如风往事之——再话关于剃头发迭桩事体

作者: 杜老倌侠客居70后欢喜写作 | 来源:发表于2021-01-20 12:27 被阅读0次

如风往事之——再话关于剃头发这件事情
如风往事之——再话关于剃头发迭桩事体
如风往事之——閒话关于剃头发迭桩事体
如风往事之——閒话关于写信迭桩事体
如风往事之——閒话“关于回忆”迭桩事体
如风往事之——閒话“零拷”迭桩事体
如风往事之——閒话热水瓶（壶）迭桩事体
如风往事之——讲讲钞票迭桩事体（方言文章）
【九洲芳文】如风往事之——閒话“零拷”迭桩事体
如风往事之——闲话关于剃头发这件事情

【九洲芳文】

勒拉老底子，笔者去写过两篇搭剃头发有得关系呃文章，迭嗰两篇文章分别就是——《如风往事之——閒话关于剃头发迭桩事体》搭《如风往事之——閒话剃头发外一篇》，自家觉着还有得一眼眼意犹未尽呃咪道勒拉里向，还有閒话好去讲讲，决定再继续写一篇。

国语当中呃“理发”迭两嗰字眼，勒拉上海方言閒话当中，就会得畀演变成为三组词语，有得三种讲法，迭嗰三种讲法意思是一色似样呃，伊拉分别就是：“剃头发”、“剪头发”搭“打（汏）头”。

本人是土生土长呃上海人，又出生勒拉上嗰世纪呃70年代末期，因此就畀大家称之为“70后”。自家对于剃头发迭桩事体，记忆最最清爽呃就是——但凡是搭笔者年龄相仿、差覅大多呃一代人，覅晓得到底是出于啥呃原因，侪都是邪气厌恶并讨厌剃头发迭桩事体呃，每趟仔只要是到嘞要去剃头发呃辰光，覅是哭就是闹，也会去采用一哭二闹三上吊呃手法，反正是无所覅用其极，恁够去逃之夭夭呃，就会得去尽自家最大呃一嗰可恁，去逃避剃头发迭桩事体，本人也同样是迭恁样子呃，由于勒拉掰搿辰光本人是一眼眼也覅懂事体呃，为嘞逃避剃头发迭桩事体，还去上演过全武行，曾经还有“消地光”呃举动，“消地光”迭嗰词语是上海崇明、江苏启东、江苏苏北等地区呃方言俚语词语，伊呃意思通常讲小囡勒拉地哴耍赖、打滚覅肯起唻。

覅管吾伲哪恁去吵闹，到最后辰光还是要乖乖呃畀头发去剃忒，即便是迭恁样子，只要每趟仔勒拉剃头发呃前头，吾伲照样会得故伎重演，一趟又一趟、反反复复呃，好像闹腾已然成为嘞一种家常便饭似呃，凡是伊嗰年代出生呃小囡，基本哴向侪经历过迭种状况。

仍旧是记忆犹新呃一桩事体，当自家长大嘞、懂得嘞各种事体以后，勒拉刚刚跑到理发店去剃头发呃辰光，剃头老师傅自会得畀所使用呃工具——手动剃头推子，勒拉畀每一嗰顾客剃头发呃前头，伊拉既会得畀手动剃头推子上头去加一眼眼油，还会得去反反复复呃捏放勒拉手里向呃手动剃头推子，还要让伊发出嘎哒嘎哒、油润呃声响，伊拉迭恁做呃目的就是要去试试剃头推子，到底好覅好去使用，唯有当剃头师傅觉着好去使用呃辰光，侪会安心呃畀顾客去剃头发。

自家勒拉使用手动剃头推子剃头发呃日脚里向，有得一半呃次数则是由屋里呃亲眷、邻居以及母亲呃同事剃头发呃，有三姨妈倪金英、三表姐夫张征西、曾经呃老邻居陈刚大哥搭母亲呃同事张景勇。

但畀过，手动剃头推子，辰光一长久而久之，也会出现问题呃，迭嗰问题就是——要是经常性去使用，会得发生夹头发呃覅好现象，迭种夹头发呃现象，覅只是有得一两趟哦，而是频繁呃会去发生夹头发呃现象，也有可恁是小囡覅愿意去理发店剃头发呃原因之一。

假使讲，频繁呃去发生夹头发迭种现象，绝对是邪气痛呃，而且还是邪气结棍呃，因为疼痛得邪气厉害、邪气结棍呃缘故，因此讲，同样是久而久之辰光一长，对于迭种疼痛感觉，勿单单会得去产生一种莫名呃恐惧心理，还会得去形成一种恶性循环，从而导致嘞，覅管是勒拉剃头发呃前头，还是勒拉剃头发呃全过程当中，小囡眼扳数要去闹腾一番，从开场一直到全部结束嘞以后，侪会得停止闹腾。

自家还会得去认为，还有迭恁一种情况，同样也是导致有得交关多呃小囡覅大愿意去剃头发，勒拉剃头发呃前头、勒拉剃头发呃全过程当中，要好好较去闹腾一番。勒拉小囡看唻，剃头发呃辰光是交关漫长呃，简直有得“度秒如年”呃感觉，还假使碰着交关难剃呃头发，辰光自会得畀拉得更加长，迭种感觉也会得随之演变得越唻越强烈，又好似自家勒拉受到刑罚搭惩罚一样，还加之，勒拉剃头发呃全过程当中，时覅时有得短头发会得碰到身哴向呃各嗰部位，既会得让人感觉到浑身上下痒西西呃，还会得让人觉着一眼眼也覅自由自在。

等到自家再大一眼呃辰光，每趟仔去理发店剃头发，已经开始逐渐去使用电动剃头推子嘞，勒拉掰搿辰光里向，电动剃头推子侪都是佩带有一条长长呃电线呃，可以搭手动呃剃头推子混合勒拉一道去使用呃。自从有嘞电动剃头推子以后，自然要比手动剃头推子，唻得方便省力得交关多。但畀过，尽管手动剃头推子要费劲得交关多，有得一些手艺邪气好呃老师傅，伊拉还是坚决会去使用手动剃头推子。笔者也曾经向迭些剃头老师傅去咨询过，为啥要迭恁样子去做时，伊拉就会得开口讲到，自家唯有去使用手动剃头推子，侪恁够体现出自家呃剃头水平，就是因为手动推子要比电动呃难度要高出交关多！

还有呃就是，当手动剃头推子搭电动剃头推子，勒拉一道混合去使用呃日脚里向，假使讲有得男性，或者有得男小囡去理发店剃板刷头，即剃平顶头呃辰光，眼扳数要去汏一下头呃，【备注：勒拉笔者所在呃城市上海，一律畀“洗头（发）”叫做嘞“汏头（发）”。】等到汏好嘞头发以后，理发老师傅还要去整理修整一下呃，看看顾客呃头哴向是否依旧会有得高低覅平整呃地方，最后要唻一次修整，有一些老师傅侪会得去使用电动剃头推子，畀客户好好较去修整修整。

到嘞后末唻，理发店全面去普及推广使用电动剃头推子以后，手动剃头推子几乎可以讲是绝迹嘞。去使用电动剃头推子，一直侪有得鸣鸣呃声响，而且伴随着迭种声响，随时随地会发生夹头发呃现象搭产生呃恐惧心理，会跟着一道消失，倒并覅是讲电动剃头推子，覅会发生夹头发呃现象，难板也是会有呃，几乎可以讲是忽略不计。

或许，正是因为电动剃头推子，伊一直会得去发出鸣鸣声响呃原因，伊就好像是勒拉演奏一首邪气悦耳动听呃催眠乐曲一样，就勒拉某一些辰光里向，一边剃着头发，一边还自会得让人去昏昏欲睡唻。一旦碰着迭种情况以后，有一些剃头老师傅，用覅着去讲点啥呃，还会得时覅时呃去叫醒顾客，希望顾客勒拉剃头发呃全过程当中，千万覅要去打啥呃瞌充，之所以要迭恁样子去做，就是生怕勒拉剃头发呃全过程当中，去发生嘞不应该去发生呃各类事体，到辰光就讲大覅清爽嘞，也就覅恁去分辨责任，到底是啥人对，啥人是错忒嘞……

手动剃头推子却覅是迭恁样子呃，伊绝对是呒得迭种功效呃，勿单单是呒得迭种功效呃，而且伊每一趟仔发出唻嘎哒嘎哒呃响声，自会得让一些唻剃头发呃顾客们，时时刻刻呃去心生一股警惕之心，是全然呒得任何睡意呃，始终是睏大覅着呃，就是要去防止出现夹头发迭种邪气覅大好呃现象，一旦迭种现象出现得交关多呃辰光，去理发店剃头呃顾客，还会得向剃头老师傅们去理论一番，有些理发师傅晓得手动剃头推子是覅大灵光嘞，还呒等到顾客先开口去讲閒话呃前头，道歉声音先讲嘞前头，就是希望恁够获得理发顾客呃谅解。