冬天到咗，天寒地冻，光明路却反而繁荣兴旺。经济改革，工人俱乐部唔再冷冷清清。首先长期关闭嘅朱红古老大门打开嗮，大礼堂 入口两旁摆满几十台投币游戏机，左右两边围墙拆嗮改成铺面租出去，靠解元里边开咗士多，靠阿飞屋企边做咗 “祥发餐馆”， 对面街坊德记开门摆香烟汽水，散装啤酒卖。最新最热 电影日夜排场系俱乐部轮住放。 哩下光明路热闹咯，特别喺入夜以后 。三山五岳 ， 三教九流 ，三五成群 ，三三两两各色骑呢古怪络绎不绝而嚟。
阿飞同同学阿肥去俱乐部睇戏。 前一场仲未散，佢两个喺大堂睇人哋打机 。突然间，阿飞感觉件机恤上衣口袋里面嘅电影票被一只手抽 咗出嚟，佢一手噤住个袋， 一边扭转头一望 ， 系个面青青生面口嘅呤仔，阿飞即时恶死 能噔咁：“ 叼你老母 ， 想打我荷包啊？”
“我叼你，边柒个打你荷包啊？”
“你只死烂瘫，你咩料啊？”
“鸡饲料啊，死契弟。”
“你只木嘴想喺哩条街抛我浪头？”
“你只柒头，抛你唔起？我打你添啊。”
“你打我？你只扑街，你未死过。”
“打你阖家铲。”
“先铲你啯家，后铲我门口粒沙。”
“你咁跳口啊？你只发瘟。”
“我叼你老母化臭閪。”
跟住就想郁手，阿肥见到个呤仔后面仲有两个人添， 连忙拉住阿飞：“算啦算啦，开场啦。” 啱好，真系电影散场，阿肥就趁势拉住阿飞去验票入礼堂睇戏 。
原嚟啯班荷包仔有五个人咁多，都系从第度 过嚟睇电影。佢哋恃住人多虾阿飞得两个人，电影开场前成班人相好阿飞阿肥两个位置，包围住散开嚟坐落低。电影院一熄灯开映，五个人就冲埋去打佢哋。阿飞阿肥久经惹事早有警 觉，趁住漆黑昏暗一边抵挡一边杀条血路逃出电影院 。 阿肥护住阿飞挨咗两拳， 怒火冲天心心不忿 。两个首先去连元里揾大头民， 然后去五金铺叫荷包蛋。啱好荷包蛋，阿庆同佢哋几个同学大威，辞差，阿荣喺档口里面打麻雀。 再喺光明路，六甫水脚逐家逐户揾人，能叫嘅都尽量叫出嚟， 华仔，阿唐，尤榄。 连平时比较斯文怕事嘅老道，老懵，女人头都嚟埋 ，一下子聚集到十几人。全部到荷包蛋嘅五金铺集中，拣重手嘅攞，铁水管，大支螺纹钢枝，长 且重手嘅大螺丝， 老道喺荷包蛋食饭台攞咗把水果刀。
众喽啰由大头领大头民统率， 按吩咐喺俱乐部门口榕树脚，旁边解元里口，对面德记士多分头埋伏 ，几路人马都有骁勇善战大将带领。 阿飞怒火攻心， 阿肥摩拳擦掌，两个急先锋霹雳火各守一边， 负责认人。布置得嚟时间啱啱好，电影散场。人流一涌而出，情侣勾肩搭背，一家人拖住手，密密麻麻人流。刚才喺电影院黑咪橗 ， 啯班人由佢哋背后冲埋嚟 ，阿飞其实都唔认得边个打边个，正喺度暗自心急。
阿肥跑过嚟细声讲：“系啯个啦。”下巴指向人群，阿飞一眼就认出面青青条呤仔，仇人见面分外眼红，即刻就跟上去，想睇清佢身边有几多个人 。原嚟啯班荷包友睇完戏亦估到可能被人伏，分开嗮行。阿飞跟住面青青过咗向阳路口去到光明路北厕所巷口， 拍马上前大喝一声 ：“你只死扑街， 求先喺电影院郁我？！”一拳就将佢打翻喺地，面青青爬起身就跑，其他人追逐住喺佢背枚一顿乱拳 ，面青青博命向最人多，最黑暗嘅地方逃跑，眼睇就要走甩。 荷包蛋伸脚一扫， 佢即刻一个狗食屎哒低。 哩下惨，一群天罡地煞冲上去围住乱打乱踢，后面众多个小喽啰，白日鼠，活闪婆之类都埋唔到去落手。
面青青眼睇就不能苟活，只听得阿肥哎：“快啲走啊 。”众人唔知咩事，以为有民警嚟，纷纷掟低手上嘅家撑四散跑开 。
阿飞追上去，跑到埋阿肥身边问：“咩事啫？”
阿肥用手噤住自己另一 只手：“我俾人㦻咗 一刀啊。”
阿飞大吃一惊 ，仔细睇真啲，黑血从阿肥手嚹渗出嚟，一滴一滴跌落地面，但佢唔明：“边个㦻你啊？ 我唔见佢有攞刀出嚟啊？ ”
“ 老道啰。 条柒头，好日唔打交， 我都叫过佢唔好用刀咖啦。”阿肥激鸠气咁讲。
老道手上嘅水果刀早掉咗去坑渠，仲好无辜咁讲 ：“我惗住啱先离远飞佢一刀嗝，点知佢就跌倒咯，咪上去伸把刀插佢啰。”
人马踏杂个个落拳，佢落刀，真系唔知点叼佢。
“我同你去医院缝针。”阿飞只好讲。
荷包蛋走过嚟问：“你哋啯啲钢枝啊螺丝水管呢 ？ ”
阿飞话：“我以为有老二掉嗮啦。”
好多个都话惊过笼，随街掉嗮喇，荷包蛋即刻发嗮矛， 嘈起嚟：“你班柒头打交，我就 伤喇 ，啯啲大螺丝5文一支咖 。”
第二日，阿飞喺连元里巷口见到成日同佢争纸鹞又矮又肥嘅胡佬杰 。 佢神神秘秘咁讲：“噙晚你班柒头喺戏院打交，老派查紧你哋啊，你班柒头食得禾米多啦。”阿飞反驳佢：“我哋打交你见到咩？”胡佬杰讲：“哩条街几多人见到啊，我睇住你喺戏院同人哎霎咖啦。”阿飞惗：“你只正柒头嚟，见我被人打你都唔帮手。”从此更加非常睇唔起胡佬杰。
对于哩次精彩嘅工人俱乐部伏击战，大头民认为真正捍卫咗光明路嘅尊严，但荷包蛋就唔系咁睇。大头民喺工人俱乐部睇完出《大浪淘沙》，返出电影院就极力主张阿庆， 荷包蛋，阿飞，阿唐几个最玩得埋嘅亦学电影里面嘅角色结拜成兄弟 ： “按年龄次序分大细， 学大浪淘沙里面咁，第日偷渡落香港一齐捞世界。 ” 阿庆俾大头民细一岁 ，喺农村出嚟，都梦想有日落香港捞世界，无咩意见 。阿飞就不在话下，成鸠日以及时雨宋公明自居，托塔天王晁盖唔哎结拜佢都想出声。 阿唐系最细啯个， 净系想大家每次去玩嘅时候唔好漏低佢一个，无咩所谓 。荷包蛋同阿庆系同学，觉得哩啲结拜好容易成为街头烂仔就无出声。
话说一日， 大头民，阿庆，阿飞，阿唐四个聚齐喺阿飞间老屋， 即系光明路棵“刀豆树”嘅楼上，夹钱买嚟珠江啤酒 ， 亚洲汽水，万里望咸干花生。 每人上天棚焚起一炷香， 大头民讲：“今日以后我就喺大哥， 你哋都系我细佬 ，阿唐你更加系大家嘅细佬。”
阿唐问 ：“咁我咪即系余宏奎？”
阿庆话 ：“咁你第日实系出卖我哋咖喇 。”大家哈哈大笑起嚟。
无滴血誓盟 ：虽不同年同月生， 愿求同年同日死 ！ 鸡鸭鹅毛无条， 烧肉无钱买。
自此光明路有咗四个结拜兄弟。阿飞虽如愿得偿，但总觉得个仪式唔庄重，总喺个心唔舒服 ，成日充满遗憾。佢哋结拜之后仗义疏财无钱，劫富济贫无胆。阿飞曾经想提出叫齐班兄弟占住越秀山嚟替天行道，但左思右想总觉得今时今日嘅越秀山唔同往日嘅水泊梁山、、、、、、
网友评论