閒话上海方言之——讲讲上海閒话中“推扳”一词

作者: 杜老倌侠客居70后欢喜写作 | 来源:发表于2019-12-17 19:34 被阅读0次

閒话上海方言之——讲讲上海閒话中“推扳”一词
閒话上海方言之——讲讲“炒冷饭”一词
閒话上海方言之——讲讲“毛脚女婿”一词
閒话上海方言之——讲讲一嗰“洋”字
讲讲上海方言閒话之——“三字经”（其三）
閒话上海方言之——说“卖相”与“卖洋”
閒话上海方言之——“总共”两嗰字哪能去讲
讲讲上海方言閒话之——“三字经”（其一）
如风往事之——上海故事閒话叫蝈蝈
讲讲上海方言閒话之——“三字经”（其二）

每嗰地方呃方言閒话（土语），有的伊独有呃特色跟精彩，只有本土长大呃人才能够领会并体验到，外来人就勿一定能去体会了。

閒话上海方言之——讲讲上海閒话中“推扳”一词

比方讲：勒拉江浙沪一带，有的两种独有呃曲艺样式，伊拉分别就是《独角戏》跟《滑稽戏》，勒拉笔者所在呃城市上海，勒拉《独角戏》跟《滑稽戏》里向，就有的一嗰比较经典呃段子，伊嗰名字就叫做：《十三人搓麻将》。勒拉《十三人搓麻将》里向，就运用了十三种地方方言閒话，有的十三人勒拉讲自家呃家乡方言閒话，迭十三嗰方言閒话分别就是：江苏江北话、江苏无锡话、江苏丹阳话、江苏常州话、江苏常熟话、江苏苏州话、浙江杭州话、浙江绍兴话、浙江宁波话、山东话、广东话、上海市区话、上海浦东话、上海崇明话。从迭嗰段子就可以看出，上海是一座邪气典型呃移民城市，以江浙两省移民人数最最多，造就了上海方言閒话是丰富多彩生动有趣活泼。

閒话上海方言之——讲讲上海閒话中“推扳”一词

上海呃方言閒话（土语）是属于“吴语”方言体系，主要还是以本地方言语言为主，还夹杂着外来呃各地方地方方言閒话，勒拉其中有一嗰词语叫做“推扳”，迭嗰词语就属于外来地方词语，辰光一长久而久之使用的交关多了，就成为了上海方言閒话（土语）了。

閒话上海方言之——讲讲上海閒话中“推扳”一词

因为“推扳”迭嗰词语是一嗰外来呃地方语词，故而就有的交关多呃江浙两地人，都勒拉讲“推扳”是吾伲家乡独有呃閒话。江苏南通地区人就会的开口去讲：“吾伲南通人就会的经常去使用迭嗰词语呃！”浙江慈溪地区人同样会的去大声讲：“迭嗰词语呃发源地就勒拉吾伲慈溪地区好伐，其他地方呃人讲是伊拉嗰家乡方言閒话，绝对是勿大正宗呃，通通勒拉冒大蒜瞎讲八讲乱话三千好伐！”……

閒话上海方言之——讲讲上海閒话中“推扳”一词

个人却是迭恁样子来认为呃，迭嗰两块地方讲的都呒错呃，“推扳”一词，覅单单是迭两块地方呃人，而且还是属于江浙沪三块地方共有共用呃。并覅存在，啥呃地区里向人是发明勒拉前头呃，啥呃地区里向呃人根本就覅是发明人啊。“推扳”迭嗰词语呃“出现”跟“发明”，个人还认为还是跟江南地区是水乡，出行全部要依靠船只，有的交关密切呃关系，因此有的交关多语汇，带有十分明显呃江南地区特色，大家口口相传，一代传一代，流传到至今，未曾败落。

閒话上海方言之——讲讲上海閒话中“推扳”一词

勒拉中华民族历史呃前进、演变跟发展全过程当中，有些行当与习俗已经消失忒了，但从中孕育出来呃词语，到了今早仔却依然还勒拉流传与流行当中哦，其中之一就是要算“推扳”迭嗰词汇了。

閒话上海方言之——讲讲上海閒话中“推扳”一词

至少勒拉现代化交通工具还呒发明之前，由于江南地区，尤其是江浙沪一带，可以讲是水网密布纵恒交错，最最方便与快速呃出行方式就要算“船只”了，基本哴向经济条件好一眼眼呃人家，都顶顶起码有的一艘船只，人人都会的去摇撸，假使勿会的去摇撸，就呒办法出行了，至少勒拉一两百年前头还是迭恁样子呃。勒拉掰搿辰光，交通基本哴向还是以水路为主，到亲眷屋里厢做人客要去乘船；跑外码头、到外面去闯世界做各类营生，需要去乘船；就算一些有铜钿人家，专门抽几天空闲期，到外头去白相相领领各地呃风土人情，同样也是迭恁样子哦！某些穷人家，也是有的各式各样呃船只哦，伊拉呃收入来源方式，就是通过摇撸、撑船跟跑运输，来维持自家呃日脚。

閒话上海方言之——讲讲上海閒话中“推扳”一词

有句老古閒话讲得好啊，曰道：“上有天堂，下有苏杭！”勒拉掰搿辰光，上海人乘船去苏州白相呃閒话，夕发朝至，夜到头出发，第贰天早哴向就能到达，还可以去省下栈房铜钿。演变到了后来，假使有上海人勒拉夜里厢，打瞌冲睏觉睏着了，吾伲就会得去讲：“侬去看看伊啊，刚刚还勒拉跟吾伲讲閒话唻，一歇歇伊到苏州去了，迭歇歇吾伲就勿要再去打扰伊了，硬劲畀伊弄醒，伊要覅开心呃，好了好了，今早仔讲閒话就结束了，到了明早仔再去讲好了！”……

閒话上海方言之——讲讲上海閒话中“推扳”一词

有的乘船呃人，自然就得有“摇船”呃人哦。“摇船”又畀叫做了“摇橹”。笔者听外公倪根生生前曾讲过迭恁一段閒话，伊讲道：“伊是正宗呃宁波镇海地区人，勒拉民国时期，因为战争等综合因素，父亲老早仔就已经故去了，只好跟伊嗰母亲陆海妹、以及大阿弟倪毛弟、小阿弟倪小弟一家四嗰人，一路逃难到上海滩哴向唻。伊最初呃生活就是做跑船摇撸营生呃，勒拉抗战还呒得结束呃辰光，某一天伊勒拉黄浦江哴向跑船摇撸呃辰光，因为呒听懂日本东洋鬼子呃閒话与指挥，伊拉就重重的畀伊喫了正反面两记耳光，所以外公对日本东洋鬼子顶顶恨了，伊讲可以简直就是恨到了骨头里向去了！”……

閒话上海方言之——讲讲上海閒话中“推扳”一词

伊继续去讲到：“勒拉‘摇橹’呃辰光，有的最最关键呃两嗰动作，伊拉分别就是指‘推艄’跟‘扳艄’，看起唻迭俩嗰动作好像是邪气简单呃，勿就是一推一扳嘛，但畀过，所要用呃力气，一定要恰到好处哦，既勿能用力过头，也勿能力气用的勿够，只有迭恁样子去做呃閒话，船只才跑的动、才会得向前行，要不然呃閒话，勿是船只跑不动，就是会得去跑偏忒，还要根据今早仔天气变化跟江面哴向风浪情况，适时呃去调整方向跟动作唻，因此‘掰搿老生活是一眼眼啊推扳勿起呃’。”……到了后来，虽然跑船摇撸迭门行当，伴随着科技呃发展与进步完全是消失忒了，但畀过，“推扳”迭嗰词语被大家保留了下唻，而且去讲呃人啊变得交关多了，就畀“推扳”迭嗰词语引申去解释了，伊嗰意思就是表示“相差”，或者“差一点”。

閒话上海方言之——讲讲上海閒话中“推扳”一词

比方讲：“由于猪瘟，有交关多呃猪肉畀屠杀忒了，伊嗰价钿，今年仔搭仔去年仔做一嗰比较，简直就要推扳的交交关关唻。”

閒话上海方言之——讲讲上海閒话中“推扳”一词

除忒笔者上述所举例呃跟“推扳”搭界呃词语语句之外，要是再去寻找呃閒话，还有的交交关关多呃跟“推扳”搭界呃词语唻。

閒话上海方言之——讲讲上海閒话中“推扳”一词

勒拉吴语方言閒话当中，“推扳”迭嗰词语原先主要是指“相差那么一眼眼”，后来被引申为“做人是比较差劲的。”比方讲：“掰搿人做人是邪气推扳呃，伊也是喫香烟呃，每趟只有看到人家勒拉发香烟畀伊喫喫，吾就从来呒看到过伊发香烟畀别人家吃过哦！”

閒话上海方言之——讲讲上海閒话中“推扳”一词

继续去讲下去，因为有了“推扳”迭嗰词语，又推出了“推扳一眼眼”，迭嗰词语意思是讲彼此间呃差距是交关小呃，就缺了那么一眼眼，就可去做到、就能够去达到了。比方讲：高考结束，小囡考试分数线跟录取分数线档次全部都出来了以后，有得俩嗰邪气要好姐妹淘相互间勒拉谈论高考问题，其中一位女性家长讲道：“高考总分是750分，阿拉囡鱼玲玲班级里小明考了675分，获得了全年组第一名，阿拉嗰囡鱼只有考了674分，竟然是推扳一眼眼，只好屈居第贰名，要是能多去考一两分，勿是跟小明侪得第一名，就是超过小明获得第一名！”另外一位女性家长讲道：“勿管哪恁去讲，侬嗰囡鱼还算好、还算邪气争气呃，考了全校第贰名，已经是算勿错哩，吾嗰尼子兴兴就勿来三了，畀侬囡鱼差的多唻，伊所要去报考嗰大学录取分数线最最低是650分，吾嗰尼子考试竟然就推扳了一眼眼，只有考了649分，离最低录取分数线就相差了一分，恐怕今年仔是难以畀录取了，侬讲要气人伐，真是让人气死忒了，为啥就覅多去考一两分！”……

閒话上海方言之——讲讲上海閒话中“推扳”一词

因为有了“推扳”迭嗰词语语汇，后来又去发明了“大推大扳”，迭嗰词语语汇有的得三层含义跟意思哦，第一层含义跟意思是勒拉讲：“原本是讲江河上摇船，橹翼左侧右侧幅度均较大。比方讲：刚刚开始学揺船呃人，为了担心橹翼汆起来，常常去大推大扳，迭能样子去摇船是交关着力呃；第二层含义跟意思是勒拉讲：与实际差距有得交关多呃相差邪气大。比方讲：实在是覅巧啊，屋里厢刷牙齿呃水龙头今年仔又坏忒了，去年啊是坏忒过呃，去调一调，普通水龙头价钿勒拉一百块铜钿以内，今年仔就覅对了，最最便宜也要勒拉两百块左右。”第三层含义跟意思是勒拉讲：比喻处理起事体唻掌握寸分还不稳当妥帖，常常会得去忽左忽右。比方讲：叫老王去做调解工作，真呃是托人托了王伯伯了，伊嗰水平也真忒大推大扳啦，伊所能提出唻呃各类方案，有些辰光交关灵光呃，有些辰光真勿晓得哪恁去做好……

閒话上海方言之——讲讲上海閒话中“推扳”一词

因为“推扳”迭嗰词语，发展到后来又推出发明了一嗰“叠词”，被叫做“推推扳扳”，伊嗰含义跟意思是勒拉讲，某些人事物情是邪气坏、是邪气勿大好呃。比方讲：小张跟老刘勒拉讨论探讨某嗰问题，小张就开口讲道：“老刘啊老刘，勿管哪恁去讲，勒拉单位里向，侬也好算老法师了，侬哪恁好去让阿三迭只赤佬模子做侬呃搭档啊，伊经常是勿二勿三，弄弄要喇叭腔呃，还常常会得去讲出各种甴曱呃閒话唻、做出一些出格与勿好呃各类事体唻，势必要牵连到侬呃，有得交交关关多呃同事们，为啥就一直都勿愿意跟伊做搭档交朋友啊，大家都勒拉讲伊做人是邪气推推扳扳呃，有了坏事体是勿大肯去承担责任呃，能压压较避避开呃就会得去溜之大吉，伊本人一旦要是耍无懒赖吉皮起来，畀单位里向任何一个人都要快哦，伊弄了勿好还要勒拉背后头，畀人家喫喫药。一旦碰到了对伊邪气勿好与勿利呃各类事体，伊通通会得去一推二六五、全部去推勒拉畀人家身哴向！”……

閒话上海方言之——讲讲上海閒话中“推扳”一词

勒拉“推扳”后头加“多少”迭嗰词语就变成了一句疑问句，伊嗰含义跟意思是勒拉讲：彼此之间究竟相差有的多少？！距离是大还是小，比方讲：男女双方勒拉轧朋友，关系交关要好到已经不分彼此了，男方看到女方虽然邪气欢喜某一样么事，由于自家呃铜钿还勿能够去买，有一眼眼犹豫不决，男方就对女方去讲道：“侬欢喜就去买好了，勿要去犹豫不决了，错过了下趟就勿一定有了，如果全部满足侬要求，还推扳多少铜钿啦？！剩下唻呃铜钿通通由吾来出！”

閒话上海方言之——讲讲上海閒话中“推扳”一词

“多少推扳”虽然跟“推扳多少” 是字组前后位调换一下，但所表达呃含义跟意思已转变为：某人为人为事是交关下作下流呃。比方讲：侬真呃是勿晓得，迭嗰歪胚子真呃是勿抲起，阿拉班组只要有了伊总归是难太平哉，伊经常性做出各类出格行为，多少推扳啷。

閒话上海方言之——讲讲上海閒话中“推扳”一词

“左推右扳”伊嗰含义跟意思是讲：一只手往里向勒拉拉，另外一只手却拼命勒拉往外头去推，常常是指留客人表面看起来是交关周到热情，讲起各类閒话唻，也是一套又一套花好稻好样样好，实际哴向是邪气虚伪、一眼眼行动也呒有呃。比方讲：有两个朋友勒拉谈论隔壁老王，其中有一嗰人就讲道：“隔壁老王迭家人家真呃是勿入眼啊，讲讲是几十年唻呃老邻居，常常开口闭口就讲，兄弟啊，侬只要有各类事体，只要是吾能够帮侬忙，閒话一句绝对是呒啥呃问题呃，嘴巴上讲得来客气唻是呒得了，真呃碰到了问题去寻伊帮一下忙，伊总归要去左推右扳推三阻四呃，还要去寻找一大堆各种理由来拒绝，讲帮忙呃关键人出差去了，顶顶起码要一嗰号头以后再好回来啊，实在是是不好意思，抱歉了，侬讲迭家人家勿要忒垃圾哦！”……

閒话上海方言之——讲讲上海閒话中“推扳”一词

“推扳”前头去增加“勿算”两嗰字伊所要表述的含义跟意思是勒拉讲：各类人事物情，只要是达到了平均以上，并能够基本通过了，就是属于还好呃一类。比方讲：小芳勒拉郊区新买了一套新别墅房子，伊拉夫妻两嗰人是白领，勒拉世界500强公司做生活，年收入加起来毛毛较起码有得五六十万，从经济条件来讲，也属勿算推扳了。

閒话上海方言之——讲讲上海閒话中“推扳”一词

“推扳”后头添加“勿起”俩嗰字，就是“推扳勿起”，伊就有两层含义跟意思，第一层意思是勒拉讲：某嗰人得到帮助或遭受损害了以后，对于各类人事物情呃发展跟影响是邪气大呃。比方讲：噶么重呃一块石头抬过去，想想老王只畀过是去扶了伊一把，对于小张来讲，真呃是推扳勿起啊，否则，估计光光依靠小张一家头去抬呃閒话，绝对是勿能去抬到底呃，弄了勿巧伊自家还会得畀弄伤忒唻。第二层意思是勒拉讲：喫亏绝对是喫勿起，不会得去勉强同意。比方讲：一塌刮子年终发了30000万块奖金，老赵自己驮了21000万块，只有分畀小张9000块，迭嗰一档样子分配方法，阿拉忖忖小张肯定是推扳勿起呃，肯定要去问老赵去总算账，迭嗰账目是勿办法去轧轧平呃。