如风往事之——閒话“罩子”

如风往事之——閒话“罩子”

        今早仔呃大多数年青小囡，恐怕就覅一定会晓得“罩子”是啥嗰么事了，假使大家用心去观察一下生活呃閒话，还会得去发现迭恁一嗰现象，到了现在使用各类罩子呃人家，逐渐变得越来越少了，几乎是呒人家再去用了，家家户户用的顶顶多呃恐怕只剩下床罩了！

如风往事之——閒话“罩子”

        记得勒拉笔者小辰光、勒拉上嗰世纪八九十年代，每家每户过日脚基本上都是邪气认真仔细呃，一些交关爱干净与整洁呃人家，尤其会得迭恁去做，但凡是认为有一眼值铜钿呃各类家当，都会去弄一嗰罩子，不单单是迭恁样子，还但凡是可以用罩子罩起来呃任何家当，也都至少会去配备一嗰罩子，真可谓是无所不罩，处处都有罩。

如风往事之——閒话“罩子”

        比方讲：勒拉上嗰世纪八九十年代呃上海滩哴向，凡是能够用罩子罩起来呃各类家当，都会得用罩子去罩一罩。大到床罩，小到台式电风扇罩子、电视机罩子、四喇叭收（录）音机罩子……屋里厢有的沙发呃人家，覅管是单人沙发，还是三人沙发，也会得去配备一嗰罩子，勒拉一般情况下头，沙发罩子都是自家量好了尺寸以后，去布店买各类零碎布头拼接起来，再用缝纫机缝补起来呃。某些经济条件稍许好一眼呃人家，就会得去买整块布料去缝补起来，迭嗰还覅好算数哦，除忒用沙发罩子罩起来以外，勒拉罩子上头或外头，还会得另外再去放一块薄薄呃垫子，单人沙发就放一块薄薄呃垫子，三人沙发放三块薄薄呃垫子，邪气考究一眼呃人家，垫子覅是用白颜色呃棉纱线结出来呃，就是用绒线结出来呃，而且有得交关多呃、心灵手巧呃上海家庭妇女，还会得去结出各式各样呃花头经跟花样经哩，棉纱线是春秋迭两嗰季节去使用呃，绒线要到了冬天家才会得去使用呃。

如风往事之——閒话“罩子”

        为啥要去用罩子罩起来呢？！就再拿沙发来举一嗰例子伐，勒拉一般情况下头，沙发是邪气覅大容易去清洗呃，大多数人家也是覅大会得去清洗沙发呃，假使一年有的一趟，已经就算是老好老好了，而且清洗了沙发以后，还覅大容易变干哦，既为了干净清爽，又为了防止沙发畀弄龌龊忒，就要去套一嗰罩子，套好了罩子以后，就变得清爽交关了，就算罩子畀弄龌龊忒了，只要是一嗰晴天，就可以随时随地拿下来汏汏清爽，一天就能晒干，到了第贰天继续可以去用。尤其一些邪气讲究清爽、清洁与卫生呃人家，交关欢喜去使用各式各样呃罩子。勒拉掰搿辰光国家执行呃是单休日政策，休息礼拜天，一到礼拜天，只要是晴天，每家每户都会的去买汏烧，汏罩子也就成为了一道风景线，交关多呃人家就会的用洗衣机汏汏各式各样呃罩子。

如风往事之——閒话“罩子”

        现在要是亲朋好友间有各类事体呃閒话，多数都是勒拉外面，或者是上饭店了，屋里厢基本哴向是不大去了，老底子由于铜钿赚的邪气少，经济覅是邪气宽裕呃，加之呒的交关多呃各类饭店，有一眼事体大多数是勒拉屋里厢，踏进了亲朋好友屋里厢以后，迭家人家干净清爽与否，吾伲光光看看伊拉屋里厢有的多少罩子就晓得了，迭家人家屋里厢罩子用的交关多呃，必定是邪气爱清爽干净呃人家哦。为啥要迭恁样子去讲呢？！只因为光光汏汏各类大大小小呃罩子，就是邪气辛苦与吃力呃一桩事体好伐，有些大呃罩子还交关重啊，屋里厢罩子交关多呃人家，就可以从另外一嗰侧面来印证，迭家人家为了有一嗰干净、整洁与清爽呃环境，“绝对是不在乎”辛苦与吃力呃！

如风往事之——閒话“罩子”

        笔者至今还能清楚的记得，勒拉掰搿辰光吾伲屋里厢也同样是使用过罩子呃，也就只有三种罩子，伊拉分别就是“三人沙发罩子”、“四喇叭收（录）音机罩子”跟“十八寸飞跃牌电视机罩子”，迭些罩子都是母亲用缝纫机一针一线踏出来呃，为了美观好看，罩子上头还贴了花，至今为止还保留着一只四喇叭收（录）音机罩子，为了便于去区分正反面，母亲就勒拉正面左右两边，各贴了一只小狗。

如风往事之——閒话“罩子”

        记得笔者勒拉实足六岁到七岁呃辰光，吾伲所居住呃房子，是问房管所借住呃低矮呃私房，每每进入到冬天家，汏浴基本哴向是呆勒拉屋里厢，勒拉当时是呒的啥呃浴霸跟淋浴器呃，全部靠烧开呃热水来汏浴呃，一般情况下头是一嗰礼拜一趟，难般会的去汏两趟，是用木制高大圆筒来汏浴呃，为了避免汏浴受冷感冒，就勒拉圆筒外头去罩一嗰加厚呃浴罩，勒拉掰搿辰光自家是汏不来浴呃，是母亲帮忙汏浴呃，每汏一趟浴，起码要用忒三到四瓶热水瓶里向呃热水……

如风往事之——閒话“罩子”

      【备注：①文章为作者原创；②各种罩子类图片均来源于网络上；最后两张罩子图片乃是作者家里使用的，一张为收录音机罩子，另一张为空调罩子；③各类文字动图图片均来源于网络上；④感谢原创图片 。】

如风往事之——閒话“罩子” 如风往事之——閒话“罩子”
如风往事之——閒话“罩子” 如风往事之——閒话“罩子”
如风往事之——閒话“罩子”
如风往事之——閒话“罩子”
如风往事之——閒话“罩子”
如风往事之——閒话“罩子”
如风往事之——閒话“罩子”
如风往事之——閒话“罩子”
如风往事之——閒话“罩子”
如风往事之——閒话“罩子” 如风往事之——閒话“罩子”
如风往事之——閒话“罩子”
如风往事之——閒话“罩子”
如风往事之——閒话“罩子”
如风往事之——閒话“罩子”
如风往事之——閒话“罩子”
如风往事之——閒话“罩子”
如风往事之——閒话“罩子”

杜老倌侠客居（陆伟）写于2019年12月18日星期二晚上