如风往事之——到上海去伐（不）【上海方言文章】

如风往事之——到上海去伐（不）【上海方言文章】
如风往事之——到上海去伐（不）【上海方言文章】

        “到上海去伐（不）”，朋友当侬听到迭句闲话额辰光，内心一定会产生一丝疑问吧，并会因此“判定”讲迭句闲话额人大概不是上海人，要不然的闲话伊哪能会的讲迭句闲话？殊不知，其实“到上海去伐（不）”，是吾伲上海人勒辣老底子每隔一段辰光必要讲额一句口头禅，而且使用频率比较多，只不过勒辣今朝很少有人再去讲伊而已！

如风往事之——到上海去伐（不）【上海方言文章】 如风往事之——到上海去伐（不）【上海方言文章】

        勒辣老底子上海，是以黄浦江为界线，黄浦江以东称之为浦东，黄浦江以西称之为浦西。“到上海去伐（不）”，主要是指浦东人乘摆渡船过黄浦江到浦西去，因为伊额辰光么的越江隧道与跨江大桥，浦东人去浦西，只好乘坐摆渡船！老底子浦东人把去外滩看情人墙、轮船勒辣黄浦江浪厢往来穿梭、万国建筑群；逛逛老城隍庙、南京东路步行街、四川北路布店、大世界；都叫做“白相（大）上海”，或“到（大）上海去白相”，不仅仅是迭能样子，甚至于浦东人把凡是黄浦江的对岸（面）都统称为“上海”。

如风往事之——到上海去伐（不）【上海方言文章】 如风往事之——到上海去伐（不）【上海方言文章】

        记得勒辣笔者小辰光，外公外婆家住在洋泾镇永安街北凌家弄，即现在的浦东大道崮山路路口“一品粤珍”酒店的所在地，镇上的人就算是到歇浦路乘宁歇线摆渡船到对岸的杨浦区去购物，啊一样会称之为“到上海去伐（不）”、“到上海去买么事”。伊额辰光的上海有12爿百货商店，尽管原先勒辣浦东大道永安街路口啊有两爿商店，面朝东额一爿是百货体育用品商店，面朝西额一爿是百货日（食）用品商店，镇上的洋泾镇西路同样啊有一爿百货商店，但是镇上的人更愿意乘摆渡船到对岸杨浦区平凉路1489号第三百货商店买么事，（注解：第三百货商店勒辣杨浦区工人文化宫的对面。）勒辣浦东人看来，就算是到过上海了，迭额特别是浦东洋泾镇人心目当中的上海了。

如风往事之——到上海去伐（不）【上海方言文章】 如风往事之——到上海去伐（不）【上海方言文章】

        笔者2003年7月——2009年12月勒辣浦东凌桥地区工作了六年多辰光，伊面的人到草高支路乘草临线摆渡船去杨浦区五角场；到三岔港乘三淞线摆渡船去宝山区；啊同样称“到上海去伐（不）”、“到上海去白相”。

如风往事之——到上海去伐（不）【上海方言文章】 如风往事之——到上海去伐（不）【上海方言文章】

      笔者从出生到16岁，有一半额辰光住在原川沙县高桥镇，另一半辰光则住在原川沙县洋泾镇，即现在额浦东新区高桥镇、洋泾地区，虽然讲迭两额镇勒辣当时是原川沙县四大名镇中的两大名镇，勒辣郊区其商业啊算得上是比较繁荣发达额，但毕竟是勒辣浦东，所以勒辣老底子、勒辣经济较为宽裕的条件下、再加上有点空余辰光的情况下头，想要买高档一点、时髦一些、好一点、品牌的么事，还是要跑到浦西去。如去原南市区十六铺东门路45号第五百货商店（注解：第五百货商店已被拆除）、原卢湾区淮海路903号第二百货商店、原卢湾区淮海中路449号妇女用品商店、原黄浦区南京东路830号第一百货商店……想要出去白相，浦东人还是要往浦西跑。假使讲浦东人实在不想到浦西去，但又想出去逛逛买卖么事，那又该怎么办呢？吾伲还可以乘81路、85路公交车，到崂山西路、东昌路，勒辣伊额辰光，迭两块地方还归黄浦区管辖，各类商品啊算得上比较齐全额，勒辣浦东地区啊可以算做是两个购物额好地方。不过，帮浦西做一额比较，还是有一定的差距额！

如风往事之——到上海去伐（不）【上海方言文章】 如风往事之——到上海去伐（不）【上海方言文章】

        勒辣老底子相比较而言，浦东地区的商业远不如浦西来的繁荣发达，交通啊么的浦西来的方便便利，伊额辰光还么啥额越江隧道与跨江大桥，想要到浦西去白相，只好依靠摆渡船，去一次啊不是狭气容易，一旦碰到了大雾弥漫额大雾天，摆渡船（自轮渡）还要停航，“到上海去伐（不）”算得上是一件大事情了，所以去之前先要盘算谋划好，三五成群，大家一起结伴同行。勒辣伊额辰光笔者唯一的一位上海亲戚——大姨妈住在虹口区东汉阳路，而笔者住在高桥镇，每次到大姨妈屋里厢去白相，必定要大清老早出发，早上7点钟左右勒辣81路公交车站等车，不是先乘到歇浦路乘宁歇线摆渡船过江转乘22路电车，就是乘到民生路乘民丹线摆渡船过江转乘22路电车，到了大姨妈额屋里厢，勒辣大多数情况下头，已是接近中午吃饭额辰光了！

如风往事之——到上海去伐（不）【上海方言文章】 如风往事之——到上海去伐（不）【上海方言文章】

        每趟到上海去白相相，回到屋里厢以后，假使是有买过么事额，朋友、邻居及同事看到以后，必定会围拢过来询问询问，侬迭眼么事，或侬迭件衣裳，勒辣啥地方买额？迭额辰光讲闲话额人，伊额语气啊会得比平常光要硬气得多了，语调与语气当中，必定会带着一份自豪感与满足感，回答道：“勒辣上海（浦西）去买额！”或者说：“勒辣上海南京东路市百一店买额！”……迭额辰光勿要特扎台型噢！【备注：“扎台型”是上海方言，是指有“很面子”的意思。】

如风往事之——到上海去伐（不）【上海方言文章】 如风往事之——到上海去伐（不）【上海方言文章】

        还有，笔者记得原先洋泾镇建平路上菱冰箱厂对面有一个蔬菜批发市场，勒辣伊额假使屋里有一眼事体，【注解：通常情况下头，所谓的屋里厢有一眼事体是指，每过一段辰光所有额家庭成员聚集在一起，吃饭、喝酒、聊天。勒辣伊额辰光，无论是社会还是家庭，各种条件远不如现在那么好，饭店啊少，一旦有家庭大聚会，多数情况都是呆了屋里厢，自己动手去做。】洋泾镇人宁肯到歇铺路乘宁歇线摆渡船过江，去杨浦区松潘路菜市场买买小菜，啊不愿意去洋泾镇蔬菜批发市场，因为勒辣伊额辰光，松潘路菜市场额品种多、货源齐全、可供选择额余地比较大，笔者额父亲啊带笔者去过好几趟哩！

如风往事之——到上海去伐（不）【上海方言文章】 如风往事之——到上海去伐（不）【上海方言文章】

        小辰光笔者家住在高桥镇，假使父母告诉笔者明天吾伲带侬到上海去白相，当天夜到头必定高兴、兴奋地困不着觉，期盼马上就能天亮到上海去白相相，假使一年到头能去六、七趟已算是老幸福额事体了！又假使老长辰光么去了，便会得向父母央求道：“上海去伐，到上海去伐（不）！”

如风往事之——到上海去伐（不）【上海方言文章】
如风往事之——到上海去伐（不）【上海方言文章】

      【备注：①文章为作者原创；②各类上海市风景图片均来源于网络上；③感谢原创图片。】

如风往事之——到上海去伐（不）【上海方言文章】 如风往事之——到上海去伐（不）【上海方言文章】

        杜老倌侠客居（陆伟）写于2013年12月21日星期六下午