
勒上海迭座城市，像沪语方言“白相人”迭个词眼，就是属于一个通用词眼，伊既可以指男性，伊也同样可以指女性为“白相人”哦，上海人就拨“女性一类个白相人”叫做“白相人嫂嫂”，像迭个沪语方言俚语词眼，伊到底又是从何而唻个呢？！等到吾查询历史资料以后，侪让吾晓得－－伊顶顶早个辰光，也同样是出现、发明于中华民国时期个上海迭座城市。身处勒掰搿年代里向个人，有一部分女性因为或知情或覅知情个缘故，嫁拨某些覅务正业个男性白相人，从而就让自家变成为一名“白相人嫂嫂”。然而，对于今早仔个上海人唻讲，尤其是对于交关年轻一代个上海人唻讲伐，未必就会晓得迭个方言俚语词眼，讲迭个词眼个人邪气少，要是有人讲个闲话，也是属于偶尔讲讲，也只有年龄勒七八十岁个老上海人会勒偶然间去讲讲个。
对于绝大多数个上海人唻讲，对“白相人嫂嫂”个理解，也包括本人勒内，基本浪向侪是通过上海个地方曲艺滑稽戏《七十二家房客》当中获得个。里向个尼房东是一位女性，是由已故女滑稽泰斗级大师绿杨先生扮演个，伊所扮演个人物就是属于“白相人嫂嫂”，真可谓是演绎个惟妙惟肖哦，伊勒戏里向从头到尾就是扮演一个凶神恶煞类型个人，时覅时总是欢喜“弹眼落睛”，为人顶顶刁钻撮掐，而且还要专门、一刻覅停个去欺负呒没铜钿个穷人。“弹眼落睛”是一句沪语方言俚语词眼，伊个意思是讲面部表情看起唻邪气凶神恶煞。
上段文字只拨过是吾所讲由曲艺大师扮演个“白相人嫂嫂”，勒上海滩个历史浪，也的的刮刮是存勒着覅少个“白相人嫂嫂”。
吾认为，只为能更好个说明迭种情况，吾依旧还是要再唻举迭个方面个例子。勒旧时（中华民国时期）个上海迭座城市，三大亨之一个黄金荣，伊个第一位夫人名字就是叫作“林桂生”，伊活到104岁以后侪驾鹤西去个，伊既是旧时（中华民国时期）上海滩浪青帮个创始人之一，与此同时也是标准个“白相人嫂嫂”搭“土皇帝”！
勒掰时个上海滩浪，只要是伊唻“发一句条头”，【备注：“发一句条头”个意思是讲一句闲话。】整个上海滩浪侪要像地震似个去抖三抖哩，只要是大家看到伊本人时，侪是要恭恭敬敬个尊称伊一声“大阿姐”，其中个“大”字，上海闲话个读音是读作为“肚”字。
吾曾听到过一段有关于伊个故事哦，勒掰时个上海滩迭座城市，伊本人就独揽整个上海滩浪向“所有个屎尿”生意，但凡是上海市民拉出唻个各种屎搭尿，侪是要交拨由伊开设个公司去处理个，别人是呒没办法去染指其间个。勒掰时，上海滩浪向每日拉出唻个屎搭尿，侪是要运到农村或乡下作为种田个肥料唻处理个，而且迭项生意也是属于一本万利黄金万两个。曾经有人也想染指其间，并且要搭林桂生一决高低搭雌雄，伊下一道死命令，上海滩连续三天拉出唻个屎搭尿，呒没一个人敢运出去，搞得整个上海滩浪侪是乌烟瘴气臭气熏天个，搭伊决斗个人，也只能是甘拜下风俯首称臣再也覅敢去染指……
【备注：①：文章为作者原创；②：前三张图片搭最后三张图片侪是作者编辑个；③：各种上海大世界图片、贺友直上海风情画图片搭各种沪语方言侪唻源于网络上头；④：万分感谢原创图片。】
杜老倌侠客居（陆伟）写于2022年01月04日礼拜二夜里向
网友评论