闲话上海之——知趣（上海方言文章）

闲话上海之——知趣（上海方言文章）

        “知趣”两额字是一句上海闲话，伊额意思主要是讲：做人要懂得一眼眼最最基本额人情世故，更要晓得，勒辣啥辰光，应该讲啥额闲话、做啥额事体！

闲话上海之——知趣（上海方言文章）

        勒辣上海人看来，人与人之间打交道是在所难免额，阿是不可缺少额，所以特别看重所打交道额人是勿是一个知趣人。假使讲伊是一额知趣人，就帮伊继续（长期）打交道，辰光一长，以后还有可能成为牢要好额朋友；假使讲伊勿是一额知趣人，一趟两趟就算了，要是伊是屡教不改闲话，嘎么交朋友就到此为止了，再啊么下趟了，下躺再啊勿愿意跟伊碰头打交道交朋友了，就算看到了阿会装作呒认得伊！ 

闲话上海之——知趣（上海方言文章）

        “知趣”是牢牢重要额一种品质，勒辣老上海人看来，阿是不可缺少额一种好品质，老上海人是狭气看重迭种品质额，所以呒管勒了啥额辰光，做人一定要“知趣”、更要“学会知趣”，老上海人最最欢喜跟狭气知趣人交朋友。

闲话上海之——知趣（上海方言文章）

        一般来讲，勿（大）知趣额人，大都数都属于“拎（大）勿清”、“勿（大）识相”、“看（大）勿出山水”额一类人，迭种人，乃朝后头，伊肯定会的倒（大）霉、跌（大）跟头、吃（大）屈！……

闲话上海之——知趣（上海方言文章）

还有，老上海人对付“勿（大）知趣”、“拎（大）勿清”、“勿（大）识相”、“看（大）勿出山水”额人，最最好额办法，就是请伊“吃吃辣货酱”，所以勒了上海俗语当中就有一句闲话叫做：“勿识相，要吃辣货酱！”

闲话上海之——知趣（上海方言文章）

        另外，老上海人还特别欢喜讲：“勿识人头，吃煞苦头！”迭句闲话额意思阿是指勿（大）知趣额人！

闲话上海之——知趣（上海方言文章）

        通常来讲，“勿（大）知趣”额人，往往都是属于“拎（大）勿清”、“勿（大）识相”、“看（大）勿出山水”额人，迭种人在呒一个好结果，伊自家还勿一定晓得，一旦等到自家发觉苗头有眼呒对了，迭额辰光为时已经晚了，啊来勿及了！ 

闲话上海之——知趣（上海方言文章）

        勒辣人与人之间打交道交往额过程当中，勿（大）知趣额人，往往勿受到大家额欢迎，大家对伊阿是敬而远之避避开，做人做到了迭种地步，侬讲伊还有味道伐？迭状况不但是勿（大）知趣人额悲剧，而且多多少少伊自家阿会觉得做人呒味道、缺少人味道了！ 

闲话上海之——知趣（上海方言文章）

        实际浪厢，要做一个“知趣人”，最最好额办法，阿是最简单额办法，就是多做事体少讲闲话。假使要讲闲话，要发表一眼意见跟建议，只要点到为止就可了。另外，还要做到，尽量少去麻烦人家，少纠缠人家就对了、就是一额知趣人！   

闲话上海之——知趣（上海方言文章）

        有些人，勒辣人与人之间交往额过程当中，自我感觉勿要特好哦，总认为帮大家感情既深又好，就可以指手画脚，要求大家迭能去做、伊能去做，有迭种想法额人，侬讲伊是属于勿（大）知趣额人伐？大家碍于是朋友、碍于面子，勿好跟伊发脾气、翻毛抢，但是勒了内心深处已经勿（大）愉快了，有了想特伊断交额念头，假使伊还勿晓得进退，结果当然好勿到啥地方去，朋友阿会一个一个跟伊凹断，以后伊在阿么朋友、交不着朋友了！……

闲话上海之——知趣（上海方言文章）

        不但是迭能样子，勒辣人与人之间打交道交往额过程当中，总归会有一些勿（大）知趣额人出现，自认为自家“绝对是额万人迷”，还会受到“万众瞩目”，更会受到狭气热烈额欢迎，弄到最后，呒落场水额情况、让人家看笑话额情况，等一系列情况，会的常常出现。   

闲话上海之——知趣（上海方言文章）

        之所以会迭能，之所以会常常有勿（大）知趣额人出现（存在），主要原因无非有的如下三种情况，第一种情况就是跟伊所受到额教育、经（阅）历、自身综合能力等综合因素息息相关；第二种情况就是跟伊勿晓得啥额辰光该进退，更勿晓得哪能去讲好闲话、做好事体有关系；第三种情况就是——勒了人与人之间打交道交往额过程当中，还跟伊勿肯、勿欢喜讲真心闲话有一定额关系。对付迭种人，阿么啥好额办法了，只好用行动来表明，吾伲只好对侬敬而远之避避开，特侬凹断、断交！

闲话上海之——知趣（上海方言文章）

        写到此地，笔者对照上述所写额内容，想了一想，自家是一个“半吊子”人，有辰光笔者属于是一个知趣人，有辰光笔者又勿是一个知趣人，所以勒了今后一定要改正勿（大）知趣额毛病，争取做一个知趣人！ 

闲话上海之——知趣（上海方言文章）

      【备注：①文章为作者原创；②各类上海市风景图片均来源于网络上；③感谢原创图片。】

闲话上海之——知趣（上海方言文章）

        杜老倌侠客居（陆伟）写于2013年10月19日星期六上午