罗尼
༄༅། །སངས་རྒྱས་བཅོམ་ལྡན་འདས་འཇིག་རྟེན་ཐམས་ཅད་ཀྱི་མ་འདྲིས་པའི་མཛའ་བཤེས་ཆེན་པོ་སྟོན་པ་བླ་ན་མེད་པ་ལ་ཟབ་མོ་རྟེན་ཅིང་འབྲེལ་བར་འབྱུང་བ་གསུང་བའི་སྒོ་ནས་བསྟོད་པ་ལེགས་པར་བཤད་པའི་སྙིང་བོ་ཞེས་བྱ་བ་བཞུགས་སོ།།
རྗེ་ཙོང་པ་པས་བརྩམས།
佛理精华缘起理 赞
法尊法师译
ན་མོ་གུ་རུ་མཉྫུགྛགྷོཥཡ།
礼尊重妙音菩萨
གང་ཞིག་གཟིགས་ཤིང་གསུང་བ་ཡིས། །
མཁྱེན་དང་སྟོན་པ་བླ་ན་མེད། །
རྒྱལ་བ་རྟེན་ཅིང་འབྲེལ་བར་འབྱུང༌། །
གཟིགས་ཤིང་འདོམས་པ་དེ་ལ་འདུད། །
由见说何法，智说成无上，
胜者见缘起，垂教我敬礼。
འཇིག་རྟེན་རྒུད་པ་ཇི་སྙེད་པ། །
དེ་ཡི་རྩ་བ་མ་རིག་སྟེ། །
གང་ཞིག་མཐོང་བས་དེ་ལྡོག་པ། །
རྟེན་ཅིང་འབྲེལ་བར་འབྱུང་བར་གསུངས། །
世所有衰损，其根为无明，
见何能还灭，是故说缘起。
དེ་ཚེ་བློ་དང་ལྡན་པ་ཡིས། །
རྟེན་ཅིང་འབྲེལ་བར་འབྱུང་བའི་ལམ། །
ཁྱོད་ཀྱི་བསྟན་པའི་གནད་ཉིད་དུ། །
ཇི་ལྟར་ཁོང་དུ་ཆུད་མི་འགྱུར། །
尔时具慧者，如何不了知，
尊圣教心要，即诸缘起道。
དེ་ལྟ་ལགས་ན་མགོན་ཁྱོད་ལ། །
བསྟོད་པའི་སྒོ་ནི་སུ་ཞིག་གིས། །
བརྟེན་ནས་འབྱུང་བ་གསུངས་པ་ལས། །
ངོ་མཚར་གྱུར་བ་ཅི་ཞིག་རྙེད། །
如是于依怙，希有称赞门，
除说缘起外，谁能得余者。
གང་གང་རྐྱེན་ལ་རག་ལས་པ། །
དེ་དེ་རང་བཞིན་གྱིས་སྟོང་ཞེས། །
གསུངས་པ་འདི་ལས་ཡ་མཚན་པའི། །
ལེགས་འདོམས་ཚུལ་ནི་ཅི་ཞིག་ཡོད། །
由彼彼依缘，说彼彼性空，
离此更何有，希有善教诲。
གང་དུ་བཟུང་བའི་བྱིས་པ་རྣམས། །
མཐར་འཛིན་འཆིང་བ་བརྟན་བྱེད་ཅིང༌། །
དེ་ཉིད་མཁས་ལ་སྤྲོས་པ་ཡི། །
དྲ་བ་མ་ལུས་གཅོད་པའི་སྒོ། །
愚者执何法，坚固边执缚，
智善彼即是，戏纲尽断门。
བསྟན་འདི་གཞན་དུ་མ་མཐོང་བས། །
སྟོན་པ་ཞེས་བྱ་ཁྱོད་ཉིད་དེ། །
ཝ་སྐྱེས་ལ་ནི་སེང་གེ་བཞིན། །
མུ་སྟེགས་ཅན་ལ་གཅམ་བུའི་ཚིག །
此教于余未能见，故唯称尊为大师，
外道窃名以饰赞，如于野干呼狮子。
ཨེ་མའོ་སྟོན་པ་ཨེ་མའོ་སྐྱབས། །
ཨེ་མའོ་སྨྲ་མཆོག་ཨེ་མའོ་མགོན། །
རྟེན་ཅིང་འབྲེལ་འབྱུང་ལེགས་གསུངས་པའི། །
སྟོན་པ་དེ་ལ་བདག་ཕྱག་འཚལ། །
希有大师希有依，希有胜说希有怙，
极善宣说缘起教，于彼大师我敬礼。
ཕན་མཛད་ཁྱོད་ཀྱིས་འགྲོ་བ་ལ། །
སྨན་པའི་སླད་དུ་བཀའ་བསྩལ་པ། །
བསྟན་པའི་སྙིང་བོ་སྟོང་བ་ཉིད། །
ངེས་པའི་རྒྱུ་མཚན་ཟླ་མེད་པ། །
恒作饶益者，为益众生故，
说教藏空性，无比决定因。
རྟེན་ཅིང་འབྲེལ་བར་འབྱུང་བའི་ཚུལ། །
འགལ་བ་དང་ནི་མ་གྲུབ་པར། །
མཐོང་བ་འདི་ཡིས་ཁྱོད་ཀྱི་ལུགས། །
ཇི་ལྟར་ཁོང་དུ་ཆུད་པར་ནུས། །
谓缘起道理，见相违不成，
此于尊教法，如何能了知。
ཁྱོད་ནི་ནམ་ཞིག་སྟོང་བ་ཉིད། །
རྟེན་འབྱུང་དོན་དུ་མཐོང་བ་ན། །
རང་བཞིན་གྱིས་ནི་སྟོང་བ་ན། །
བྱ་བྱེད་འཐད་པའང་མི་འགལ་ཞིང༌། །
尊许若时见，空即缘起义，
性空与成立，作所作无违。
དེ་ལས་ལྡོག་པར་མཐོང་བ་ན། །
སྟོང་ལ་བྱ་བ་མི་རུང་ཞིང༌། །
བྱ་དང་བཅས་ལ་སྟོང་མེད་པས། །
ཉམ་ངའི་གཡང་དུ་ལྟུང་བར་བཞེད། །
若见反彼者，空则用不成，
有用则无空，堕苦恼险处。
དེ་ཕྱིར་ཁྱོད་ཀྱི་བསྟན་པ་ལ། །
རྟེན་འབྱུང་མཐོང་བ་ལེགས་པར་བསྔགས། །
དེ་ཡང་ཀུན་ཏུ་མེད་པ་དང༌། །
རང་བཞིན་གྱིས་ནི་ཡོད་པས་མིན། །
是故于尊教，极赞见缘起，
彼亦非皆无，及以自性有。
ལྟོས་མེད་ནམ་མཁའི་མེ་ཏོག་བཞིན། །
དེས་ན་མ་བརྟེན་ཡོད་མ་ཡིན། །
ངོ་བོས་གྲུབ་ན་དེ་འགྲུབ་པ། །
རྒྱུ་དང་རྐྱེན་ལ་ལྟོས་པ་འགལ། །
无待如空花，故无依非有，
若性有彼生，待因缘相违。
དེ་ཕྱིར་བརྟེན་ནས་འབྱུང་བ་ལས། །
མ་གཏོགས་ཆོས་འགའ་ཡོད་མིན་པས། །
རང་བཞིན་གྱིས་ནི་སྟོང་བ་ལས། །
མ་གཏོགས་ཆོས་འགའ་མེད་པར་གསུངས། །
是故离缘起，更无有少法，
故说离性空，亦无有少法。
རང་བཞིན་ལྡོག་པ་མེད་པའི་ཕྱིར། །
ཆོས་རྣམས་རང་བཞིན་འགའ་ཡོད་ན། །
མྱ་ངན་འདས་པ་མི་རུང་ཞིང༌། །
སྤྲོས་ཀུན་ལྡོག་པ་མེད་པར་གསུངས། །
若法有自性，则说无涅盘，
及无戏论灭，自性无灭故。
དེ་ཕྱིར་རང་བཞིན་རྣམ་བྲལ་ཞེས། །
སེང་གེའི་སྒྲ་ཡིས་ཡང་ཡང་དུ། །
མཁས་པའི་ཚོགས་སུ་ལེགས་གསུངས་པ། །
འདི་ལ་སུ་ཡིས་འགོང་བར་ནུས། །
故于智众中，发大狮子吼，
数唱离自性，善说谁能难。
རང་བཞིན་འགའ་ཡང་མེད་པ་དང༌། །
འདི་ལ་བརྟེན་ནས་འདི་འབྱུང་བའི། །
རྣམ་གཞག་ཐམས་ཅད་འཐད་པ་གཉིས། །
མི་འགལ་འདུ་བ་སྨོས་ཅི་དགོས། །
况无少自性，及依此此生，
建立皆成立，二不违随顺。
བརྟེན་ནས་འབྱུང་བའི་རྒྱུ་མཚན་གྱིས། །
མཐར་ལྟ་བ་ལ་མི་བརྟེན་ཞེས། །
ལེགས་གསུངས་འདི་ནི་མགོན་ཁྱོད་ཀྱི། །
སྨྲ་བ་བླ་ན་མེད་པའི་རྒྱུ། །
即由缘起因，说不依边见，
此善说即是，尊无上说因。
འདི་ཀུན་ངོ་བོས་སྟོང་བ་དང༌། །
འདི་ལས་འདི་འབྲས་འབྱུང་བ་ཡི། །
ངེས་པ་གཉིས་པོ་ཕན་ཚུན་དུ། །
གེགས་མེད་པར་ནི་གྲོགས་བྱེད་པ། །
此皆自性空，缘此此果起，
二决定更互，无障为助伴。
འདི་ལས་ངོ་མཚར་གྱུར་བ་དང༌། །
འདི་ལས་རྨད་དུ་བྱུང་བ་གང༌། །
ཚུལ་འདིས་ཁྱོད་ལ་བསྟོད་ན་ནི། །
བསྟོད་པར་འགྱུར་གྱི་གཞན་དུ་མིན། །
除此更有何，为甚奇希有，
以此理赞尊，成赞非由余。
རྨོངས་པས་བྲན་དུ་བཟུང་བ་ཡིས། །
གང་ཞིག་ཁྱོད་དང་ཞེ་འགྲས་པ། །
དེ་ཡིས་རང་བཞིན་མེད་པའི་སྒྲ། །
མི་བཟོད་གྱུར་ལ་མཚར་ཅི་ཡོད། །
若有为愚使，与尊作仇隙，
彼不忍无性，妙声有何奇。
ཁྱོད་ཀྱི་གསུང་གི་གཅེས་པའི་མཛོད། །
བརྟེན་ནས་འབྱུང་བ་ཁས་བླངས་ནས། །
སྟོང་ཉིད་ང་རོ་མི་བཟོད་པ། །
འདི་ལ་ཁོ་བོ་ངོ་མཚར་གྱུར། །
若受行尊语，珍藏缘起法，
不忍空性吼，我说此为奇。
རང་བཞིན་མེད་ལ་བཀྲི་བའི་སྒོ། །
བླ་མེད་རྟེན་ཅིང་འབྲེལ་འབྱུང་གི །
མིང་ཉིད་ཀྱིས་ནི་རང་བཞིན་དུ། །
འཛིན་ན་ད་ཀོ་སྐྱེ་བོ་འདི། །
缘起是无性，无上引导门，
若即由彼名，反执有自性。
འཕགས་མཆོག་རྣམས་ཀྱིས་ལེགས་བགྲོད་པའི། །
འཇུག་ངོགས་ཟླ་དང་བྲལ་གྱུར་པ། །
ཁྱོད་དགྱེས་གྱུར་པའི་ལམ་བཟང་དེར། །
ཐབས་གང་གིས་ནི་བཀྲི་བར་བྱ། །
今有何方便，导彼众生趣，
胜圣善行阶，无比尊喜道。
རང་བཞིན་བཅོས་མིན་ལྟོས་མེད་དང༌། །
རྟེན་འབྲེལ་ལྟོས་དང་བཅོས་མ་གཉིས། །
ཇི་ལྟ་བུ་ན་གཞི་གཅིག་ལ། །
མི་འགལ་འདུ་བ་ཉིད་དུ་འགྱུར། །
自性无作待，缘起有待作，
何能于一事，二无违和顺。
དེ་ཕྱིར་བརྟེན་ནས་འབྱུང་བ་གང༌། །
རང་བཞིན་གྱིས་ནི་གདོད་མ་ནས། །
རྣམ་པར་དབེན་ཡང་དེར་སྣང་བས། །
འདི་ཀུན་སྒྱུ་མ་བཞིན་དུ་གསུངས། །
故说缘起法，虽自性本离，
然似彼显现，此皆如幻事。
ཁྱོད་ཀྱིས་ཇི་ལྟར་བསྟན་པ་ལ། །
རྒོལ་བ་འགས་ཀྱང་ཆོས་མཐུན་དུ། །
གླགས་མི་རྙེད་པར་གསུངས་པ་ཡང༌། །
འདི་ཉིད་ཀྱིས་ནི་ལེགས་པར་འཁུམས། །
说如尊所教，无有少敌者，
能如法求过，善达即由此。
ཅི་སླད་ཅེ་ན་འདི་བཤད་པས། །
མཐོང་དང་མ་མཐོང་དངོས་པོ་ལ། །
སྒྲོ་འདོགས་པ་དང་སྐུར་འདེབས་ཀྱི། །
གོ་སྐབས་རིང་དུ་མཛད་ཕྱིར་རོ། །
何故由说此，于见不见事，
远离增益执，及损灭过故。
ཁྱོད་ཀྱི་སྨྲ་བ་ཟླ་མེད་པར། །
མཐོང་བའི་རྒྱུ་མཚན་རྟེན་འབྱུང་གི །
ལམ་འདི་ཉིད་ཀྱི་གསུང་གཞན་ཡང༌། །
ཚད་མར་གྱུར་བར་ངེས་པ་སྐྱེ། །
缘起道因相，见尊说无比，
由此证余语，是量起决定。
དོན་བཞིན་གཟིགས་ནས་ལེགས་གསུངས་པ། །
ཁྱོད་ཀྱི་རྗེས་སུ་སློབ་པ་ལ། །
རྒུད་པ་ཐམས་ཅད་རིང་དུ་གྱུར། །
ཉེས་ཀུན་རྩ་བ་ལྡོག་ཕྱིར་རོ། །
见如义善说，有随尊学者，
衰损皆远离，灭众过根故。
ཁྱོད་ཀྱི་བསྟན་ལས་ཕྱིར་ཕྱོགས་པས། །
ཡུན་རིང་ངལ་བ་བསྟེན་བྱས་ཀྱང༌། །
ཕྱི་ཕྱིར་སྐྱོན་རྣམས་བོས་པ་བཞིན། །
བདག་ཏུ་ལྟ་བ་བརྟན་ཕྱིར་རོ། །
由背尊圣教，虽久依疲苦，
后后过如呼，我见坚固故。
ཨེ་མའོ་མཁས་པ་འདི་གཉིས་ཀྱི། །
ཁྱད་པར་ཁོང་དུ་ཆུད་གྱུར་བ། །
དེ་ཚེ་རྐང་གི་ཁོང་ནས་ནི། །
ཁྱོད་ལ་ཅི་ཕྱིར་གུས་མི་འགྱུར། །
希有诸智者，善达此二别，
尔时于圣尊，岂不从髓敬。
ཁྱོད་གསུང་དུ་མ་ཅི་ཞིག་སྨོས། །
ཆ་ཤས་རེ་ཡི་དོན་ཙམ་ལའང༌། །
འོལ་སྤྱི་ཙམ་གྱི་ངེས་རྙེད་པ། །
དེ་ལའང་མཆོག་གི་བདེ་བ་སྟེར། །
纵于一分义，得少许决定，
尚与彼胜乐，况尊众多说。
ཀྱི་ཧུད་བདག་བློ་རྨོངས་བའི་བཅོམ། །
འདི་འདྲའི་ཡོན་ཏན་ཕུང་བོ་ལ། །
རིང་ནས་སྐྱབས་སུ་སོང་གྱུར་ཀྱང༌། །
ཡོན་ཏན་ཆ་ཙམ་མ་འཚལ་ཏོ། །
噫愚坏我慧，于如此德聚，
虽曾久皈依，未知德少分。
འོན་ཀྱང་འཆི་བདག་ཁར་ཕྱོགས་པའི། །
སྲོག་གི་རྒྱུན་ནི་མ་ནུབ་བར། །
ཁྱོད་ལ་ཅུང་ཟད་ཡིད་ཆེས་པ། །
འདི་ཡང་སྐལ་བ་བཟང་སྙམ་བགྱིད། །
然幸将近终，命相续未没，
于尊略生信，想此亦善根。
སྟོན་པའི་ནང་ན་རྟེན་འབྲེལ་སྟོན་པ་དང༌། །
ཤེས་རབ་ནང་ན་རྟེན་འབྲེལ་ཤེས་པ་གཉིས། །
འཇིག་རྟེན་དག་ན་རྒྱལ་བའི་དབང་པོ་བཞིན། །
ཕུལ་བྱུང་ལེགས་པར་ཁྱོད་མཁྱེན་གཞན་གྱིས་མིན། །
说中缘起说，慧中缘起智，
二如世胜王，尊善知非余。
ཁྱོད་ཀྱིས་ཇི་སྙེད་བཀའ་བསྩལ་བ། །
རྟེན་འབྲེལ་ཉིད་ལས་བརྩམས་ནས་འཇུག །
དེ་ཡང་མྱ་ངན་འདའ་ཕྱིར་ཏེ། །
ཞི་འགྱུར་མིན་མཛད་ཁྱོད་ལ་མིན། །
尽尊所垂教，依缘起性转，
彼为涅盘故，尊无不趣寂。
ཀྱེ་མའོ་ཁྱོད་ཀྱི་བསྟན་པ་ནི། །
གང་གི་རྣ་བའི་ལམ་སོང་བ། །
དེ་དག་ཐམས་ཅད་ཞི་འགྱུར་ཕྱིར། །
ཁྱོད་བསྟན་འཛིན་པར་སུ་མི་གུས། །
美哉尊圣教，随至谁耳道，
彼皆趣寂故，尊教谁不持。
ཕས་རྒོལ་མཐའ་དག་འཇོམས་པ་དང༌། །
ལྟག་འོག་འགལ་འདུས་སྟོང་བ་དང༌། །
སྐྱེ་རྒུའི་དོན་གཉིས་སྟེར་བྱེད་པ། །
ལུགས་འདིར་ཁོ་བོ་སྤྲོ་བ་འཕེལ། །
能降诸怨敌，离前后相违，
与众生二利，此教我生喜。
འདི་ཡི་ཕྱིར་དུ་ཁྱོད་ཀྱིས་ནི། །
ལ་ལར་སྐུ་དང་གཞན་དུ་སྲོག །
སྡུག་པའི་གཉེན་དང་ལོངས་སྤྱོད་ཚོགས། །
གྲངས་མེད་བསྐལ་བར་ཡང་ཡང་བཏང༌། །
尊为求此故，经于无量劫，
数舍诸身命，亲爱受用等。
གང་གི་ཡོན་ཏན་མཐོང་བ་ཡིས། །
ལྕགས་ཀྱུ་ཉ་ལ་ཇི་བཞིན་དུ། །
ཉིད་ཀྱི་ཐུགས་དྲངས་ཅོས་དེ་ནི། །
ཁྱོད་ལས་མ་ཐོས་སྐལ་བ་ཞན། །
由见何法德，如钩钓诸鱼，
能引尊意法，未亲从尊闻。
དེ་ཡི་མྱ་ངན་ཤུགས་ཀྱིས་ནི། །
སྡུག་པའི་བུ་ལ་མ་ཡི་ཡིད། །
རྗེས་སུ་སོང་བ་ཇི་བཞིན་དུ། །
བདག་གི་ཡིད་ནི་གཏོང་མི་བྱེད། །
自恨善根劣，由彼忧恼力，
我意终不舍，如母意随子。
འདི་ལའང་ཁྱོད་གསུང་བསམས་པ་ན། །
མཚན་དཔེའི་དཔལ་གྱིས་རབ་ཏུ་འབར། །
འོད་ཀྱི་དྲ་བས་ཡོངས་བསྐོར་བའི། །
སྟོན་པ་དེ་ཡི་ཚངས་དབྱངས་ཀྱིས། །
于此思尊说，相好胜晃耀，
光网遍围绕，大师妙梵音。
འདི་ནི་འདི་ལྟར་གསུངས་སྙམ་དུ། །
ཡིད་ལ་ཐུབ་པའི་གཟུགས་བརྙན་ནི། །
ཤར་བ་ཙམ་ཡང་ཚ་བ་ཡིས། །
གདུང་ལ་ཟླ་ཟེར་བཞིན་དུ་སྨན། །
此作如是说，能仁妙影像，
显现于意中，如月治热恼。
དེ་ལྟར་རྨད་དུ་བྱུང་བ་ཡི། །
ལུགས་བཟང་དེ་ཟང་མི་མཁས་པའི། །
སྐྱེ་བོ་བལ་བ་ཛ་བཞིན་དུ། །
རྣམ་པ་ཀུན་ཏུ་འཛིངས་པར་བྱས། །
于此奇胜教，诸不智众生，
周遍起纠诤，如跋缚罗草。
ཚུལ་འདི་མཐོང་ནས་བདག་གིས་ནི། །
འབད་པ་དུ་མས་མཁས་པ་ཡི། །
རྗེས་སུ་འབྲངས་ན་ཁྱོད་ཀྱིས་ནི། །
དགོངས་པ་ཡང་དང་ཡང་དུ་བཙལ། །
由见如是相，故我多励力，
随顺智者行，数求尊密意。
དེ་ཚེ་རང་བཞིན་སྡེ་བ་ཡི། །
གཞུང་མང་དག་ལ་སྦྱངས་པ་ན། །
ཕྱི་ཕྱིར་ཐེ་ཚོམ་དྲ་བ་ཡིས། །
བདག་གི་ཡིད་ནི་ཀུན་ཏུ་གདུངས། །
次于自他宗，修学众教时，
后反以疑网，遍烧恼我意。
ཁྱོད་ཀྱི་བླ་མེད་ཐེག་པའི་ཚུལ། །
ཡོད་དང་མེད་པའི་མཐའ་སྤངས་ཏེ། །
ཇི་བཞིན་འགྲེལ་བར་ལུང་བསྟན་པ། །
ཀླུ་སྒྲུབ་གཞུང་ལུགས་ཀུན་དའི་ཚལ། །
尊授记龙猛，释无上乘法，
远离有无边，教轨夜开园。
དྲི་མེད་མཁྱེན་པའི་དཀྱིལ་འཁོར་རྒྱས། །
གསུང་རབ་མཁའ་ལ་ཐོགས་མེད་རྒྱུ། །
མཐར་འཛིན་སྙིང་གི་མུན་པ་སེལ། །
ལོག་སྨྲའི་རྒྱུ་སྐར་ཟིལ་གནོན་པ། །
无垢智轮满，无碍游虚空，
除边执心暗，映邪说星宿。
དཔལ་ལྡན་ཟླ་བའི་ལེགས་བཤད་ཀྱི། །
འོད་དཀར་འཕྲེང་བས་གསལ་བྱས་པ། །
བླ་མའི་དྲིན་གྱིས་མཐོང་བའི་ཚེ། །
བདག་གི་ཡིད་ཀྱིས་ངལ་གསོ་ཐོབ། །
吉祥月善说，白光鬘照显，
由师恩见时，我意获安息。
མཛད་པ་ཀུན་ལས་གསུང་གི་ནི། །
མཛད་པ་མཆོག་ཡིན་དེ་ཡང་ནི། །
དེ་ཉིད་ཡིན་ཕྱིར་མཁས་པ་ཡིས། །
འདི་ལས་སངས་རྒྱས་རྗེས་དྲན་བྱོས། །
一切佛事中，语事为第一，
彼复因此故，智由此念佛。
སྟོན་དེའི་རྗེས་སུ་རབ་ཏུ་བྱུང་གྱུར་ཏེ། །
རྒྱལ་བའི་གསུང་ལ་སྦྱངས་པ་མི་དམན་ཞིང༌། །
རྣལ་འབྱོར་སྤྱོད་ལ་བརྩོན་པའི་དགེ་སློང་ཞིག །
དྲང་སྲོང་ཆེན་པོ་དེ་ལ་དེ་ལྟར་གུས། །
随彼大师正出家，修学胜教未退劣，
勤瑜伽行一比丘，于彼大师如是敬。
སྟོན་པ་བླ་ན་མེད་པའི་བསྟན་པ་དང༌། །
མཇལ་བ་འདི་འདྲ་བླ་མའི་དྲིན་ཡིན་པས། །
དགེ་བ་འདི་ཡང་འགྲོ་བ་མ་ལུས་པ། །
བཤེས་གཉེན་དམ་པའི་འཛིན་པའི་རྒྱུ་རུ་བསྔོ། །
遇此无上大师教，皆由尊重深恩故，
此善回施诸众生，成善知识摄受因。
ཕན་མཛད་དེ་ཡི་བསྟན་པ་འང་སྲིད་པའི་མཐར། །
ངན་རྟོག་རླུང་གིས་རྣམ་པར་མི་གཡོ་ཞིང༌། །
བསྟན་པའི་ངང་ཚུལ་ཤེས་ནས་སྟོན་པ་ལ། །
ཡིད་ཆེས་རྙེད་པས་རྟག་ཏུ་གང་བར་ཤོག །
愿利者教尽有际，不遭恶分别风动，
达圣教理于大师，获得信忍常充满。
བརྟེན་ནས་འབྱུང་བའི་དེ་ཉིད་གསལ་མཛད་པ། །
ཐུབ་པའི་ལུགས་བཟང་སྐྱེ་བ་ཐམས་ཅད་དུ། །
ལུས་དང་སྲོག་ཀྱང་བཏང་ནས་འཛིན་པ་ལ། །
སྐད་ཅིག་ཙམ་ཡང་ལྷོད་པར་མ་གྱུར་ཅིག །
愿一切生舍身命，住持能仁妙教法，
光显甚深缘起性，虽剎那顷不慢缓。
འདྲེན་པ་མཆོག་དེས་དཀའ་བ་གྲངས་མེད་ཀྱིས། །
ནན་ཏན་སྙིང་བོ་མཛད་ནས་བསྒྲུབས་པ་འདི། །
ཐབས་གང་ཞིག་གིས་འཕེལ་བར་འགྱུར་སྙམ་པའི། །
རྣམ་པར་དཔྱོད་པའི་ཉིན་མཚན་འདའ་བར་ཤོག །
愿胜导者无量难，殷重为心所成办，
由何方便令此增，昼夜专注恒思察。
ལྷག་བསམ་དག་པས་ཚུལ་དེར་བརྩོན་པ་ན། །
ཚངས་དང་དབང་པོ་འཇིག་རྟེན་སྐྱོང་བ་དང༌། །
ལེགས་ལྡན་ནག་པོ་ལ་སོགས་སྲུང་མས་ཀྱང༌། །
གཡེལ་བ་མེད་པར་རྟག་ཏུ་གྲོགས་བྱེད་ཤོག །
净胜意乐勤彼时，梵王帝释护世间，
妙黑天等护法众，恒为助伴无暂舍。
网友评论