文摘/春回大地
1.是赚头：利润部分。
例句：我进了唔少时下紧俏商品，勒勒外头设摊，因为末事便宜，宁宁用得上，我卖东西，呒（没有的意思）门面租赁费，呒水电煤费用，阿呒宁工费，唔用雇小工，用额仅是晨光，而我有的是晨光，所以我卖末事，因为进货便宜，成本就是进货价，没有其他费用成本，我进额男式棉袜，一打三双，一打是三元，我卖出是五元，格之间两块额差价就是赚头，利润高伐，呵呵。
2.硬脚头：凌空劲射。
例句：嘿，格额银来赛额，一记硬脚头，就拿球踢进了银家球门。
3.叫炒头：热炒小菜。
例句：以前额宝通路，住了伊面搭额朋友，福气好了唔得了，宝通路一长流路朗厢，唔是五金店，就是二手货店铺，而最多额则是小吃店，堂切加外卖，我额一个好友姓王，就住勒勒伊面，我每次去前会事先打额电话告知一下，某天早郎厢我事先打了电话，随后是换乘两辆公交车到站后，走额几百步到了伊拉门口，伊是住了两楼，于是我仰头朝楼朗厢喊了一声，阿王，我是阿慧 ，我到了，侬下来，几秒后得到回应，好好好，我马上下来，几分钟后，听到楼梯上传来踏踏踏声，一会儿阿王是一路小跑了下来，看到我后，阿王脱我讲，我乃呒啥准备，唔想买菜烧了，烦唔（不）过，讲阿拉格搭附近的小切店，是多得来造造翻翻（很多），我赞老熟，阿拉先去兜一圈，买埃熟菜，我讲好额，于是由阿王带路，先到一爿（一家）熟食店买了埃蜜汁烤麸、金针菇烧花生米，猪耳朵，芝麻海苔菜，买好后阿王与我直接回家，待坐定后，阿王问我，侬忌口伐，我讲我唔忌口，于是阿王讲，格搭有一家小切店，就勒勒阿拉隔壁，伊拉额炒菜米道邪气好，价钿阿老便宜，品种阿唔少，格我就叫炒头了，是随叫随送，我讲随侬，好嘞，只见阿王拿起坐机，哒哒哒连拨几个号码，嘟，嗯，电话通了，阿王对着电话讲，“周老板，我是侬隔壁二楼额阿王啊，侬脱我送几样热炒，番茄炒蛋，清炒鳝丝，咖喱鸡块，噢，拿店里田螺有伐，听到电话那头有男声额声音讲，有额有额，阿王讲格么阿拔我炒一盆，就格四样菜，侬脱我送来，送到后付侬板板（钞票），那头讲，呒问题，侬等了隑，刻把钟后，我让银（人）送来，阿王讲谢谢了，周老板，那头银讲，赞是邻居、老朋友了，唔用谢额，哈哈哈，只听听筒放下搁的一声音，之后呒多久，只听门外木梯想起蹬蹬蹬地走路声，一会儿听到门口有敲门声与喊话，老王勒勒伐，老王应了声，勒隑，老王开了门，只见小切店伙计，双手托了个放满菜的塑木盘，交与阿王，阿王接过后并付了铜钿，伙计讲谢谢王老板，接着阿王拿出事先买好额啤酒，是三得利，有交关了，阿王讲，就尽吃唔动气，唔够叫送，菜唔够阿叫送，我讲阿王 ，那格搭生活真是便利啊，阿王讲是额是额，赞伐，我讲忒赞了，接着阿拉是啤酒板板（吃吃），菜切切，嗯，我随便点了几样切切，嗯，唔错，随后两个人是一顿猛夯（吃）嗯，呒多少晨光，只见台子上额菜，拔阿拉两噶头全部夯光，我讲拿隔壁周老板额菜，米道确实唔错，是老好，下趟再切，之后我看到阿王拿盘、碟、筷及塑料小调羹全部放在塑木盘中，我讲哪能回事体啊，阿王讲，我等歇拿托盘罢了们外头灶台上，小切店额伙计，会来收额，阿拉碗筷阿唔要汏了，我讲是伐，格服务忒好了，忒到位了，真让银开心，真让银惬意额，日脚好过额，呒障，哈哈哈。
4.绕山头：反复唠叨。
例句：罗工，我有事体先走一步，侬等一些走额晨光，唔要忘记脱电源切断，门窗关关好，我讲，小王侬哪能又绕山头了啊，侬已经讲了好几遍了啊，银唔大，记性嘎差，像饭泡粥一样，小王讲，罗工，我呒恶意的，我讲我晓得了，谢谢了。
5.叫找头：大票找零。
例句：老遭子额晨光，勒勒微信支付，支付宝支付大家赞呒用了，哪怕是超市还呒启用电子支付系统，格能噶一来，如果阿里一天我拿了一张百元大钞，去小超市，我脱营业员讲，我要买一包餐巾纸，营业员听后马上拿了一包餐巾纸拔我，随后我拿出一张百元大钞拔伊，营业员讲我呒拉头分（零钱），找唔开（没有办法找零），侬自己想办法叫找头去伐，我一听格能，阿是戆特，因为格额营业员，我脱（与）伊唔熟，否则我好讲让侬帮我垫一垫好伐，我等歇歇还拔侬，呵呵，因为我唔认得伊，只好自己想办法了…。
6.魂灵头：虚无缥缈。
例句：已到中朗厢近12钟额晨光，当我看到小周一噶头坐了隑椅子上，嘴巴里勒勒吧唧吧唧末事切了老起劲额晨光，我是足足看了伊几分钟，嗯，呒反应，格记我是光火了，我冲了小周高声额讲了一句，“小周，侬哪能回事体啊，小周听了讲，罗工侬寻我做啥，我讲格句闲话应该我来问侬，我气齁齁（不舒服）额讲，11点敲过额晨光，侬讲侬要出去买快餐，我讲，侬阿拔我带一份，我记得侬还特意问我，侬要切啥，我回答侬讲，我要一份咖喱牛肉，一只荷包蛋，一只西来花，侬回答我讲好额，”小周讲，噢，唔好意思，我忘记特哉，我讲侬啊，肯定了隑想啥额心事伐，魂灵头落特了啊，唉，我是无语，我讲我自己出去买伐，小周讲，我答应侬额事体呒做到，是我唔好，今遭子格顿中饭算我请侬，我买单，我讲唔需要，唔需要额，我领情了，小周讲真难为情啊，罗工，我笑着对小周讲，侬下趟子再唔好开大兴了（吹牛）、寻开心了啊，呵呵。
7.老搭头：长期合作的伙计。
例句：格额银（这个人）是我额老搭头，阿拉是几十年额老搭档了。
8.是推头：寻找借口。
例句：侬答应了我额事体，是可以做特额，现在却唔做了，勒勒寻找各种理由，格是推头，让银唔爽额。
9.放码头：放人一码。
例句：有趟子，我乘54路公交车去某地办事体，当车子开到一半时，我看到车厢里有一个约莫十五岁左右额小青年，用两只手指头伸向银家口袋，我对伊讲，小鬼（ju)，赶快收手，我会放码头，放侬一码，否则捉牢侬，关侬进去，小鬼听了吓死，马上收手，到了下一站门一开，赶快滑脚（逃离）。
10.挂名头：滥竽充数。
例句：以前额晨光，带执法性质的公营单位效益比较好，做领导的如果私心重额，会叫自家小姊妹或小兄弟，签个短期合同，临时入职，或空挂名头几银，到时让银代领薪水（也就是吃空饷的现象），格能一来，时间一长，肥了个银，国家受损，此现象现已杜绝（所有事业单位在编人员的薪资及奖金的发放均严格按照国家对应的相关标准，按人头发放，再唔要想搞花头了）。
网友评论