2022.11.28，晴
一则关于YQ期间复工复产既通告，扰乱全城人既心
原本应该系琴日写既日记，挪到今日，系因为琴日终于得闲码字既时候突然收到公众号信息推送，系新增确诊同无症状感染者数字高居不下既情况底下，全城有序开始复工复产。
咁意味住咩野呢？
意味住家人之间依然唔敢走动——无人探望；
意味住煮饭阿姨依然唔可以过黎——无人帮忙；
意味住队友即将出门上班——健康风险提升＆心理压力增大……
综上所述，本人即将迎来一种全新既生活模式——真·独自生活＆独自凑b。
其实霖深一层，队友居家办公既呢段日子，虽然煮饭阿姨无黎，但系卫生基本上系自己搞噶（除佐洗碗），b基本上系自己凑噶（除佐我要出门做HS需要对方留守），所以差别其实都唔大，但系点解我依然会觉得有点恐慌？
因为生理上既疲惫永远无心理上既荒芜咁折磨人。
无错，每日事情超多，做到自己好似永动机一样不停运转——但系躯壳在转、灵魂却停摆。无时间阅读、无时间写作、无时间进修、无时间赚钱……我唔知道其他妈妈点样系凑b既日子里面搵到自己既价值，反正我搵唔到……每日成长进步既系bb，反观妈妈却系停滞不前；如今加上YQ助攻，封控围蔽；真系有种遗世而独立既感觉……
一年又一年，跟住既路究竟应该点行
感恩遇见，感谢陪伴
收到黎自简书既感谢，事实上应该系我，需要感谢呢个平台——呢度系我既树洞，系我心灵既避风港。
原来咁快又一年了，又系碌碌无为既一年。产假会系过年前结束，未知过年之后，我可以明确知道自己接落黎应该行去边未？
网友评论