སྐྱེ་དགོནའི་བྲིས་པ། རྡོ་སྙུག་འམ་

作者: 21b27deea782 | 来源:发表于2016-11-09 13:55 被阅读0次

སྐྱེ་དགུ་རྡོ་བྲིས་སྒྱུ་རྩལ་གྱི་མཚམས་སྦྱོར་རགས་བསྡུས།

སྐྱེ་དགུ་རྡོ་བྲིས་སྒྱུ་རྩལ་ནི་ན་གཞོན་བྲིས་པ་སྐྱེ་དགོན་གྲྭ་དོན་གྲུབ་སྣག་ཚེ་རིང་གིས་ཕྱི་ལོ་༢༠༡༤ལོར་ཐོག་མར་འབྲི་སྲོལ་བཏོད་ཅིང་། རྡོ་བྲིས་ཞེས་པ་ནི་རྡོ་ཡི་སྙུ་གུས་བྲིས་པ་བྲིས་གཟུགས་ཤིགདང་། སྤྱིར་རྡོ་སྙུག་བཟོ་བར་ཚེགས་དང་འགྲོ་གྲོན་ཆེ་ཡང་། རྡོ་སྙུག་ལ་སྙུ་སོ་བརྟན་ཞིང་མི་ཟིང་བ་དང་། སྣག་ཚ་མི་འབྱམ་ལ་ཚུགས་སྒྲོས་པའི་ཁྱད་ཆོས་དང་ལྡན། བོད་ལ་གནའ་དང་ཐོག་བཟོ་རིག་གི་བསྟན་བཅོས་སོགས་སུ་སྣག་ཚ་དང་། ཤོག་གུ། སྙུ་གུ་སོགས་བཟོ་བའི་ལག་རྩལ་ཕུན་སུམ་ཚོགས་པ་ཡོད་པ་དང་། བོད་ཀྱི་གསོ་རིག་གི་གཞུང་རྣམས་སུ་རྡོ་ཡི་རིགས་ལ་གསེར་རྡོ་དང་། དངུལ་རྡོ། གཡུ་རྡོ། ཟངས་རྡོ། ཞ་རྡོ། ལྕགས་རྡོ་སོགས་ཀྱི་དབྱེ་བ་མང་ཞིང་། དེ་དག་གི་ངོ་བོ་དང་བྱེད་ནུས། དབྱིབས་དང་ཁ་དོག་སོགས་དབྱེ་ཞིབ་དང་ངོས་འཛིན་གསལ་ཐག་ཆོད་མཛད་ཡོད་ལ། དེ་དག་ལྕགས་རྡོ་ཁོ་ན་རྡོ་སྙུག་བཟོ་བའི་རྒྱུ་ཆར་འཚམས་ཞིང་སྲ་སྙི་རན་ཞིག་ཡིན་ཞིང་། དང་པོ་རྡོ་འདི་དུམ་བུར་བཅད་ནས་རིམ་བཞིན་ཇེ་ཕྲར་བཏང་ནས་བརྡར། དེ་རྗེས་རྡོ་སྙུག་གི་སོ་ཁ་གཟབ་ནན་སྒོས་འཇམ་བརྡར་བྱ་དགོས། རྡོ་འདིའི་འབྱུང་ཁུངས་ནི། སྐྱེ་དགུ་ཁུལ་དང་ཆ་མཚོན་ན་ ཁྲི་འདི་སྒ་སྟོད་ཇོ་བོ་དང་། སྐྱེ་མདོ་རིགས་གསུམ་མགོ་པོ། དཔལ་ཐང་རྒྱམ་རྡོ་ཏི་དང་སྐུ་ཁོག་སོགས་སུ་འབྱུང་། རྡོ་སྙུག་འདིར་ཕྱོགས་ཀྱི་བྲིས་པ་རྣམས་དང་། སྒྱུ་རྩལ་བ། དགེ་རྒན་སོགས་ཀྱི་བསམ་ཚུལ་འདོན་པ་དང་། མཛུབ་སྟོན་གནང་བ་སོགས་དོ་སྣང་མཛད་མཁན་དུ་མ་བྱུང་བ་དང་། དེ་སྔ་བོད་ཁུལ་གྱི་བྲིས་གཟུགས་འགྲན་ཚོགས་དུ་མས་རྡོ་བྲིས་སྒྱུ་རྩལ་ལ་གདེང་འཇོག་དང་གཟེངས་རྟགས་གནང་ཞིང་། ཡུལ་ཤུལ་ཁུལ་དངོས་མང་བཤམ་སྟོན་ཁང་དུ་རྡོ་བྲིས་བརྩམས་ཆོས་སྣ་རིང་ཞིག་ཀྱང་བསྡུ་ཉར་བྱས།