闲话上海之——电话往事（方言文章）

作者: 杜老倌侠客居70后欢喜写作 | 来源:发表于2019-07-18 19:58 被阅读7次

闲话上海之——电话往事（方言文章）

题记：笔者决定用上海方言来写一篇有关于上海滩哴向电话机的历史，以及与之相关呃各类人事物情跟各类趣闻轶事，文章极有可能写的交关多，还会显得狭气冗长啰里八嗦，但愿欢喜写文章呃爱好者、欢喜上海滩各类历史呃网友，还能看的下去、还愿意去看一看。凡是涉及到上海滩各类人事物情文章，都会得去用上海方言写作，多多少少去保留一点点上海方言文墨，去留存迭座城市历史的记忆……

闲话上海之——电话往事（方言文章）

据笔者查阅到有关于上海滩呃电话史料后晓得，实际哴向上海滩老里八早就已经拥有电话了，拥有第一部电话呃辰光是勒拉1882年，只不过比英国人亚历山大·贝尔勒拉1876年发明电话晚了6年。

闲话上海之——电话往事（方言文章）

当时光跨入到1882年辰光，“丹麦大北电报公司”勒拉上海外滩7号，开通了人工电话交换所，迭家公司是专门经营租界内电话业务，迭格就是上海滩上老里八早呃市内电话。勒拉相当长一段辰光里向，电话只是极少数狭气拣铜钿大人家及各类大商家呃通讯工具。

闲话上海之——电话往事（方言文章）

依据上海滩有关于电话历史资料的统计以后才晓得，上海自从1949年05月27日解放以后，全市一塌刮子拥有电话机437部。到了1951年，全上海市也只有公用电话机1512部，勒拉掰搿辰光，绝大多数公用电话机是安装勒拉弄堂口烟纸店里向，是由买卖杂货呃老板代为看管的，伊拉是不负责“传呼”迭项业务呃。从1952年起，勒拉部分市区开始试点并执行传呼电话服务，一年以后陆陆续续向市区全面推广迭项业务，到了1960年，全市的公用电话达到了3293部。

闲话上海之——电话往事（方言文章）

自从1952年开始向全市推广传呼电话以后，就陆陆续续开始设立了各类“电话亭子间”，依据相关部门统计，当时光进入到了1985年，全市角落山姆设立了传呼电话服务亭3257处，其营业收入占市电话局年收入的百分之九，年话务量最高时曾达到1亿多次，占全市通话总量的百分之十覆盖市区1000多个居委会，服务人员有1万多名。到了1991年，整个上海市安装了2000多部夜间应急电话，伊格服务辰光从夜到头10点钟开始，一直至要服务到翌日早上头7点钟，基本哴向遍布了上海市所有呃区，极大的满足了市民夜间紧急通信的需求。

闲话上海之——电话往事（方言文章）

上海滩有一种独特的建筑叫做——“石库门”，勒拉每一幢“石库门”房子里向都有得“一间亭子间”，伊格位置勒拉灶披间上头、晒台下头呃空间，高度大约莫勒拉2米左右，面积大约莫勒拉6、7平方米左右，伊格朝向是朝北面呃，大多数是用来堆放杂物，极少数是把屋里向佣人居住呃。勒拉老底子上海滩哴向，“电话亭”遍布勒拉上海城区每一个角落里向，连得每条街道都有得“电话亭”，一般来讲都是狭气小呃，伊格平方大约摸只有2、3个平方左右，只有极少数规模少许大一眼，因此上海人特别欢喜把“电话亭”称之为“电话亭子间”。或许，勒拉有关于老上海各类人事物情呃电影跟电视（连续）剧当中，吾伲还有可能会看得到各类“电话亭子间”哦，恐怕即使被90后、00后呃年轻人看到了以后，伊拉还覅一定会得认得伊来。

闲话上海之——电话往事（方言文章）

从上海解放以后，一直要到上个世纪90年代初期之前，除特各类大小商店、各级政府机关跟某些大人物会得“拥有电话机”之外，“电话机”勒拉普通老百姓眼里覅是必需品，而是绝对的奢侈品。一般情况下头，呒啥格特别要紧事体，是用覅着电话机呃，可以通过写信来解决各类问题，最最早呃辰光，市内通信只要四分邮资，外省市是八分邮资，等到笔者也会得写信以后，曾经给自己的二表姐沈清写过一封情真意切的信，只因当时伊是跟二姨妈倪兰英住勒拉一道呃，伊拉屋里向距离外婆家是最最近呃，顶多只有半站路之远，希望伊跟伊格老娘能多去看望照顾外婆一家。不过，掰搿辰光邮资已经涨到了二角洋钿。勒拉掰搿辰光，之所以要去写信，是因为国家规定，每一个小学生都要去学会写标准的信，现在恐怕通通忘记特了，已经写覅来信了！只有是碰到了特别要紧事体，才会得去使用电话。另外就是，男女青年到了谈恋爱轧朋友呃年纪会的去用电话机。即使是迭能样子、又因是上述两个原因要用到电话机，也会得尽可能去做到长话短说，用最最简练呃语言，去把一桩事体的前因后果讲清爽，只因勒拉伊格辰光，绝大多数老百姓手里向是呒得多余的铜钿去煲电话粥呃。

闲话上海之——电话往事（方言文章）

各类电话亭子间为老百姓服务呃人，基本哴向都是一些退休以后“实在是呒事体做呃”兼职老爷叔跟老阿姨。既发挥着伊拉格余热，又多少可以去补贴一眼家用。一间电话亭子间起码有得两个人，还要分两班制，即分早班跟夜班。伊拉啊覅是一天到夜忙到头呃，也有空闲辰光。譬如讲一旦碰到了空闲辰光，如果是两个老阿姨呃闲话，伊拉会得一边结结绒线，一边跟另外一个人嘎嘎讪胡谈谈山海经；如果都是两位老爷叔呃闲话，会得一边吃吃香烟、吃吃香瓜子之类呃小零嘴、大口喝着泡好的一大杯浓茶，一边跟另外一个人嘎嘎讪胡谈谈山海经；讲一些张家长李家短、电话亭子间人来人往呃各类事体。到后来，又增加了一批下岗男女工人，加入到电话亭子间队伍里来。

闲话上海之——电话往事（方言文章）

勒拉掰搿辰光，传呼电话又是哪能为老百姓服务呢？！最最早格电话机多数是黑颜色的，拨号键盘是圆形的，需要去旋转拨电话号码数字。勒拉最初辰光，打一次电话，是三分钟四分洋钿，人工叫一次电话需要三分洋钿。居民一旦要需要打电话跟对方联系通话呃闲话，就要事先打电话到对方所在地的传呼电话亭子间里向，再由电话亭子间里向呃老爷叔跟老阿姨记下来来电电号码、或者简单的内容以后，所写的内容通通是被记勒拉三联（连）单子上头呃，再上门去通知“被叫户”，只有“被叫户”接到了电话单子以后，再去跑到传呼电话亭子间回电话。辰光一长，有些人家跟电话亭子间关系比较好呃各位老爷叔、老阿姨，彼此之间又是狭气熟悉呃人，很有可能免特覅去开电话单子，会得直接去对“被叫户”讲，侬有电话需要马上去回电。

闲话上海之——电话往事（方言文章）

每当各位老爷叔老阿姨到了“被叫户”门口以后，会得拿一只电喇叭哇啦哇啦喊：“某某弄（里）18号里亭子间嫂嫂啊，侬女婿打来了一只电话，需要马上去回只电话啊！”、“23号里向呃张家姆妈，倷呃伲子来过电话了，伊讲今朝厂里向要加班，夜饭就覅回来吃了，覅需要侬回电话了！”、“31号客堂间里向呃老王，侬单位来电话了，讲有得要紧事体，需要侬马上去回只电话啊！”……勒拉掰搿辰光，上海滩还建造了层高6层楼高的新工房，去新工房服务是按照楼层来结算呃，一楼是一角洋钿，依次类推，每上一层楼加一角洋钿……

闲话上海之——电话往事（方言文章）

老里八早，大姨父沈小兔跟大姨妈倪榴娣是住勒拉虹口区东汉阳路上的，离伊拉屋里向最最近呃电话亭子间，起码也要走一站路之远，笔者的家里当时是住勒拉有着八百多年营造之乡美誉的高桥古镇上。姨夫曾经对笔者是迭能样子来讲呃，因为伊跟电话亭子间里向呃各位老爷叔老阿姨关系狭气好，会得发香烟把老爷叔，时不时跟各位老爷叔老阿姨嘎嘎讪胡谈谈山海经搞好关系，每次有得事体需要跟伊联系呃闲话，只要报出伊格名字，伊拉就会得晓得并及时通知伊格。

闲话上海之——电话往事（方言文章）

后来由于1978年开始改革开放，老百姓的日脚越来越好，像芝麻开花一样节节高，传呼电话的服务价钿也是水涨船高，由最初的三分洋钿，涨到了一角洋钿、两角洋钿、三角洋钿……伊还讲到，每次需要伊去回各类传呼电话呃闲话，电话亭子间里向呃老爷叔老阿姨是直接去通知伊呃，而且每趟也是覅开电话单子呃。之所以会得迭能样子去做，有得两个原因，原因之一是因为：伊跟伊拉关系相处的狭气好；原因之二是因为：辰光一长伊拉晓得了，姨夫屋里向经济条件跟别人家比较起来覅是最好，相比较而言稍许要推板一眼，能够省一钿是一钿。伊拉跟姨夫讲，单子就覅开了哦，每趟好便宜一角洋钿……

闲话上海之——电话往事（方言文章）

据笔者获悉，伊拉之所以要迭能样子去做，是有得四个原因呃，第一是，做为问“被叫户”收铜钿呃凭证与依据；第二是，凭着三联（连）单子和打电话的频次，过了一个月以后，会的跟邮电局来一次总结账，看看营收到底有得多少，是比较繁忙、还是比较空闲，到底要付给邮电局多少洋钿；第三是，勒拉当时电话亭子间是受到邮电局管辖的，邮政局是随时随地要来查查账呃；第四是，老爷叔跟老阿姨们凭电话单子及一个月来打电话的频次，结算工资报酬的依据。

闲话上海之——电话往事（方言文章）

还是勒拉掰搿辰光，电话亭子间，既有得空闲呃辰光，又有得繁忙呃辰光。一旦忙起来，排队打电话是会得经常性发生呃，假使公用电话机交关少，夯不啷当只有两部电话机呃闲话，打电话呃人又是狭气多呃闲话，就要排起老老长呃队伍，弄了覅巧就很有可能要排十几米长，勒拉一般情况下头，凡拎得清呃朋友，彼此之间还要空开一定距离。格么，彼此间距离又会得有多远呢？！大约摸勒拉二三十公分左右。假使有人电话打的有一眼眼长了，后头呃人就会得催促前头呃人讲道：“朋友侬电话打好了吗？！还需要多少辰光啊？！”……

闲话上海之——电话往事（方言文章）

还因为电话亭子间就好像是一个情报站一样，电话亭子间里向呃传呼老爷叔老阿姨们，绝对是“消息灵通人士”，而且伊拉对各类弄堂里情况，可以讲像小葱拌豆腐一样一清二楚。假使有得探亲访友呃人来探望人，突然之间忘记特了门牌号头，只要到电话亭子间去问一问就全部晓得了。勒拉掰搿辰光，住勒拉一条弄堂里向呃人，相互之间是呒得“隐私”好讲呃，覅管啥格事体想要隐瞒起来，也绝对是做不到呃，邻居隔壁之间假使少许有一眼眼矛盾，相互之间必然要吵吵相骂，不过吵过以后也就忘记特算数了，一旦对方碰到了问题，自家又能够去解决呃闲话，亦是不会得忘记相互关照照顾对方呃……像迭种事体到了第二天，电话亭子间里向呃老爷叔老阿姨们，保证会得连来龙去脉也晓得的清清爽爽。迭种情同一家人呃温馨场面，是上海人弄堂生活呃一道独有的风景线，不单单是令人交关刻骨铭心，更是狭气令人回味无穷呃，现在恐怕就看大覅到了。有些大嘴巴、喇叭嘴呃老爷叔跟老阿姨们，还会得拿晓得呃各类事体与消息，覅管是好还是坏，通通都会讲出去，因此有些人家还会得跟伊拉搞好关系，希望伊拉嘴巴与口风要紧一眼，覅要到处去乱放喇叭，到外头去瞎讲八讲！

闲话上海之——电话往事（方言文章）

笔者第一次认得并晓得“电话机”是——勒拉上小学一年级辰光，勒拉掰搿辰光，母亲是勒拉中药店做生活呃，药店里向就有的一部黑颜色旋转拨号电话机。有一天，笔者要把一块红双喜牌乒乓板跟一只红双喜兵乓球拿到学堂里向去白相相，母亲怕会得影响到学习，就坚决不允许带到学堂里向去，还拿起了电话机假装打了一通话，说侬呃老师覅允许侬带到学堂里向去，带去了会得没收特呃，就跟母亲争吵吵闹起来，结果母亲实在是拗不过笔者，只好让笔者带到学堂里向去，放学以后还对母亲讲道：“老师根本就呒收过吾呃乒乓板跟乒乓球！”之所以笔者会得跟母亲争吵吵闹，是因为笔者晓得了掰搿辰光电话号码是六位数字，母亲假装拨了三、四个电话号码，是勒拉骗人。

闲话上海之——电话往事（方言文章）

上个世纪九十年代初期，笔者还住勒拉高桥镇，邻舍隔壁过房爷汪志强屋里向购买了一台日本进口的二十一寸彩色电视机，当时笔者屋里向只有一台上海产的“飞跃牌”十八寸彩色电视机，还到伊呃屋里看过两三趟电视，总觉得要比自家屋里向呃电视机要来得清晰好看，色彩度也显得更加真实。但不过，伊拉打开迭台电视机看电视呃辰光，也是有一个小缺点的，覅晓得啥呃原因，每天夜到头大约摸勒拉五点五十分左右到六点十五分左右，总归有人家勒拉打电话，迭呃辰光就看覅到电视了，电视机屏幕也变成了黑颜色，只能听到打电话呃声音，而且双方之间的通话音听得清清爽爽，只能等到通话结束以后，才能显示出屏幕、才可以去看电视，要不然绝对是看覅到电视呃，基本上每天都是如此，后来经过研究，晓得了打电话会得干扰看电视。

闲话上海之——电话往事（方言文章）

“程控电话”被世界科技发展历史认定为：“是属于第二次科学技术革命”。“程控交换”勒拉1960年由美国贝尔公司开始试用“程控交换机”并成功了，就于1965年5月开通了世界上第一部程控电话交换机，标志着自动电话交换控制技术从机电制布线控制发展到电子制程序控制。笔者至今还清楚的晓得，当时光跨入到上个世纪九十年代中期呃辰光，上海市全面使用程控电话，拨号时长最快缩短控制勒拉二十秒，只要对方勒拉打电话或者电话打的比较繁忙，就会得听到忙音声。程控电话既会得显示拨打呃电话号码，还会得显示对方呃来电，更会得记录打电话的时长，打一次电话价钿是每分钟一角洋钿。

闲话上海之——电话往事（方言文章）

笔者哪能会晓得打程控电话是一分钟一角洋钿呢？！因为勒拉掰搿辰光，三姨妈倪金英大表哥朱琪二表哥朱彬住勒拉亲戚借给他们的老式新工房，一梯六户，左右各三家人家，厨房公用，是呒卫生间、电话机呃，每次要打电话时，需要跑十分钟左右的路程到老镇上去打。某一天二表哥就噱笔者一起到老镇上去白相，讲到今朝夜到头屋里要搞聚会咪一点小老酒，就到老镇上买一点熟菜伐，实际哴向伊最主要呃事体是去打电话，电话打了五十分钟左右，包括等待辰光也算了里向，花费了四五块洋钿。后来是过特了若干年以后，才晓得伊掰搿辰光正勒拉热恋当中，打电话给伊女朋友，跟伊女朋友煲电话粥。

闲话上海之——电话往事（方言文章）

到了1997年以后，全市一年就安装了住宅电话70万门。自从迭呃一年起，全市的各类传呼电话业务量开始逐年往下头降。至千禧年以后，上海滩哴向，全市一塌刮子有的传呼电话服务站近4000个，电话机1.2万部。也就是从千禧年开始，各类公用电话亭子间，纷纷关张歇业了，各位老爷叔老阿姨们只好打道回府了。取而代之的是，建造了一大批仿照英国红色电话亭的新型电话亭，最初所安装的电话机都是投币电话机，打电话一块洋钿一次，超过辰光另外还需要加洋钿。后来伴随着科技的再一次进步，改为了插电话卡式的电话机。现如今，因为每家人家电话机跟手机已经全面普及了，迭能样子呃电话亭，反而成为了一种摆设品跟装饰品，几乎是呒人到电话亭打电话了！

闲话上海之——电话往事（方言文章）

笔者屋里向跟别人家是覅大一样呃，是先拥有了“大哥大”，后来才拥有了电话。“大哥大”是“手提电话”的俗称，又被国人称之为“砖头机”，只因“大哥大”看上去像一块大的砖头，故而被大家称之为“砖头机”。在此之前，笔者只不过勒拉各类香港电影当中看到了“大哥大”，其中若是有香港黑帮电影，黑社会老大会得手提一部“大哥大”手机，而且自家是覅拿“大哥大”手机呃，一般情况下，都由跟班小阿弟拿勒拉手里向呃，只有需要打电话呃辰光，才会得去问伊拿过来。

闲话上海之——电话往事（方言文章）

“大哥大”是由美国摩托罗拉公司的工程师马丁•库帕勒拉1973年发明的。1987年“大哥大”被引进到了中国，成为了加速人们信息沟通和社会交往的重要工具。笔者所在城市上海是从1988年开始引进大哥大的，一部“大哥大”手机的价钿是人民币2万块。勒拉掰搿辰光，就算有钞票去购买大哥大呃洋钿，还要去等待排电话号码。有的不少的人家跟各类企业，虽然全款支付了“大哥大”手机，预先支付特了应该支付的铜钿，整整等了一年以后，才拿到了手机号码。

闲话上海之——电话往事（方言文章）

到了1989年下半年辰光，父亲终于有了一部“大哥大”手机，还另外配备了一块电池，勒拉刚刚开始、勒拉绝大多数辰光，迭部手机始终是处勒拉关机状态下的，每当有了紧要事体才会去开机打电话，等打好了电话再把手机关特。为啥要迭能样子去做呢？！只因为充一次电需要十几个钟头，即便充满了电顶多只好去使用两个钟头。而且电话费也是狭气贵，有一趟覅小心播打了天气预报电话，到了下个月账单来了，单子上显示出天气预报电话每分钟价钿要两块洋钿。

闲话上海之——电话往事（方言文章）

勒拉掰搿辰光据父亲对笔者讲，勒拉上海市“大哥大”手机出现了供不应求的情况，市政府为此还专门发过一个红头文件，要给一些比较特殊的单位、工作与业务上都比较繁忙、滴滴刮刮确实需要“大哥大”手机的企业优先使用。勒拉当时父亲所在的单位，市政府优先就给了两部大哥大手机，其中的一部就给父亲使用了，只因为当时父亲已做高级会计师三四年了，还分管着“财务”、“后勤”、“工会”、“人事档案”部门，工作交关繁忙，寻找伊办事体呃人又是狭气多。

闲话上海之——电话往事（方言文章）

到了上个世纪八十年代中后期，属于“旧时王谢堂前燕”的电话机，亦被“飞入寻常百姓家”，极少数有能力的市民陆陆续续开始排队申请安装电话机。到了九十年代初中期，全市市民开始装电话机呃人数变得越来越多了。到了1993年上半年度吾伲家里也安装上了一部电话机，勒拉掰搿辰光滴滴刮刮确实是因为出于父亲的工作需要。

闲话上海之——电话往事（方言文章）

勒拉掰搿辰光，每家人家安装一部电话机是需要初装费呃，为弥补电信建设资金呃不足，国家自从1980年下半年起开始收取市话初装费，做为电信建设专用基金。增收市话初装费政策对通信的发展起到狭气重要的作用，三分之一的电话建设资金来源于初装费，初装费成为支撑国家通信网持续高速发展的一个重要的资金来源。到了2001年7月1日全市取消了初装费。最初的初装费是人民币六千元洋钿，等到吾伲屋里向装固定电话辰光，价钿就降低到了四千五百块洋钿。

闲话上海之——电话往事（方言文章）

据笔者晓得，勒拉掰搿辰光父亲虽然滴滴刮刮工作交关繁忙，可以讲是一天比一天要忙，找伊办各类事体呃人也是交关多，领导希望就算父亲下班了，一旦有了事体还能时时刻刻联系到伊。但是勒拉最初呃辰光，伊对装固定电话多多少少还有一眼心不甘情不愿。伊还对伊格领导讲过，单位里有的公用电话，伊格办公室也是有的电话机呃，到了屋里又有的“大哥大”手机，就覅需要去安装啥呃电话机了，何必要去安装电话机啊，不仅是浪费特呃，又是用不着的嘛！伊对笔者讲，还要想去公私分明，认为下班了就跟上班覅搭界了，就覅要再联系伊了，也好借此休息休息，否则一天忙到夜就忙覅过来，啊特吃力了！一直坚持到后来，实在是呒办法了，才去安装了电话机……

闲话上海之——电话往事（方言文章）

虽然勒拉1993年上半年度装好了固定电话，但是勒拉1992年下半年度就已经开始向邮电局申请安装固定电话了，与此同时钞票也付特了。由于勒拉掰搿辰光，安装固定电话是需要排线、电话“总机门子”跟每户“分机门子”呃，【备注：过去安装固定电话是需要“门子呃”，“门子”是有数量的，一个电话号码占总机的一个门子数，专业的名称叫“端口”。】只因为勒拉掰搿辰光，笔者家附近已呒得电话“总门子”跟每户“分机门子”了，已经给先申请的人安装特了，需要去耐心等待，还要去排新的线与新的门子，啥辰光能好还覅晓得。

闲话上海之——电话往事（方言文章）

笔者清楚的记得，当电话机安装好了以后，是呒得电话号码呃，过了一个礼拜以后才有的。邮电局还向吾伲赠送了一本电话号码本，本子里向记录了高桥镇所有私人安装电话人家呃号码以及电话户主的名字，就连得吾伲屋里向电话号码及户主的名字也印在了上面。

闲话上海之——电话往事（方言文章）

笔者还清楚的记得，当电话机安装好了以后，父亲为了测试电话机性能以及打电话所产生的效果是哪能样子呃，第一只电话就打给了黄锦荣老伯伯，伊要比吾伲屋里向早一年先安装好电话机。伊既是父亲同一个单位里的同事，与此同时又是笔者姑父黄锦民同父同母的亲大哥。只不过，彼此之间所在的区域是不一样格，伊是勒拉浦西地区上班呃，父亲是勒拉浦东地区上班。勒拉打电话的全过程当中，伊还趁机教育了父亲一下，因为伊老早就听到并晓得了，最初父亲是覅大愿意去装电话机呃，讲父亲也太覅领市面，要去多领领市面，现在只要是有条件呃人家，通通都去安装了电话机，浦东搞改革开放到今朝已经有三年了，新区政府也已经成立了，一旦有了各类公私要紧事体，联系起来，覅是极其方便吗？！侬哪能还介落伍跑了后头啊……

闲话上海之——电话往事（方言文章）

每一个时代都有其独一无二的特征，而且处勒拉了不同时代、不同区域里向，其特征与特点不但是覅相同的，更覅可能是一模一样呃。譬如讲：勒拉上个世纪七十年代流行趋势之一就是：结婚需要“48条腿”跟“三转一响”；到了八十年代的流行趋势之一就是：男女朋友开始流行“跳跳各类交谊舞”、“唱唱各类流行音乐（歌曲）”；到了上个世纪九十年代初中期流行趋势之一就是：安装私人固定电话……

闲话上海之——电话往事（方言文章）

因为勒拉掰搿辰光“电话”是交关流行呃，又加之每家每户陆陆续续普及了电话，电话费也逐年逐步下降了，亦是一个极其好的题材，因此北方的相声演员跟上海的滑稽戏、独角戏演员都创作并讲过有关于《打电话》的段子。譬如讲：马季、郭启儒讲过一个相声段子叫：《打电话》；相声演员回婉华、胡仲仁讲过传统相声段子《打电话》；王双庆、吴双艺、童双春讲过滑稽戏《打电话》的段子；刘福生、周艺凯讲过滑稽戏《山东人打电话》……凡是种种真呃可以讲是不胜枚举啊！就连得后来才出现的新曲艺形式“电视小品”，也有《打电话》。

闲话上海之——电话往事（方言文章）

迭些《打电话》呃段子都是勒拉讲——有些打电话呃人，覅管事体要紧与否，讲起闲话来都是啰哩啰嗦覅管覅顾，哪怕覅是交关紧要呃事体，也要去打电话，影响了有要紧事体需要打电话呃人；有些电话亭子间里向呃老爷叔，只因听大覅懂打电话人各类方言土语，不仅仅是闹了笑话、把事体耽搁特了，还使得双方都闹得覅愉快……

闲话上海之——电话往事（方言文章）

个人始终认为，既覅管是啥呃人，也覅管去做啥呃事体、讲啥呃闲话，做各类事体、讲各类闲话，要尽肯能去做到简明扼要交代清爽，只要把“事由”、“日脚”、“辰光”、“地点”、“人数”跟需要带好“几钿洋钿”就可以了，是覅需要去啰里八嗦讲一大堆呒用呃闲话。

闲话上海之——电话往事（方言文章）

但不过，就有一些人，平时勒拉打电话跟别人家交流呃辰光，就是主次分大覅清爽，勒拉前头啰里八嗦废话连篇讲了一大堆，过特了三五分钟，还呒把最最重要呃一桩事体讲出来、讲得清爽明白，让人覅是丈二和尚摸不著头脑，就是木知木觉覅晓得伊到底要讲啥！

闲话上海之——电话往事（方言文章）

譬方讲：几十年老友交关辰光呒碰头了，打电话邀请老朋友碰碰头聚个会，是狭气简单呃一桩事体，只要把“日脚”、“辰光”、“地点”交代好，再去讲“聚会呃理由”、“洋钿要多少”就可以了嘛。打电话人却覅是迭能样子，固定电话接通了以后，先用变声变调让对方去猜，一直要等到猜正确了再继续去讲。接下来就讲：侬迭只抽筋赖棺材夜饭吃过了吗？侬真覅是么事，吾近抢把听到阿六头老娘讲，前抢把侬勒拉打喷嚏辰光把老腰弄伤了，为啥就覅能对吾讲，吾就好去望望侬了，侬哪能介覅够朋友，连得几十年来老朋友呃覅告诉一声……