ཉི་མའི་འོད་ཟེར་འཕྲོ་སའི་རྒྱང་ཕྱོགས་ཀྱི། །
རི་ཆུ་གྲངས་མེད་ཅིག་གི་ཕ་མཐའ་ན། །
འཛུམ་མདངས་བདག་ལ་བཞད་པའི་མི་ཞིག་ཡོད། །
དྲང་མོར་བཤད་ན་སྙིང་གི་མཛའ་བོ་ཡིན། །
ལོ་ཟླ་སོར་མོས་བགྲང་བའི་རེ་སྒུག་ཁྲོད། །
དྲན་གདུང་ལུས་ལ་འཐིམ་པའི་དཀའ་ཚེགས་བར། །
རྨི་ལམ་བདག་ལ་གཏོང་བའི་མི་ཞིག་ཡོད། །
ཡིན་རྒྱུ་ངོ་མ་སེམས་ཀྱི་མཛའ་གྲོགས་ཡིན། །
འཇིག་རྟེན་ཁྲ་ཁྲ་འདི་ཡི་ཁམས་སྟེང་ན། །
དུས་རབ་འགྱར་འགྱུར་ཁྲོད་ཀྱི་འཁོར་བར་ནས། །
འདང་བརྩེ་བདག་ལ་ཟབ་པའི་སྙིང་ཞིག་ཡོད། །
ཡིན་རྒྱུ་ངོ་མ་བདག་གི་ཁོ་བོ་ཡིན། །
ཁྱེད་དང་མཐུན་པའི་ལོ་ཟླའི་ཁོར་མོ་རུ། །
ཁེར་རྐྱང་མིན་པས་ཚོར་བའི་སེམས་རྩ་སྐྱིད། །
ཚེ་སྲོག་ཕྲ་མོས་གཞུང་རྟ་མ་ཆད་ན། །
ངང་གིས་ཁྱེད་ལ་བསྒུག་པའི་འདུན་པ་མཆིས། །
འཇམ་ཤའི་ཚ་དྲོད་རི་ཆུས་བཀག་ན་ཡང་། །
སེམས་པ་ལྡོམ་པོ་ཁྱེད་ཀྱི་པང་ན་ཡོད། །
ཚེ་འཕྲོ་འདི་ཡི་ལས་དབང་མ་རྫོགས་པར། །
བདག་གི་བརྩེ་བ་ཁྱེད་ཀྱི་རུམ་ནས་རྒྱུ། །
网友评论