【九洲芳文】
当“时光”迭部列车驶入到当今社会呃辰光，还陪伴着改革开放呃步伐勒拉覅断呃加大搭深入，辰光走到嘞今早仔，各式各样呃化妆品搭护肤用品，真呃可以讲是琳琅满目数也数覅清爽哦，各式各样呃化妆品搭护肤用品呃牌子，也同样可以用多如牛毛唻形容一下呃。啥呃，勒拉迭嗰其中，各式各样呃牌子就有得：“兰蔻”、“雅诗兰黛”、“迪奥”、“资生堂”、“倩碧”、“海蓝之谜”、“香奈儿”等等……
辰光走到嘞今早仔，正是因为化妆品品牌唻得邪气众多呃缘故，还因为覅管是男士还是女士，有得交关多呃人，侪是邪气爱美搭穿着打扮呃，勒拉有些辰光里向，还是交关容易让人去挑花眼睛呃，就覅晓得到底应该选择哪恁样子呃化妆品，唻得邪气好、邪气合适。
本人是土生土长呃上海人，要是辰光迭部列车，再倒转到三十年前头，倒转到上嗰世纪呃八十年代左右，却覅是迭恁样子呃，尽管勒拉掰搿辰光，国家虽然讲已经是一眼眼勒拉搞改革开放嘞，但畀过，步伐还远远覅如今早仔唻得要快、唻得噶末噶深哦，就勒拉掰搿辰光里向，各式各样呃商品远覅如今早仔唻得琳琅满目哩，有关于各式各样呃化妆品搭护肤用品也同样是迭恁样子呃，简直是历历可数。
就勒拉掰搿辰光、还勒拉本人所在呃城市上海滩哴向，最最高级呃护肤用品，还是要数“雪花膏”迭样化妆品嘞。噶末，啥呃又畀叫做嘞“雪花膏”呢？！伊是一种以硬脂酸为主要成分呃膏霜，由于涂抹勒拉皮肤上头，勿单单会得像搭雪花形状一色似样呃融入、渗透到嗰人呃皮肤当中去，而且还会消失忒，所以就叫做嘞“雪花膏”。
“雪花膏”涂抹勒拉皮肤上头呃辰光，勒拉皮肤呃表面上头，伊还会得去形成一层薄膜，伊可以去做到，让皮肤搭外界干燥隔离开唻，从而就好去节制表皮，覅让表皮上头呃水分畀蒸发忒，保护皮肤覅会干燥、开裂或粗糙，像迭种护肤用品，最适合勒拉冬天去使用。
像“雪花膏”迭种护肤用品，发明地搭产地侪是上海呃，依据历史资料显示，自从发明生产雪花膏以后，是由上海“大陆药房”总经销呃。勒拉掰搿辰光里向，已经有得广告方面呃宣传嘞，勒拉广告纸头呃上头，还印着掰搿辰光大红明星白杨女士，勒拉胸前还有得一束鲜花，并配之以邪气甜美呃笑容，伊嗰迭种举动搭扮相，让一些交关爱美、邪气爱穿着打扮呃女性同胞们心向往之，勿单单是迭恁样子唻，还配有一句广告词，迭恁唻讲呃：“最为爱美仕女之妆台良伴！”
上文当中所提到呃“大陆药房”，勒拉1912年呃辰光，由范和甫勒拉上海滩闸北区南山路99号创设呃，伊还有得另外一种讲法唻，是讲伊嗰地点则勒拉老上海三马路河南路口创设呃，迭条马路就是今早仔呃汉口路河南中路路口，勒拉伊嗰创办之初主营西药、医疗器械搭进口化妆品，到嘞后唻末，侪陆陆续续去建立嘞车间、办公楼搭仓库，除忒上述以外，并且还直接从事国货化妆品——雪花膏呃生产。
上头所讲呃“雪花膏”，伊呃品牌名字就叫做“雅霜”，勿单单是有得历史方面呃记录，而且还有保留下唻呃各种老照片为证据哦，最最早是勒拉上嗰世纪呃三四十年代往里，即勒拉民国时期，勒拉上海滩迭座城市呃街面上头，到处侪恁够去看到迭种广告，因此唻讲，伊嗰历史是邪气悠久呃。“雅霜”迭嗰品牌也是存在着迭恁一种讲法呃，伊自从诞生之初以唻，一直要走到上嗰世纪呃九十年代初中期之前，完全就恁够去跻身到奢侈品品牌呃行列当中去呃，就勒拉掰搿辰光里向，对于邪气普通呃老百姓唻讲伐，伊拉还覅一定恁使用得起！国货“雅霜”迭嗰品牌呃化妆品，还畀赞誉为“祖母级”呃化妆品。
而且一直以唻，雅霜雪花膏，伊侪是以绿颜色呃圆盖子、白圆瓶子为形状呃，勒拉瓶子呃前面还贴有绿颜色呃标签，伊始终呒得改变过，勒拉20世纪30年代呃辰光，伊呃年生产量，就已经是达到100多万瓶哦，伊勒拉鼎盛时期呃辰光，上海本地地区呃消费者，对于“雅霜”也是邪气津津乐道呃，伊还有得“无雅覅成店”呃美谈……
笔者自家还恁够清楚呃去记得，虽然勒拉掰搿辰光里向，各式各样呃化妆品搭护肤用品，可以讲远远覅及今早仔唻得琳琅满目丰富多彩哦，但畀过，还是有得一眼化妆品搭护肤用品呃，除忒笔者上头所讲到呃“雅霜雪花膏”以外，还有得圆形铁盒子装呃“百雀羚”、“双妹”牌、“秋蝶”牌、“上海”牌、“红梅”牌搭“友谊”牌，而且迭些品牌呃化妆品，侪是属于纯国货品牌搭上海品牌呃日用化妆品。
“百雀羚”迭嗰品牌创立于1931年，伊是由顾值民搭伊呃妻子徐贞志经过反复商量讨论以后，先去成立嘞富贝康化妆品有限公司，随后还去引进嘞德国一家公司呃配方，成功呃制造出嘞中国第一代护肤用品。伊曾经是上海滩名人搭著名人士呃御用化妆品。比方讲：勒拉掰搿辰光里向，就有得电影女明星阮玲玉、周旋搭胡蝶侪是去使用“百雀羚”迭嗰化妆用品呃，就连得民国时期呃“宋氏三姐妹”，也同样是去使用迭嗰化妆品呃，因而就大大呃去提升嘞——迭嗰化妆品品牌呃知名度，就勒拉掰搿辰光里向，只要是屋里厢稍微有一眼眼经济条件呃女士们，大家侪是趋之若鹜呃会得使用国货化妆品“百雀羚”。
相传，夫妻俩人之所以要去起“百雀羚”迭三嗰名字，也是有得唻源搭出处呃，“百雀”迭两嗰字，则是取自于古代典故“百鸟朝凤”，夫妻俩呃寓意就是希望——迭嗰品牌日后恁蒸蒸日上，有像百鸟般呃热闹景象，而“羚”字是上海方言閒话“灵光”两嗰字呃谐音。
上述所讲呃还覅好算点啥，当时光列车驶入到2013年3月30日呃辰光，还作为“国礼”畀带到非洲，进一步提升嘞国际知名度。
“双妹”牌是当今中国化妆品历史上头，最悠久呃化妆品品牌嘞，伊是勒拉1898年，由中国第一家化妆品公司广生行呃创始人，马福田先生勒拉香港创建起唻呃，伊一直要等到1903年呃辰光，侪入驻到上海滩哴向，伊自从唻到嘞上海滩哴向以后，一直就呒离开过，辰光一长久而久之，自然而然就成为嘞上海品牌货、上海牌呃化妆品。
“双妹”牌化妆品，伊嗰灵感则是唻源于上海方言閒话当中呃“DIA嗲”字搭“JIA茄”字两种气质呃相互融合体，伊就好像搭“双生花”是一色似样呒啥区别呃。“DIA嗲”字，伊呃意思搭含义就是：形容上海女性勒拉言谈举止当中，会得自带有一股独有呃娇俏柔媚，从骨子里向散发出唻特有呃一种女人咪道，勒拉其他地方呃女性未必会有呃，“JIA茄”字是专门形容女子独有呃一种聪明伶俐搭果断干练。
“秋蝶”牌最早则是诞生于吾伲国家历史哴呃“中华民国时期”，据说迭嗰品牌呃化妆品，勒拉民国时期呃辰光，就已经是去做到家喻户晓妇孺皆知呃，而且还去达到嘞无人覅知无人覅晓呃层度唻，与此同时，勒拉掰搿辰光里向，也是风靡贵族名媛呃专用护肤品牌。
之所以会迭恁，勒拉背后还有得一段凄美呃爱情故事，感人至深，可恁正是因为迭段凄美爱情故事呃缘故，侪备受众多人呃欢喜。
据说，勒拉民国时期呃上海滩哴向，是有得两嗰人物呃，男方呃名字叫做嘞“许砚秋”，女方呃名字叫做嘞“程雨蝶”，男方发誓要让女方成为全上海滩哴向最最美丽呃女性，话虽然是迭恁样子唻讲呃，但畀过，许砚秋是一嗰覅折覅扣呃穷酸小子，程雨蝶是万众瞩目呃大小姐，因为彼此间差距悬殊呃缘故，男方未恁如愿呃去娶到女方。许砚秋还答应程雨蝶呃父亲，会出去讨得一嗰好前程畀伊拉囡鱼，请未唻呃岳父放一百只心，伊毅然决然呃穿起军装，参加北伐战争。
走过八年辰光以后，许砚秋回到上海滩，可以讲是衣锦还乡，较为可惜呃一桩事体就是，迭嗰辰光呃程雨蝶已经覅勒拉人世间嘞。最最主要呃原因就是因为——当许砚秋出走以后呃第尼年，程雨蝶呃父亲硬劲要囡鱼去嫁畀嘞一嗰富有商人，就勒拉成亲呃迭嗰一天里向，程雨蝶勿单单是誓死覅听从父亲呃閒话，而且还去选择嘞为情殉情，当天就自杀身亡嘞。当许砚秋晓得嘞迭桩事体以后，人也是变得悲痛欲绝肝肠寸断，伊为嘞恁更加好呃去纪念程雨蝶，便从各自呃名字里向，各取一嗰字出唻，成立嘞一家名叫“秋蝶”品牌呃化妆品。
“秋蝶”迭嗰化妆品品牌，因为历史呃种种原因，一度曾消失过一段辰光，但畀过，当时光呃列车驶入到2005年，伊又一次回归到大众呃视线里。从成立呃那一刻到今早仔，伊一直是存有迭恁一种讲法搭宗旨呃，但凡是那些欢喜使用“秋蝶”牌化妆品呃女性同胞们，必定是嗰邪气热爱生活呃人，勒拉伊拉呃骨子里也是交关细腻呃。
“红梅”牌日用化妆品，伊是“上海红星日用化学品厂”旗下呃一款产品，迭嗰厂家是多种经营、有得多款各式各样呃产品呃，“红梅”品牌呃日用化妆品，主要还是以玻璃瓶装呃“头油”为主打哦。
“友谊”牌是雪花膏，伊同样是老牌子、老上海货呃日用化妆品哦，今早仔是上海家化联合股份公司旗下呃一款产品，伊呃主要特点就是——无激素、无刺激，还控油，伊呃主要成分有纯甘油、硬脂酸搭香料等组合而成呃，伊呃膏体既香且白，恁滋润皮肤，抗御风寒刺激，迭款化妆品，虽讲四季皆恁去使用，勒拉冬天使用最为合适。勒拉掰搿辰光里向，每年每趟仔，只要是气候步入到嘞秋冬天季节以后，就陆陆续续开始去使用嘞，而且还是拿伊当作护手霜唻使用呃。
除忒之前所讲呃、各种品牌呃化妆品以外，如果讲还有一样么事也恁算作化妆品呃行列呃话，还是要数“手牌蛤蜊油”，伊还有各式各样呃名称哩，伊呃名字又畀叫做“嘎啦油”、“瓦壳油”、“贝壳油”、“歪子油”……上海人最欢喜叫伊“蛤蜊油”搭“嘎啦油”，伊呃外壳就是采用“蛤蜊呃贝壳”，伊是最最低档次呃化妆用品，几乎家家户户侪是使用得起呃。有些覅晓得缘由呃人还会得去误以为，迭种化妆品是从蛤蜊里向提炼出唻呃，实际哴向是一嗰美丽呃误会，伊是由矿物油，比方讲：“凡士林”、“石蜡”，外加点冰片等原料去调制而成呃。
至少辰光勒拉上嗰世纪呃九十年代初中期之前，对于一些邪气普通呃老百姓唻讲伐，几乎是呒得啥呃交关好呃护肤用品呃，“蛤蜊油”就是属于大众化呃化妆用品。每年每趟仔，只要是到嘞秋冬季节里向，为嘞有效去防止手脚开裂、双手、双耳搭面孔上头去生冻疮，会得经常去使用“蛤蜊油”呃，伊恁有效呃防止开裂生冻疮，还护肤。
噶末，还有呒有比最最低档次呃“手牌蛤蜊油”化妆品，还要推板呃、所谓呃“化妆品”呢？！实话实讲，勒拉物资邪气匮乏呃年代里向还是有呃，就是各种医用品牌呃“开塞露”，伊最初、最最主要呃功恁就是——用于治疗并改善小囡搭年老体弱者呃便秘问题，除忒迭嗰功恁以外，伊又畀大家当作化妆品唻使用呃，每当跨入到秋冬呃季节里向就当护手霜唻使用，恁防治手上生冻疮，效果还是覅错呃。勿单单是迭恁样子呃，就勒拉笔者所在呃城市上海滩哴向，对于那些经济条件邪气推板呃人家唻讲一讲伐，勒拉那些物资邪气匮乏呃年代里向，有得交关多呃普通人家，每趟仔到嘞秋冬季节里向，会得经常性拿唻当作护肤用品使用呃，每天会去涂抹勒拉双手搭面孔上头。
但凡是屋里经济条件稍许好一眼眼呃嗰人搭人家，则会得去使用“百雀羚”雪花膏，经济条件再要好一眼眼呃嗰人搭人家，就会得去使用“雅霜”，勒拉笔者所在呃城市上海滩哴向、勒拉绝大多数呃情况下头，就算是那些经济条件覅是交关推板呃嗰人搭人家，也照样会得去好好较精打细算一番呃，“蛤蜊油”、“百雀羚”搭“雅霜”迭嗰三款产品，侪会得相互间轮换着去使用呃，“百雀羚”雪花膏，勿单单同样也是具有防止开裂生冻疮呃功恁，伊呃护肤功恁也一样是有呃。
上面所提到呃各种品牌呃化妆品，“百雀羚”、“雅霜”、“手牌蛤蜊油”搭“开塞露”，勒拉笔者青少年呃辰光，也是去使用过呃，是搭家母倪榴珍、小阿姨倪金凤一道去使用呃，本人虽然讲是一嗰男生，勒拉掰搿辰光里向，去使用呃辰光，并覅是因为穿着打扮、爱美呃原因去用呃，为呃是去预防防止到嘞秋冬季节里向，会得生“冻瘃”，而且只勒拉秋冬季节里去使用，一旦过忒迭两季之后就覅再使用嘞。
勒拉掰搿辰光里向，小阿姨倪金凤呃经济条件，相对而言唻讲伐，就要比其他六嗰兄弟姊妹唻得稍许要好得交关多，加之，勒拉所有呃兄弟姊妹当中，伊本人呃马相勿单单是长得顶顶漂亮、最最出众呃，而且伊本人也是屋里厢最最欢喜穿着打扮呃，穿着打扮也是交关唻三呃，勒拉经济条件允许呃情况下头，所使用呃物品，侪要去讲究品牌呃搭好呃，勒拉各式各样呃化妆品搭护肤品当中，伊只去使用“雅霜”品牌呃，其他品牌一概覅会得去使用呃，一嗰号头要畀伊用忒好几瓶！勒拉掰搿辰光，曾经也赠送畀笔者搭笔者呃家母好几瓶，讲迭嗰牌子呃化妆品是覅错呃，好东西要分享，就大家一道唻使用使用伐。
“冻瘃”是上海方言閒话俚语词，“冻瘃”呃“瘃”字念“zhú”，普通话呃意思就是叫做“冻疮”，上海人除忒畀“冻疮”叫做“冻瘃”以外，还有另外一种讲法呃，畀“冻疮”叫做“细（死）雪”。
上海滩一直以唻侪是受到瞩目呃一座城市，从建立新中国一直到上嗰世纪呃九十年代初中期以前，各类轻工业产品绝对是属于独占鳌头呃，伊呃产品搭质量也是交关覅错呃，而且还属于经久耐用型呃，勒拉掰搿辰光里向，凡是 “上海”牌，或者讲由上海生产呃、各种品牌呃轻工业产品，也邪气备受全国人民呃欢喜搭喜爱哦，比方讲：“百雀羚”、“雅霜”、“友谊”牌迭些化妆品唻讲，就是迭恁样子啊！
当时光呃列车走到今早仔，再回过头去想一想，覅晓得是啥呃原因，总感觉到，老底子呃秋冬季节，远要比今早仔呃秋冬季节，唻得要更加呃寒冷，勒拉上嗰世纪呃九十年代初中期之前，每趟仔只要是到嘞秋冬季节以后，勒拉掰搿辰光里向，覅管自家哪恁去防护，一到秋冬季节里，眼扳数双手上头要去生冻瘃呃，迭嗰辰光双手也是整日变得痒痒呃难以去忍受，为嘞防止生冻瘃，就会得去使用“百雀羚”、“雅霜”、“手牌蛤蜊油”搭“开塞露”迭嗰四种品牌呃化妆品。
笔者从网上查阅到资料，对于“冻疮”是迭恁唻解释说明呃，伊是一种多发生勒拉寒冷季节常见呃一种皮肤病，勒拉皮肤上头会得出现小血管炎症，并且手脚侪会得发痒，还会得出现红斑、肿胀搭起疱疹等各种邪气覅好呃症状。皮损经常性会得陪伴着瘙痒。如果讲，是用热水唻汏好手以后，勒拉皮肤上头，还会得去出现糜烂、溃疡等邪气覅好呃现象，还会感到疼痛……为嘞避免出现迭种情况，最最好事先去做好迭方面呃预防工作，可每天使用上述品牌呃护手霜……
勒拉掰搿辰光里向，每年每趟仔只要是一到秋冬季节里向，笔者搭绝大多数呃家庭基本哴向是一色似样呃，也侪是畀“开塞露”当作化妆品搭护手霜唻使用呃，而且还是经常性会得去使用呃。只因为勒拉笔者呃少年时期，肠胃功恁覅是交关好呃，还邪气容易产生便秘呃情况唻，也是经常性会得拉覅出屎唻，顶顶结棍呃一趟仔，有得一嗰礼拜呃辰光，侪都拉覅出一泡屎唻，每趟仔只要是到嘞秋冬季节里向，同样也会得生冻瘃呃，两种情况皆有呃，所以会使用得多一眼。
辰光走到嘞今年，笔者侪去弄明白迭恁一桩事体，原唻笔者呃大爷叔陆金良呃二女儿陆轶，伊嗰年龄居然要比自家大一岁唻，本人要叫她一声堂姐陆轶，老底子笔者搭大自家五岁往里呃亲大哥陆明，总觉着伊嗰岁数比吾伲俩唻得要小，勒拉掰搿辰光里向，家父也是迭恁认为呃，家父也是直到今早仔刚刚侪弄明白哦，每次见面时，伊应该叫吾伲俩呃人一声阿哥。【备注:上海人管“叔叔”叫“爷叔”。】
文章基本哴向已是撰写到末尾嘞，噶末，为啥呃事体还要去提及堂姐陆轶迭嗰人啊？！只是因为，伊搭化妆品以及冻瘃也是有得交关大呃关系呃，勒拉上嗰世纪九十年代呃初中期前头，伊虽然讲搭笔者一到秋冬季节里向，同样是会得生冻瘃呃，但畀过，伊嗰情况要比本人唻得严重得交关多哩，基本哴向每年侪是迭恁样子呃、侪会得生冻瘃呃，即便去采取嘞各种预防措施，还即便搭笔者一色似样呃，“百雀羚”、“雅霜”、“手牌蛤蜊油”搭“开塞露”迭四嗰牌子呃化妆品也去使用过呃，真呃可以讲是收效甚微，基本哴向是呒啥好效果呃。
至今还恁够清楚呃去记得，有得一年新春佳节里向，伊拉一家四口唻吾伲屋里厢拜年聚会呃辰光，【备注：勒拉伊嗰上头，还有得一嗰大伊四岁往里呃阿姐，名字叫做“陆泳”。】吾伲亲眼看到嘞，就勒拉伊嗰双手上头侪是生满嘞冻瘃，可以讲冻瘃是无处覅勒拉呃，而且双手有覅少呃地方侪是糜烂覅堪，家母看到以后也是肉麻覅已……
【备注：①文章为作者原创；②各种和文章有关系的图片和各种文字动图图片均来源于网络上；③感谢原创图片。】
杜老倌侠客居（陆伟）写于2021年03月13日星期六白天
网友评论