如风往事之——闲话“毛脚女婿”（方言故事）

如风往事之——闲话“毛脚女婿”（方言故事）

        “女婿”一词顾名思义自然就是指“女儿的丈夫”咯，其最早的出处来源于《史记·李斯列传》中，文中这样曰道：“赵高教其女婿咸阳令阎乐劾不知何人贼杀人移上林。”勒辣笔者所在的城市上海，有一种特有的文化与习惯，将那些“虽然还么正式转正”，但是已经被“列入准女婿”行列额女儿的对象，一律都叫做“毛脚女婿”。

如风往事之——闲话“毛脚女婿”（方言故事）

        勒辣上海一般情况而言，习惯于把“岳父岳母”称之为“丈母娘丈人老头”，格么为啥“丈母娘跟丈人老头”要称未来额女婿为“毛脚女婿”呢？！叠额是因为勒辣伊拉眼里看来，能够让自家额女儿带男方上门，基本上算是认可女儿的对象了，但是还要经过一段时间的考察，初次上门见面时，必定是个愣头青小伙子“毛手毛脚”额。

如风往事之——闲话“毛脚女婿”（方言故事）

      之所以要把“未来额女婿”一律叫做“毛脚女婿”，还跟大闸蟹有一定额关系，因为上海人欢喜把未成熟的大闸蟹一律叫做“毛脚蟹”，“毛脚”就是意味着还比较生嫩，还显得勿大成熟稳重，多少还有一眼眼毛毛糙糙，故而把刚刚上门额女婿叫做“毛脚女婿”。

如风往事之——闲话“毛脚女婿”（方言故事）

        能够让“毛脚”上门，只不过发了一张通行证而已，至于叠张通行证是一枪头就打了回票呢，还是能够多次往返额使用，就要男方是否能多多去努力努力，正所谓“革命还么成功，同志仍需努力！

如风往事之——闲话“毛脚女婿”（方言故事）

        外界一直都勒辣讲上海是个“魔都”，代表着“时髦（尚）”、“洋气”、“前卫”、“开全国风气之先河”……实质浪厢伊额骨子里还是蛮传统额，就拿“毛脚女婿”上门叠桩事体来讲伐，不单单要挑选一额好日子，而且勒辣上门前后一额礼拜左右，双方屋里厢么发生过啥额“生病”、“争吵”、“摔坏特过么事”等一系列勿大吉利额事体，那就意味着是“一个好前兆”，以后婚姻家庭必定会得幸福美满，要有额就会得“倒大霉”，一系列勿大好额事体也会得紧跟而来，假使真额是叠能样子额闲话，弄了勿好双方还会拗断分手。

如风往事之——闲话“毛脚女婿”（方言故事）

        选到了好日子，只不过是成功额开始，第一趟上门送啥额么事是比较关键额，正所谓“头炮打的好才会得有花头”，“头炮打得勿灵光是一颗哑炮”，后头事体肯定是一天世界，所以讲“毛脚女婿”头一趟上门，送啥额么事（礼物）给丈母娘丈人老头是决定性因素。

如风往事之——闲话“毛脚女婿”（方言故事）

        是人多少都有一眼眼“势力眼”额，“毛脚女婿”带啥额么事（礼物）上门，既是把未来丈母娘、丈人老头及女方亲戚看看额，同时也是做把周围额邻居看看额，所以一旦到了叠额辰光，就算男方屋里厢经济条件（实力）勿是老好额，无论如何也要把“台型扎扎好”。

如风往事之——闲话“毛脚女婿”（方言故事）

        勒辣老底子做“上门女婿”有四大件是必不可少额，叠额四大件分别是“一挺机关枪”、“两百发子弹”、“两颗手榴弹”和“一只炸药包”，经济条件稍稍好一眼额人家，会得送“四百发子弹”和“四颗手榴弹”，所谓“一挺机关枪”是指“金华火腿”；“手榴弹”是指中高档次的白酒，如：西凤酒、五粮液等等；“子弹”是指好的香烟，“炸药包”是指“奶油蛋糕”，蛋糕最好是“掼奶油蛋糕”。

如风往事之——闲话“毛脚女婿”（方言故事）

        顺便要讲清爽额是，侬勿要对蛋糕不屑一顾，要晓得勒辣老底子吃奶油蛋糕，尤其是吃“掼奶油蛋糕”，是一桩大事体，只有勒辣逢年过节、特别重要额场合才有可能吃得到，平常日子想啊勿要想！

如风往事之——闲话“毛脚女婿”（方言故事）

        勒辣当年叠额四样么事算作是标配，弄起来还算方便便当额，只不过要省吃俭用一下，基本浪厢一额普通人家，要省吃俭用一年才能办得到。现在额“毛脚女婿”上门就比老底子复杂的多了，再送烟酒就勿利于身体健康了，开始流行送“保健品”等有利于身心健康额么事，如：“鹿茸酒”啦，“十全大补酒”啦、“人参”啦……

如风往事之——闲话“毛脚女婿”（方言故事）

        上海人也有含蓄额一面，送么事勿好“特别野花花”、“赤裸裸”，既要讲到钞票，又要讲到经济实惠，还勿能特别去讲究经济实惠，假使侬真额去送上一只大大额大红包，反而让对方觉得男方是一眼啊么啥额品味额人，叠额人从今后就勿配做“我”额女婿，分寸一定要掌握好，勒辣上海做一额毛脚女婿，基本浪厢讲绝对是一个技术活。

如风往事之——闲话“毛脚女婿”（方言故事）

        也有勿欢喜吃烟酒额丈人老头，等到要走额辰光，侬送伊额烟酒退回来也是很有可能额，真额到伊额辰光乃么要戆忒咧，所以勒辣上门之前，最要紧额事体是先把功课做做好，要对女方屋里厢方方面面都要了解清爽，有啥额需要避避开额地方伐，投其所好才是正道！

如风往事之——闲话“毛脚女婿”（方言故事）

        到了未来额丈母娘丈人老头屋里厢礼品送好以后，交流了一段辰光，丈母娘一般会得端上来“一碗糖滚蛋”，要看碗里厢有几只糖滚蛋，糖滚蛋越多就表示对侬越是欢喜，最多也勿会超过三只，因为四只就是勿大吉利了，叠额辰光即使侬肚皮勿饿，也要全部吃掉。只要是吃好了糖滚蛋，眼扳数要留侬吃一顿饭，贯穿整个过程当中，是勒辣考验侬，侬既勿好闲话讲得特多，像饭泡粥一样一刻不停额去讲，也勿能像一只“闷鸽子（格子）”一样，勿大响、勿大肯讲闲话。一条最最基本额原则是“千穿万穿，马屁不穿”，捡好话、捡丈母娘丈人老头特别欢喜听额闲话去讲，还要勒辣讲额辰光做到适可而止。

如风往事之——闲话“毛脚女婿”（方言故事）

        从第一趟做“毛脚女婿”到正式领证办了喜酒，搿段日脚对上海人来讲就算是“试婚期”，辰光有长有短额，关键问题是侬要了解未来丈母娘家庭是哪能生活、有啥生活习惯、侬能否融入伊拉家庭，就要靠侬去通过“做各种事体”来了解清爽了。男女双方谈朋友谈了比较长了，一旦觉得大家都谈勿下去、么必要再去谈了，双方还是可以拗断分手额。不过，对于一般人家来讲非勿得已勿大会走迭步路。

如风往事之——闲话“毛脚女婿”（方言故事）

        还有一条也是要记牢额，假使勒辣屋里厢吃饭，等到吃好一顿饭以后，一定要抢先一步把事体先去做特伊，袖子管撸起来把碗汏干净了。勿好翘二郎腿，像姥爷一样坐在电视旁边看看电视，假使真额叠能样子额闲话，侬就准备好“吃回票”伐，再也么下一趟见面额机会了，只有做到女方爷娘仍能笑嘻嘻送侬出门，叠场考验才算结束。

如风往事之——闲话“毛脚女婿”（方言故事）

        一般情况来讲，上海人还是比较正宗额，男女双方必定是奔着结婚为目的而去谈恋爱额，能够让侬做上门女婿，基本浪厢对侬是比较认可额，假使对方额爷娘对侬否是牢认可额，既勿会让侬上伊拉屋里厢额门，还会得让自家额女儿跟侬马上拗断，要伊另外去寻找更加好、更加合适额对象。老底子一代人，从双方认得开始谈恋爱，一直到双方长辈都认可、可以“正式敲定”成为结婚额对象了，是狭气重要、狭气隆重额一桩事体，一般来讲就算能做毛脚女婿到正式敲定，也至少要有两年左右额辰光，勒辣中间还有可能要去搞一个订婚仪式！

如风往事之——闲话“毛脚女婿”（方言故事）

      【备注：①文章为作者原创；②各类和“毛脚女婿”有关的图片均来源于网络上；③感谢原创图片。】

如风往事之——闲话“毛脚女婿”（方言故事）

        杜老倌侠客居（陆伟）写于2018年05月16日星期三晚上