如风往事之——闲话煤球炉子、煤球卡和煤油炉子（方言文章）

如风往事之——闲话煤球炉子、煤球卡和煤油炉子（方言文章）
如风往事之——闲话煤球炉子、煤球卡和煤油炉子（方言文章）

        笔者所在的城市上海，对于出生于上个世纪八十年代末期的人来讲，绝大多数格人，伊拉未必都会认得并晓得“煤球炉子”。据笔者查到额历史资料后得知，在最高峰时曾拥有过100万只煤球炉子。

如风往事之——闲话煤球炉子、煤球卡和煤油炉子（方言文章） 如风往事之——闲话煤球炉子、煤球卡和煤油炉子（方言文章）

        北方的家用燃料称之为“蜂窝煤”，勒辣笔者所在的城市则称之为“煤球”和“煤饼”，因为所选择的材料是用煤沫子、碎煤，加上有胶质的黄土摇出来的，加之形状，既有“球状”的，又有“饼状”的，故而被称之为“煤球”和“煤饼”，还因为是和“炉子”一起使用的，故而又有两个称谓，即：“煤球炉子”和“煤饼炉子”。据父辈一代人讲，最先出来额家用燃料是“煤球”，一直到了上个世纪70年代中期，勒辣南方地区，才出现了一种新的、直径在16公分，厚度在10公分，有的12个孔饼状的煤饼，据说是从北方流传过来的。

如风往事之——闲话煤球炉子、煤球卡和煤油炉子（方言文章） 如风往事之——闲话煤球炉子、煤球卡和煤油炉子（方言文章）

        还是据笔者查到额资料显示，制作好的“煤球（饼）”可长期存储，伊格制作工艺通常情况下是机制的，勒辣最初格辰光形状如同白果一般，大小有得核桃那么大，用动力带动两个滚筒相对旋转，勒辣两个滚筒上有相对应的半球型凹窝，当煤粉、黄土、水按照适当的比例搅拌均匀，从滚筒的上部加入，被相对应的两个凹窝挤压成球形。因为制作的工艺极其落后，加之燃烧以后对环境额污染是狭气大格，不利于环境保护，基本浪厢被取缔忒了，改为使用环保清洁能源。

如风往事之——闲话煤球炉子、煤球卡和煤油炉子（方言文章） 如风往事之——闲话煤球炉子、煤球卡和煤油炉子（方言文章）

        勒辣掰搿辰光，家家户户都勒烧煤球（饼）炉子，伊格辰光还有的一个专门的工种叫做——“摇煤球（饼）工人”，伊拉格工作就是摇煤球（饼），拿“煤沫子”、和“碎煤”，外加上有胶质额黄土放勒辣一道摇出来格，摇煤球（饼）就赛过跟摇元宵是一样额，勒辣笔者小辰光去煤球（饼）店还看过全部制作过程。摇煤球（饼）额工人，起先就要做好两三坪面积的煤糊，然后再用铁铲子切，横切成宽度为1寸多一点距离，大约是在1.5寸左右，迭戈面切完以后，再掉换一个方向，依旧是横着切，等到全部切完以后，就成了一个个小方格子，然后在放在筛子里去摇，摇煤球（饼）格辰光，先放一只花盆勒下头，再把筛子放勒花盆上。摇煤球（饼）格辰光是要蹲勒地浪厢格，用胳臂的力量，让其左右交互摇将起来。筛子下的花盆好像一个轴，一边摇还要一边注意将黏勒一道格散开，又要随时洒些煤沫子，摇到后来筛子里格小方块渐渐摇滚成了黑乒乓球，等晾晒干以后就好用了。

如风往事之——闲话煤球炉子、煤球卡和煤油炉子（方言文章） 如风往事之——闲话煤球炉子、煤球卡和煤油炉子（方言文章）

        至少勒辣上世纪九十年代初中期以前，笔者所在格城市上海，也包括全国各个省市的居民来讲，最最记忆犹新的一桩事体，就是当年无论走进啥额类别与样子格房子，首先让人看到个就是煤球（饼）炉子了。不过摆放格地方并不一致，有些人家放勒灶（披）间里厢，有些人家放勒过道浪厢，住勒市区里格居民，因为所住格房屋不太通风格缘故，只好移动到弄堂里厢，再借助蒲扇格风力来点火。只要一歇歇辰光便会冒出滚滚的浓烟，一直弥漫到整条狭窄格里弄里厢。每当到了夜快头，最早也早不过五点钟格辰光，整个城市里厢每家每户都纷纷生起了煤球（饼）炉子做夜饭，笔者所在的城市上海，一般要勒炉子里厢塞上三只煤球（饼），而且迭三只煤球（饼）孔全部要对对整齐，若是不对齐格闲话很容易堵塞歇火，对齐辰光所用格工具就是一把火钳，拿火钳往一只只煤球（饼）洞里厢轻轻格疏通两三下。笔者的家最初是住勒房管所提供格私房里厢，后来搬到由房管所建造格新工房，一梯三户，由于煤球（饼）炉子没地放，只好放勒过道里。

如风往事之——闲话煤球炉子、煤球卡和煤油炉子（方言文章） 如风往事之——闲话煤球炉子、煤球卡和煤油炉子（方言文章）

        还有一种情况下头也同样是会得歇火的，就是由于三个煤球（饼）燃烧完毕了，加之自家没得计算好，没勒炉子里厢增添新煤球（饼）格缘故。母亲曾对笔者讲过迭能一段话语，为了不让炉子歇火，每天要添加两三次煤球（饼），最早一次是勒辣凌晨四点到四点半左右格辰光就要起床，给炉子里厢添加新的煤球（饼），伊每天都是雷打不动，勒辣掰搿辰光里厢基本没得停断过，而且起床辰光闹钟阿覅用格。

如风往事之——闲话煤球炉子、煤球卡和煤油炉子（方言文章） 如风往事之——闲话煤球炉子、煤球卡和煤油炉子（方言文章）

        生煤球（饼）炉子同样是有的技巧哦，有一些人不管哪能去生，生来生去就是生覅好，勒辣有些辰光，覅是煤球（饼）炉子里厢突然没火歇火了，就是再哪能去生，啊没办法让其点燃着火，迭戈是一个交关让人感到头疼额问题。事先就要先准备好生炉子格材料，打火机或火柴盒，废旧没有用格报纸、大纸条子，反正是能点燃易燃格物品都可以额，还要准备好一些柴爿【备注：北方人或北方地区称之为“木柴（材）”，勒辣笔者所在的城市则称之为“柴爿”。】柴爿要不寸不过适中最好，既覅能特细，阿覅能特粗，要不然是覅办法让炉子生好生炀格。勒辣生炉子前头，最好先放进去两只烧过格煤球（饼），迭能样子去做就覅会得缺少氧气歇火了，还要拿炉子把下面格盖子抽开来，然后就是再拿柴爿跟报纸（大纸条）放到两只煤球（饼）格上头，报纸（大纸条）要放到柴爿格上头，再去点燃报纸（大纸条），为了能够烧炀覅歇火烧的快，最好再放一只塑料袋袋，覅放阿是可以格，勒辣烧格辰光，最最好让伊自家去着火，覅去管伊，让伊随便烧，勒辣迭戈辰光还覅好放煤球（饼），要不然格闲话，既会得烟雾腾腾，还覅大容易着火烧着，等烧到没得火焰格辰光，就剩下烧出来额碳火，只要拿新煤球（饼）放进去就可以了，过一歇歇火自然就会得烧着，勒辣操作的全过程中，还要拿大蒲扇对准炉子下面开口不停地去扇风。

如风往事之——闲话煤球炉子、煤球卡和煤油炉子（方言文章） 如风往事之——闲话煤球炉子、煤球卡和煤油炉子（方言文章）

        另外就是，勒辣过去由于每家每户都要依靠各式各样额煤球（饼）炉子来烧水做饭菜，且家家户户都要生煤球（饼）炉子，使用大蒲扇扇风可以给煤球（饼）炉子增加一把力道，让炉子烧的更快更炀，还能时不时地扇走炉子里厢冒出来格滚滚烟尘。不过，假若是操作不当，或者操作不够规范格闲话，是狭气容易辣到眼睛呛到鼻头额，弄了覅好就会得不停地流眼泪咳嗽，一把眼泪水一把鼻涕，笔者小辰光也生过煤球炉子，也是碰到过上述情况格。最最好格办法就是——勒辣生炉子格辰光一定要背对着风去生炉子，千万覅能迎着风去生炉子，要不然滚滚烟尘就会得对着自己，并且狭气容易辣到眼睛呛到鼻头。

如风往事之——闲话煤球炉子、煤球卡和煤油炉子（方言文章） 如风往事之——闲话煤球炉子、煤球卡和煤油炉子（方言文章）

        还是勒辣掰搿辰光，国家执行格是单休日政策，每个礼拜只休息礼拜天，老百姓开门七桩事体就是“柴米油盐酱醋茶”，“柴”是头一桩大事体跟要紧事体了，勒辣当时“煤球（饼）店”跟“粮食店”是一样多格，对于那些双职工格家庭来讲，伊拉去买煤球（饼）只好放到礼拜天，伊格辰光买煤球（饼）同样也是要限量供应格，一般情况下头是买一趟100斤，有些省市是采用各类“煤球（饼）券”来购买“煤球（饼）”额，还有些省市是采用“煤球（饼）”卡来购买“煤球（饼）”额，笔者所在的城市上海是采用“煤球（饼）卡”来购买“煤球（饼）”额，记得当年煤球（饼）卡额颜色是粉红颜色格。

如风往事之——闲话煤球炉子、煤球卡和煤油炉子（方言文章） 如风往事之——闲话煤球炉子、煤球卡和煤油炉子（方言文章）

        当“煤球（饼）购买好以后，第一种办法，可以请店里厢伙计帮忙送到屋里厢，不过是要付一眼眼劳动费用格；还有第二种办法，可以向店里借一辆小推车，自家推回去，借车子是免费额，但必过“煤球（饼）卡”要抵押勒店里厢，等到还好了车子后再拿伊赎回来；第三种办法就是问有黄鱼车额亲朋好友借一辆黄鱼车，拿“煤球（饼）”去踏回来；勒辣当年由于每家每户经济条件都很一般，抱着省吃俭用格原则，能省一眼是一眼，多数人家会得采用第二跟第三种办法。勒辣掰搿辰光跟父亲一道去买“煤球（饼）”格趟数比较多，多数情况下头，吾伲是问几十年格老邻居陈家姆妈屋里厢，借一部黄鱼车去购买煤球（饼）格，因为伊格大尼子是勒辣单位食堂里做生活额，伊拉格尼子是做大菜师傅格，需要每天去小菜场买买小菜，故而单位里专门配了一部大黄鱼车把伊辣尼子。由于当时父亲是勒辣县城里厢做生活格，基本浪厢是一个礼拜回来一趟，碰到礼拜六才好回到屋里厢，所以购买煤球（饼），一般是勒辣三个礼拜到一个号头左右。

如风往事之——闲话煤球炉子、煤球卡和煤油炉子（方言文章） 如风往事之——闲话煤球炉子、煤球卡和煤油炉子（方言文章）

        仍旧是勒辣掰搿辰光，每户人家难难般啊有得脱般格辰光，要开始烧夜饭了，煤球（饼）却全部用光了，煤球（饼）店啊已经是打烊关门了，迭歇辰光不仅是来覅急了、啊买覅着煤球（饼）了，碰到迭种情况以后又哪能办呢？！有两种办法，第一种就是：问周围邻居先借几只煤球（饼）用用，等买好煤球（饼）以后再还把伊拉；第二种就是，覅用去急得额，因为除忒每家每户至少有得一只煤球（饼）炉子以外，每家每户还会得自备一只煤油炉子，是为了以防急需格辰光拿出来使用额，一旦碰到煤球（饼）全部用光了，就好拿出来使用了。除忒配备一只煤油炉子之外，还会配备一只白颜色格塑料桶，一般重量覅会超过十市斤左右，为的就是装煤油。勒辣笔者小辰光啊是使用过煤油炉子额。覅用过煤油炉子格人是覅晓得额，一旦用起了煤油炉子，屋里厢就会得变得烟雾腾腾，还会散发出来一股刺鼻格米道！

如风往事之——闲话煤球炉子、煤球卡和煤油炉子（方言文章） 如风往事之——闲话煤球炉子、煤球卡和煤油炉子（方言文章）

　　　　　　　

      【备注：①文章为作者原创；②各类和文章有关的图片均来源于网络上；③感谢原创图片。】

如风往事之——闲话煤球炉子、煤球卡和煤油炉子（方言文章） 如风往事之——闲话煤球炉子、煤球卡和煤油炉子（方言文章）

        杜老倌侠客居（陆伟）写于2018年10月27日星期四晚上